Mayor Sara, nakarekober na sa COVID-19

ni Lolet Abania | October 16, 2021

Nakarekober na umano si Davao City Mayor Inday Sara Duterte-Carpio matapos na makaranas ng mild symptoms ng COVID-19.

Sa pahayag ni Dr. Michelle Schlosser, spokesperson ng Davao City COVID-19 Task Force, nagkaroon na ng pagbabago sa kondisyon ni Mayor Sara matapos na sumailalim ito sa isolation at nakasama ang kanyang pamilya.

Ayon kay Schlosser, nabatid na rin ang lahat ng mga naging close contacts ng alkalde at isinailalim na ang mga ito sa swab test. Aniya, wala namang close contact ni Sara na nagpositibo sa COVID-19.

Noong nakaraang linggo, sinabi ni Sara na nahawaan siya ng virus kahit na fully vaccinated na gamit ang gawa ng China na Sinopharm vaccine.

Matatandaang nakansela ang medical leave ni Sara na magtutungo sana sa Singapore matapos na magpositibo sa virus ang kasamahan nito. Si Mayor Sara ang ikatlo sa magkakapatid na tinamaan ng COVID-19.

Sen. Bato, handa raw magparaya kay Mayor Sara sa pagka-pangulo

ni Jasmin Joy Evangelista | October 10, 2021

Willing daw na magpa-substitute si Sen. Bato dela Rosa kay Davao City Mayor Sara Duterte-Carpio sa pagtakbo sa pagka-pangulo kung magbabago ang isip ng alkalde at mapagdesisyunang tumakbong presidente sa 2022.

Sa isang panayam, tila walang isyu kay Sen. Bato kung papalitan siya ni Duterte-Carpio bilang standard bearer ng Partido Demokratiko Pilipino-Lakas ng Bayan (PDP-Laban)- Cusi wing.

“Everything is possible,” aniya, basta legal at suportado ng kanyang party mates ang substitution.

“By all means, magi-give way ako. As I have said, hindi ko personal na desisyon na tumakbo, desisyon ito ng partido”, pahayag ni Dela Rosa.

“Hindi naman siguro dapat kinukuwestiyon pa kung legal na paraan ‘yung pag-substitute. Anything can happen,” dagdag niya.

Matatandaang nag-file ng certificate of candidacy sa pagkapangulo si Sen. Bato dela Rosa noong huling araw ng filing ng COC.

Inamin din niya na maging siya ay nagulat sa plano ng kanyang party mates dahil sinabi lamang ang planong pagpapatakbo sa kanya pasado alas-3:00 ng hapon noong Oktubre 8.

Ngunit sinabi niya na matagal na raw pinag-iisipan ng kanyang party mates na siya ang gawing standard bearer ng partido, kabilang sina Sen. Bong Go at Sen. Francis Tolentino, para ipagpatuloy ang “Duterte legacy”.

“Basta ako hindi ako umaatras. I am a good soldier, give me the instruction to do this, and I’ll do it. So andito na tayo, ani Sen. Bato.

Mayor Sara, nagpositibo sa COVID-19

ni Jasmin Joy Evangelista | October 10, 2021

Nagpositibo sa COVID-19 si Davao City Mayor Sara Duterte-Carpio, ayon sa lokal na pamahalaan nitong Sabado ng gabi.

"Everyone who came in close contact with Mayor Sara in the last 14 days is hereby advised to self-monitor for symptoms and get RT-PCR tested five to seven days from your contact with her," ayon sa post sa Facebook account ng kanyang opisina.

May mild symptoms ang alkalde at ngayon ay kasalukuyang naka-quarantine.

Kahapon, nag-post ng pasasalamat si Mayor Sara sa kanyang mga supporters na nagnanais na tumakbo siya sa pagkapangulo.

“Wala man ako sa Sofitel, hinding-hindi naman kayo nawalan ng pag-asa at tiyaga sa paghihintay,” aniya sa kanyang Facebook post.

Nag-file ng certificate of candidacy si Duterte-Carpio sa pagka-mayor ng Davao City.