Estudyante, titser delikado sa init.. Bakasyon, ibalik ng Abril-Mayo

ni Mylene Alfonso | March 29, 2023

Panahon na upang maibalik ang summer vacation sa buwan ng Abril hangang Mayo lalo na ngayong bumabalik na sa normal ang sitwasyon.

Ito ang reaksyon ni Senador Win Gatchalian matapos isugod sa ospital ang may 120 batang estudyante matapos mahilo at mahimatay habang nagsasagawa ng fire at earthquake drill sa Cabuyao City, Laguna.

"It’s high time the April–May summer vacation is brought back," wika ni Gatchalian, na siyang chairman ng Senate committee on basic education sa press conference sa Senado.

“Kailangan ibalik 'yan sa dati. It’s time to bring it back, especially now that it's normal already,” wika ni Gatchalian.

"May logic ‘yan eh, kaya nilagay d'yan [in those months]. Two reasons: Number one, ang eleksyon natin is always summer. So people will go out to vote kasi pag tag-ulan people will not go out to vote. And then, pangalawa, summer kasi that’s the time students can go out, spend time with their families as opposed to tag-ulan. So, mas maganda na ibalik natin sa dating April, May ang summer vacation,” paliwanag ng senador.

Aminado si Gatchalian na mahabang proseso ang kakailanganin dahil sa magiging transition period sa sandaling bumalik sa pre-pandemic school calendar.

"It will take a little bit of time kasi slow transition ‘yan pero dapat ibalik na dahil ‘yan na ang naging kaugalian natin,” saad pa niya.

Matatandaang nagbukas ang kasalukuyang school year noong Agosto 22, 2022 at magtatapos sa Hulyo 7, 2023.

Samantala, sinabi ni Gatchalian na "nagulat" siya sa insidente sa Cabuyao, Laguna dahil may "very strict" protocols pagdating sa earthquake at fire drills ang Department of Education.

"Mag-ingat lang dahil napakainit ‘no at 'wag tayong gagawa ng mga bagay na malalagay sa delikado ang mga bata natin, dahil ‘yung mga ganitong init, hindi natin alam kung may mga ibang sakit pa ‘yung iba d’yan baka may mangyari," hirit ng senador.

Nabatid na nasa 2,000 estudyante mula sa Gulod National High School Extension sa Bgy. Mamatid ang nakiisa sa drill na isinagawa ng alas-3 ng hapon. Ang temperature noong naturang araw ay mula 36 hanggang 43 degrees Celcius.

Maagang registration sa pampublikong paaralan, simula sa Marso 25 — DepEd

ni Lolet Abania | March 23, 2022

Sisimulan na ng Department of Education (DepEd) ang pagtanggap ng maagang registration para sa public primary and secondary schools para sa School Year 2022-2023 sa Marso 25 at tatagal hanggang Abril 30, 2022.

Ayon sa DepEd, ang isang buwang registration period ay makapagbibigay sa ahensiya ng panahon para makapaghanda sa posibleng mga isyu at kaganapan na maaaring mangyari.

“All incoming Kindergarten, Grades 1, 7, and 11 in public elementary and secondary schools shall pre-register to allow the Department to make necessary preparations and incoming plans for the coming school year,” pahayag ni DepEd Secretary Leonor Briones sa isang memorandum na may petsang Marso 21.

Sinabi ni Briones na ang mga papasok na Grades 2 hanggang 6, Grades 8 hanggang 10, at Grade 12 na mga estudyante ay kinokonsiderang pre-registered na at hindi na kailangan pang makiisa sa early registration.

Hinimok din ng opisyal ang mga pribadong paaralan na magsagawa na rin ng kanilang aktibidad ng maagang rehistrasyon sa katulad na panahon.

Paalala naman ng DepEd sa mga eskuwelahan at sa publiko na patuloy na sumunod sa mga protocols laban sa pagkalat ng COVID-19 transmission sa isasagawang aktibidad ng early registration.

Ang in-person registration ng mga magulang at guardians ay pinapayagan lamang sa

mga lugar na nasa ilalim ng Alert Levels 1 at 2.

Sa mga lugar na nasa ilalim ng Alert Levels 3 hanggang 5, ang registration ay dapat na gawin sa pamamagitan ng text messaging at social media platforms at iba pang kagaya nito.

Ayon pa sa DepEd, magtatapos ang kasalukuyang academic year sa Hunyo 24, 2022 at wala pa silang inaanunsiyo sa pagsisimula ng SY 2022-2023.

August 23, start ng klase — DepEd

ni Lolet Abania | April 30, 2021

Binigyang-diin ng Department of Education (DepEd) na ang pinal na desisyon sa pagbubukas ng klase para sa taong 2021-2022 ay na kay Pangulong Rodrigo Duterte, habang ang panukalang August 23 ay isa lamang sa kanilang mga opsiyon.

Ayon sa DepEd, maghahain pa ang ahensiya ng ibang options kay Pangulong Duterte.

“The August 23 start date proposal is only one of the options since DepEd is mandated to open the school year not later than the last day of August under the same law unless the President intervenes,” ayon sa inilabas na statement.

Inisyu ng DepEd ang nasabing pahayag matapos na isa sa mga opisyal ng ahensiya ang nagmungkahi na sa August 23 ay maaari nang simulan ang school year 2021-2022, kung saan wala pang dalawang buwan ang bakasyon ng mga estudyante matapos ang klase ngayong taon.

Samantala, pinalawig ang school year 2020-2021 nang hanggang July 10.

“Nonetheless, we are still conducting policy consultation and review with concerned stakeholders to determine the most appropriate course of action on this matter,” sabi pa sa statement.

Dagdag ng DepEd, maglalabas sila ng official guidelines para sa school year sa mga susunod na araw.