VP Sara, pinasalamatan ang mga guro ngayong World Teachers' Day

ni Angela Fernando @News | Oct. 5, 2024

Nagpahayag ng pasasalamat si Bise-Presidente Sara Duterte sa mga guro para sa pagdiriwang ng World Teachers' Day nitong Sabado.

Pinuri ni Duterte sa kanyang video message sa Facebook ang mga gurong Pilipino para sa dedikasyon at kasipagang ipinamamalas nila upang maayos na gampanan ang kanilang mga trabaho.

"We are grateful for the sacrifices you make in shaping the minds of young Filipinos and inspiring them to become responsible citizens. Your tireless efforts in classrooms and communities demonstrate your commitment to building a stronger nation," saad ng Bise-Presidente.

Hinimok din ni Duterte ang mga guro na paingayin ang tema ng pagdiriwang na “Together4Teachers” sa 'Pinas.

VP Sara, hindi dadalo sa ikalawang budget hearing ng Kamara

Ni Eli San Miguel @News | Sep. 25, 2024

Ipinabatid ni Bise-Presidente Sara Duterte sa Kamara na hindi siya dadalo sa mga susunod na imbestigasyon kadikit ng maling paggamit ng budget ng Department of Education (DepEd) sa ilalim ng kanyang pamamahala.

Bagama’t dumalo si Duterte sa unang pagdinig ng House Committee on Good Government and Public Accountability nu'ng nakaraang linggo, sinabi ni Duterte na liliban na siya sa mga susunod pang pagdinig ng komite.

Binatikos din ni Duterte ang House of Representatives (HOR) dahil sa sinasabing maling paggamit ng kanilang karapatan na magsagawa ng mga imbestigasyon.

Magugunitang humarap si VP Sara sa pagdinig ng House Committee on Good Government and Public Accountability nu'ng nakaraang linggo at sinabing ang mga pagdinig ng komite ay isang pampulitikang atake.

Zero budget sa OVP sa 2025, oks lang — VP

ni Angela Fernando @News | September 11, 2024

Sara Nagpahayag si Bise-Presidente Sara Duterte na handa nang magtrabaho ang kanyang opisina kahit walang budget matapos niyang hindi dumalo sa pagdinig ng House of Representatives (HOR) hinggil sa panukalang pondo ng Office of the Vice President (OVP) para sa 2025.

Sa isang video na ini-upload nitong Miyerkules, sinabi ni Duterte na alam ng OVP ang mga usap-usapan tungkol sa "defunding" ng panukalang P2-bilyong budget nito para sa susunod na taon.

“Narinig din namin na mayroong defunding… na posibleng piso lang ang budget na ibigay sa OVP. [...] Maliit lang yung opisina namin, maliit lang yung operations namin kaya kayang-kaya namin magtrabaho kahit walang budget," saad ng Bise-Presidente.

Magugunitang inihihirit ng Makabayan bloc sa Kamara na alisin ang P1-bilyon mula sa panukalang budget ng OVP para sa 2025 dahil karamihan sa mga proyekto nito ay paulit-ulit lang, ayon kay ACT Teachers party-list Rep. France Castro.