VP Sara, may peklat sa leeg... "Sinubukan nila akong i-gurgur, pero hindi sila nagtagumpay"

ni Eli San Miguel @News | June 25, 2024

Nagsalita na si Vice President Sara Duterte nitong Martes tungkol sa peklat sa kanyang leeg, na nagpapaisip sa mga netizen kung saan ito nanggaling.

Sa isang video na kumakalat sa social media, tinanong si Duterte sa Bisaya ng isang hindi kilalang tao kung ano ang nangyari sa kanyang leeg.

"Sinubukan nila akong i-gurgur (laslasin) pero hindi sila nagtagumpay," sagot niya nang nakangiti. Unang napansin sa social media ang sinasabing sugat sa leeg ni Duterte nang dumalo siya sa pagdiriwang ng Araw ng Kalayaan sa Davao City noong Hunyo 12.

Isang linggo pagkatapos, noong Hunyo 19, nagbitiw siya bilang Kalihim ng Department of Education (DepEd) at bilang vice chairperson ng National Task Force to End Local Communist Armed Conflict (NTF-ELCAC), na magiging epektibo sa Hulyo 19, 2024.

VP Sara, nasa Cambodia para sa SEAMEO duty

ni Angela Fernando - Trainee @News | March 21, 2024

Lumipad patungong Cambodia ang Bise Presidente at Education Sec. na si Sara Duterte upang gampanan ang kanyang tungkulin bilang pangulo ng Southeast Asian Ministers of Education Organization (SEAMEO).

Dumating si Duterte sa Phnom Penh nu'ng Miyerkules ng gabi.

Inaasahang bilang nangunguna ang Bise Presidente sa nasabing event ay magbibigay ito ng mga paraan kung paano makatutulong ang SEAMEO sa sektor ng edukasyon sa Cambodia.

Magbibigay si Duterte ngayong Huwebes ng kanyang paggalang sa Cambodian Deputy Prime Minister at sa Minister of Education, Youth and Sport, na siyang kanyang counterpart bilang Kalihim ng Department of Education (DepEd).

Plano rin nitong bisitahin ang SEAMEO Regional Centre for Technical Education Development, pati na rin ang ilang paaralan sa Cambodia.

P-BBM nakalipad na patungong Australia, VP Sara, Officer-in-charge

ni Angela Fernando - Trainee @News | February 28, 2024

Lumipad na patungong Canberra, Australia si Pangulong Ferdinand Marcos Jr., nitong umaga ng Miyerkules para magbigay ng pahayag sa Australian Parliament para sa naging imbitasyon ni Gov-Gen. David Hurley.

Matatandaang bumisita bilang kinatawan ng Australia si Hurley sa 'Pinas sa dinaluhang inagurasyon ni Marcos nu'ng 2022.

Nilinaw ng Pangulong umaasa siyang magkakaroon ng matibay na relasyon ang bansa at ang Australia na umabot na sa 70 taon.

Layon din ni Marcos na palakasin pa ng dalawang bansa ang depensa at seguridad sa gitna ng kanilang lumalawak na relasyon.

Ayon kay Pres. Marcos, ang kanyang pagbisita ay maaaring maging daan upang mapalawak ang kooperasyon ng Australia matapos ang naganap na pirmahan ng tatlong kasunduan.

Itinalaga naman ng presidenteng Officer-in-charge ang bise presidenteng si Sara Duterte habang nasa Australia pa si Marcos.