Sa paghahanda sa face-to-face classes.. Mga guro, isinailalim sa COVID-19 testing sa QC

ni Lolet Abania | December 4, 2021

Isinailalim ang mga guro mula sa pampublikong paaralan sa Quezon City na nakatakdang makibahagi sa pilot run ng limitadong face-to-face classes sa susunod na linggo, sa antigen tests sa COVID-19 ngayong Sabado.

Nasa tinatayang 200 guro mula sa Payatas B Annex Elementary Schools ang na-tests ng Sabado ng umaga. Sa ngayon, wala ni isa sa mga guro ang nagpositibo sa virus matapos ang kanilang COVID-19 testing.

Sa hapon naman ng Sabado, ang mga guro mula sa Bagong Silangan Elementary School sa Quezon City ang isinailalim din sa antigen tests sa COVID-19.

Ang pagsasailalim sa COVID-19 testing sa mga guro ay bahagi ng measures na isinasagawa para sa paghahanda sa pilot run ng limitadong face-to-face classes na nakatakdang simulan sa Lunes, Disyembre 6.

Gayundin, para masiguro na ang mga guro ay walang COVID-19 at tiyakin sa mga magulang na ang kanilang mga anak ay magiging ligtas sa pagpasok nila sa mga klase.

Sa Lunes, 28 paaralan sa Metro Manila ang makikibahagi sa pilot run ng face-to-face classes.

Nitong Huwebes, inanunsiyo ng Department of Education (DepEd) na 177 eskuwelahan, kabilang na ang 28 public schools sa Metro Manila, ang sasali sa pilot run ng in-person classes.

Ang karagdagang ito ang nanguna sa 118 paaralan na inisyal na inaprubahan ng DepEd para isagawa ang limitadong face-to-face classes noong Nobyembre.

Matatandaang sinimulan noong Nobyembre 15 ang pilot testing ng face-to-face classes sa maraming lugar sa bansa sa gitna ng COVID-19 pandemic, kung saan 100 public schools, na nagpatupad ng mahigpit na health protocols, ang nakibahagi.

Habang 18 private schools naman mula rin sa maraming lugar sa buong bansa na nasa low risk sa COVID-19 ang nagsimula ng kanilang pilot face-to-face classes noong Nobyembre 22.

Ayon sa DepEd, ang tinatawag na assessment period para sa initial run ng pilot face-to-face classes ay hanggang Disyembre 22, 2021. Ang pilot study naman ay nakatakdang magtapos sa Enero 31, 2022.

Iskul sa Malabon, nasunog

ni Mary Gutierrez Almirañez | March 27, 2021

Itinaas sa unang alarma ang sunog sa Tonsuya Elementary School sa Malabon City kaninang umaga, Marso 27.

Ayon sa Malabon Bureau of Fire Protection (MBFP), nagsimula ang apoy sa loob ng silid-aralan na nasa ikatlong palapag, kung saan natupok ang mga modules para sa online learning.

Pasado 10:45 ng umaga nang ideklarang kontrolado na ang sunog. Wala namang iniulat na nasugatan o nasawi sa insidente.

Sa ngayon ay iniimbestigahan pa ng MBFP ang dahilan ng sunog, gayundin ang kabuuang halaga ng mga napinsala.

Klase sa ilang eskuwelahan, suspendido

ni Ronalyn Seminiano Reonico | November 16, 2020

Nagsuspinde ng klase ang ilang paaralan dahil sa naging epekto ng pananalasa ng Bagyong Ulysses sa ilang bahagi ng bansa.

Sa Twitter account ng , inanunsiyo na suspendido ang klase mula preschool hanggang senior high school, pampubliko at pribado simula November 16 hanggang 17.

Post ng Pasig City Public Information Office, “As recommended by our DepEd Division of City Schools, Mayor Vico has declared that classes from preschool to senior high school (both public and private), will remain SUSPENDED from November 16 to 17, 2020 (Monday and Tuesday). “Clearing operations continue in all barangays.

MERALCO is also in the process of restoring electricity throughout the city. “Those who are able to continue with their asynchronous classes and modules are encouraged to do so.” Nagsuspinde rin ng klase ang University of Santo Tomas simula November 16 hanggang 21.

Saad ng UST, “We, your Deans, Directors, and Principals have realized after our prayerful reflection that the policy we need to follow at this time is not a policy but virtue and compassion. “Therefore, in consideration of the requests from students and academic staff, we are suspending the synchronous and asynchronous classes from Nov. 16 to 21, 2020.

" Suspendido rin ang klase sa Polytechnic University of the Philippines (PUP) simula November 16 hanggang 27. Anunsiyo ng PUP, “To allow students and faculty members to recover from the impact of Typhoon #UlyssesPH, PUP will be taking an academic break on ALL YEAR LEVELS in the MAIN CAMPUS, and ALL BRANCHES AND SATELLITE CAMPUSES, from November 16 to 27, 2020.

“This means that all synchronous and asynchronous activities will be suspended. Faculty members are also advised to move the deadlines of submissions of all academic requirements.

All academic activities shall resume on November 28, 2020. “Please note that in lieu of the consecutive suspension of classes, the administration will also be extending First Semester SY 2020-2021. Revised academic calendar will be posted ASAP.” Anila pa, “The PUP College of Law will only have the academic break until November 22, 2020.

College of Law’s asynchronous and synchronous activities will resume on November 23, 2020.” Wala ring pasok ang Kinder hanggang Senior High School sa Quezon City, pampubliko at pribadong paaralan, simula sa November 16 hanggang 17.

Anunsiyo ng QC Government, “As recommended by the DepEd Schools Division Office, Quezon City, Synchronous (online) classes from Kinder to Senior High School in public schools in Quezon City shall be suspended from November 16-17, 2020. Other modes of learning (asynchronous / printed modular) shall continue.

Maximum leniency shall be extended to all students in light of the damages brought about by the typhoon. “Private schools have the power to suspend classes upon their discretion as per DepEd NCR Advisory issued Nov 14, 2020.”