ni Lolet Abania | November 11, 2021
Sumapi na si Davao City Mayor Sara Duterte sa Lakas-Christian Muslim Democrats (Lakas-CMD) ngayong Huwebes matapos na magbitiw sa Hugpong ng Pagbabago (HNP).
Nanumpa si Mayor Sara kina Lakas-CMD chairman Senador Ramon “Bong” Revilla, Jr., at ang presidente nito na si House Majority Leader Ferdinand Martin Romualdez sa Revilla Farm sa Silang, Cavite bandang alas-6:00 ng gabi ngayong Huwebes.
ni Lolet Abania | November 11, 2021
Nagbitiw na si Davao City Mayor Sara Duterte sa Hugpong Ng Pagbabago (HNP), ang regional party na kanyang itinatag.
“Why we are saddened by her resignation, we however wish her all the best in her future plans,” ani Anthony del Rosario, HNP secretary general, sa isang statement ngayong Huwebes.
Ginawa ito ni Mayor Sara, anak ni Pangulong Rodrigo Duterte, ilang araw matapos na mag-withdraw ng kanyang reelection bid para sa 2022 elections, kung saan nabuo ang mga ispekulasyon na tatakbo siya sa isang national post.
Ayon kay Albay Rep. Joey Salceda, kaalyado ni Mayor Sara, na tatakbo ito sa pagka-pangulo sa susunod na eleksyon.
ni Lolet Abania | November 9, 2021
Nag-withdraw na si Davao City Mayor Sara Duterte-Carpio sa kanyang reelection bid para sa 2022 elections ngayong Martes.
Sa isang post sa Facebook, ayon kay Mayor Sara, papalitan siya ng kanyang kapatid na si incumbent Vice Mayor Sebastian “Baste” Duterte, habang ang abogadong si Melchor Quitain ang tatakbong vice mayor.
“Ngayong hapon wini-withdraw ko ang aking kandidatura sa pagka-Mayor ng Davao City. Si VM Baste ang papalit sa akin. Si Atty. Melchor Quitain ang nominado namin sa pagka-Bise Alkalde. Ito lamang po muna. Maraming salamat po,” ani anak ni Pangulong Rodrigo Duterte.
Una nang nag-withdraw si Baste Duterte ngayong umaga sa kanya ring reelection bid.
Ilang grupo at personalidad na ang nagtutulak kay Sara na tumakbo sa pagka-pangulo sa susunod na eleksyon. Subalit, tinanggihan ito ni Sara at pinayuhan din silang huwag nang gumawa ng caravan para sa kanya.
Sa ilalim ng umiiral na elections rules, ang isang kandidato ay maaaring mapalitan sa panahon ng substitution period basta ang papalitan nito ay nasa pareho ring political party na kandidatong ipapalit.
Para sa 2022 elections, ang substitution period ay hanggang Nobyembre 15, 2021.
