Bilang PDP-Laban chairman... P-Duterte, out, Pimentel in

ni Lolet Abania | August 29, 2021

Inihalal si Senador Aquilino “Koko” Pimentel III bilang chairman ng partido ng PDP-Laban at pinalitan niya si Pangulong Rodrigo Duterte sa naturang posisyon ngayong Linggo.

Sa isang text message ng executive director ng partido na si Ron Munsayac, sinabi nitong ang “original” PDP-Laban ay nag-elect ng mga bagong party members matapos na ma-convene ang kanilang national council ngayong Linggo nang hapon.

“The PDP LABAN National Council elected Sen. Koko Pimentel as its Chairman & former Gov. Lutgardo Barbo as Vice-Chairman,” ani Munsayac sa kanyang text message sa media.

Matatandaang noong Hulyo, pinatalsik naman ng grupo ni Department of Energy Secretary Alfonso Cusi si Sen. Manny Pacquiao bilang PDP-Laban president at pinalitan nga niya sa posisyon ang senador.

Ang paksiyon ni Pacquiao ay kasalukuyang may hidwaan sa grupo na pinangungunahan ni Cusi.

Habang isinusulat ito, wala pang pahayag o inilabas na komento ang grupo ni Cusi kaugnay sa pagkakahalal kay Sen. Pimentel bilang chairman ng PDP-Laban.

P10.4 B pondo ng SAP, nawawala raw... P-Du30 kay Pacquiao: May tama sa utak!

ni Ronalyn Seminiano Reonico | July 13, 2021

Muling binanatan ni Pangulong Rodrigo Duterte si Senator Manny Pacquiao at tinawag niya itong “punch-drunk" dahil sa alegasyong P10 billion nawawalang pondo ng pamahalaan.

Saad ni P-Duterte noong Lunes, "I think, Pacquiao is punch-drunk. Punch-drunk.

“I think he is. To be talking about P10 billion from nowhere... Papayag ba naman ako? At hindi lang ‘yan. Papayag ba kami? Papayag ba ang mga secretary ng departamento na ganoon na may mawala na P10 billion?"

Dagdag pa ng pangulo, "That is a statement coming from a guy who is punch-drunk, lasing."

Samantala, matatandaang sinabi ni Pacquiao na mayroong nawawalang P10.4 bilyong pondo ng Social Amelioration Program (SAP) at aniya pa ay 1.3 milyon umano ang mga benepisyaryo na hindi nakatanggap ng ayuda.

Gobyerno niya, mas korup pa raw... P-Duterte: Pacquiao, 'wag iboto dahil sinungaling

ni Ronalyn Seminiano Reonico | June 29, 2021

Binanatan ni Pangulong Rodrigo Duterte si Senator Manny Pacquiao at hinamon na ituro nito ang mga opisina at empleyado ng gobyerno na sangkot sa corrupt practices matapos umanong sabihin ng Pambansang Kamao na “three times” na mas korup ang kasalukuyang administrasyon.

Nabanggit ng pangulo ang pangalan ng senador nang ianunsiyo niya ang usaping pagtakbo niya sa pagka-bise presidente.

Posible pa rin umano na tumakbo siya bilang bise dahil “There are things I’d like to continue and that would be dependent on the president that I will support.”

Saad pa ng pangulo, “Kasi kung mag-vice-president ako, ang kalaban ko, kontra-partido… Gaya ni Pacquiao. Salita nang salita na three times daw tayo mas corrupt.

“So I am challenging him. Ituro mo ang opisina na corrupt, at ako na ang bahala. Within one week, may gawin ako.

“Maglista ka, Pacquiao, at sinasabi mong two times kaming corrupt. Ilista mo 'yung mga tao at opisina. Dapat inilista mo na 'yan noon, at ibigay mo sa akin."

Dagdag pa ni P-Duterte, "‘Di ba ang sabi ko noon, if you come to know that is a corruption, let me know. Give me the office... Ganoon ang dapat na ginawa mo. Wala ka namang sinabi noong all these years, puro ka praises nang praises sa akin, tapos ngayon, sabihin mo, corrupt.”

Aniya, marami nga ang korup ngunit inalis na niya sa posisyon.

Saad pa ng pangulo, “Meron, marami nga, pero napaalis na. Naunahan na kita.”

Aminado naman si P-Duterte na kahit sino pa ang maging pangulo ay hindi mawawala ang korupsiyon.

Paliwanag pa ni P-Duterte, "Every administration will have a share of the problem of corruption. Do not ever think that if you will win as president, na wala nang corruption dito sa Pilipinas.”

Aniya, maghihintay siya sa listahan ni Pacquiao ng mga korup na opisina at empleyado ng pamahalaan.

Saad pa ng pangulo, "So maghintay ako sa listahan mo at ang mga tao. Matagal naman tayong magkaibigan. Hanggang kahapon, noong isang araw ka lang nagsabi ng corruption.

“It's easy, really, to say. Hindi ko sinasabing walang corruption. Kaya nga ituro mo, kasi 'yung lahat ng itinuro ng iba, pinaalis ko na sa gobyerno.

“I am challenging you or else, talagang sabi nga nila, totoo, namumulitika ka lang.”

Ani P-Duterte, kapag hindi ginawa ni Pacquiao na i-expose ang mga korup sa pamahalaan bilang patunay sa umanoy sinabi nitong mas korup ang kanyang administrasyon, sasabihin niya sa mga tao na ‘wag iboto ang senador sa eleksiyon.

Aniya, "If you fail to do that, I will campaign against you because you are not doing your duty. Do it because if not, I will just tell the people, ‘Do not vote for Pacquiao because he is a liar.’"