Pagtulong ng U.S. sa Ukraine, ikinabahala ng Russia

ni Mabel Vieron @Overseas News | July 9, 2023

Itinuring ng Russia na isang desperadong hakbang ang pagbibigay ng U.S. ng mga cluster munitions sa Ukraine.

Ayon kay Russia’s Ambassador Belarus Boris Gryzlov, nagpapakita lamang ito na bigo na ang Ukraine sa ipinapatupad nilang depensa.

Dagdag pa, kapag itinuloy umano ng U.S. ang pagtulong sa Ukraine, ito ay nagpapakita lamang na ayaw nila ng kapayapaan.

Ang cluster bombs ay isang maliit na lata na may laman ng ilang daang maliit na bomba o kilala rin bilang submunitions.

Mula noong lusubin ng Russia ang Ukraine ay kapwa na silang gumagamit ng cluster bombs.

Ang cluster bombs na gamit ng Ukraine ay bigay pa umano ng Turkey.

Missile attack ng Russia sa Ukraine, 43 nadale

ni Mabel Vieron @World News | July 8, 2023

Sugatan ang nasa 43 katao kabilang ang 12 bata matapos ang maganap ang missile strike ng Russia sa residential building sa Kharkiv region ng Ukraine.

Agad dinala sa pagamutan ang mga sugatang biktima.

Una ng sinabi ng Russia na mayroong limang drones ng Ukraine ang kanilang pinabagsak.

Ukraine President, naalarma sa pagtanim ng bomba ng Russia

ni Mabel Vieron @World News | July 8, 2023

Nagbabala si Ukrainian President Volodymyr Zelensky na mayroong itinanim na bomba ang Russia sa kanilang Zaporizhzhia nuclear power plant.

Sa inilabas na video message ni Ukrainian president, hindi lamang ginagawang panangga ng Russia ang pinakamalaking nuclear plant sa Europa, sa halip ay ginagawa pa nila itong bilang armas.

Mula noong lusubin ng Russia ang Ukraine ay nakontrol na nila ang nasabing planta.

Iginiit naman ng International Atomic Energy Agency (IAEA) na wala silang nakitang anumang bomba na nakatanim nang kanila itong binisita.