VP Sara, pinaiimbestigahan ang pagpapataksik sa kanya

ni Angela Fernando - Trainee @News | November 19, 2023

Kinumpirma ni Vice-President Sara Duterte ngayong Linggo na nag-iimbestiga ang kanyang opisina ukol sa sabi-sabing pagpapatalsik sa kanya at nilinaw na walang gusot sa pagitan nila ni Presidente Ferdinand "Bongbong" Marcos Jr.

Iniugnay ang mga umusbong na tsismis sa sinasabing hidwaan sa loob ng mga nagsasanib na grupo sa administrasyong binubuo ng mga malalaking partido at mga maimpluwensyang pamilya.

Saad ng Bise Presidente, sinusuri pa nila nang mabuti ang isyu upang makapagbigay ng pahayag sa tamang oras.

Sa kabilang banda, sinabi ni Speaker Martin Romualdez na walang ginagawang pagkilos ang House of Representatives para patalsikin si VP Sara sa kanyang puwesto.

VP Sara, ayaw na ng confi fund

ni Angela Fernando - Trainee @News | November 9, 2023

Binitiwan na ni Bise Presidente Sara Duterte ang P500-milyong confidential funds na kanyang hiniling para sa taong 2024, pahayag ni Sen. Sonny Angara.

Nakatanggap ng pahayag mula sa VP si Angara kung saan hihiling na lang ng badyet ang Office of the Vice President upang suportahan ang implementasyon ng kanilang mga programa at proyektong nakahanda sa susunod na taon.

Aniya, hindi na nila itutuloy ang paghingi sa CIF upang maiwasan ang usapin at hidwaan ukol dito dahil bilang VP, nanumpa itong poproteksyunan ang pagkakaisa at haligi ng bansa.

Sen. Bato, suportado ang confi funds ni VP Sara

ni Angela Fernando - Trainee @News | November 9, 2023

Binigyang diin ni Sen. Ronald "Bato" dela Rosa ang kanyang suporta sa paghingi ng Office of the Vice President ng confidential funds ngayong Huwebes, Nobyembre 9

Ayon sa kanya, merong confi funds ang opisina ng Pangulo kaya walang masamang pagbigyan si VP Inday Sara Duterte sa kanyang kahilingan.

Dagdag nito, mga kalaban ng estado ang makikinabang kung walang pondo ang OVP.

Matatandaang ang OVP at Department of Education (DepEd) na parehas pinamumunuan ni Sara Duterte ay nanghihingi ng umaabot sa P650-milyong confidential funds para sa darating na taong 2024.