7 patay, 144 sugatan sa Russian missile strike sa Ukraine

ni Joy Repol @World News | August 21, 2023

Kinumpirma ng Ukrainian officials na pito katao ang nasawi kabilang ang 6-anyos na babae habang nasa 144 ang sugatan matapos magpakawala ng missile ang Russia sa central square sa siyudad ng Chernihiv.

“I am sure our soldiers will give a response to Russia for this terrorist attack,” pahayag ni Ukrainian President Volodymyr Zelenskiy.

Ani Zelenskiy, sa 144 na sugatan, 15 ay pawang mga bata.

Ayon naman kay Interior Minister Ihor Klymneko, kabilang sa mga nasugatan ay ang 15 police officers.

Karamihan sa mga biktima ay nasa sasakyan at binabagtas ang daan.

P1.9B ibinayad ng 'Pinas para sa helicopters ng Russia, babawiin

ni BRT @News | July 23, 2023

Tinitingnan na ng Department of National Defense (DND) ang posibleng legal options para mabawi ang kabuuang P1.9 billion downpayment ng gobyerno ng Pilipinas noong Enero 2022 para sa naudlot na pagbili ng 16 na MI-17 heavy-lift helicopters mula sa Russia.

Ayon kay Defense Sec. Gilberto Teodoro, Jr., kasalukuyang pinag-aaralan pa ng legal office ng DND ang mas mainam na legal options ng bansa sa naturang usapin.

Matatandaang tinerminate o kinansela ng Pilipinas bago matapos noon ang termino ni dating Pangulong Rodrigo Duterte ang kontrata sa pagbili ng naturang helicopters na nagkakahalaga ng kabuuang P12.7 billion para sana sa pagpapalakas ng helicopter fleet ng Philippine Air Force (PAF).

Ito ay dahil sa posibleng sanctions na kakaharapin ng bansa mula sa Amerika kapag ipinagpatuloy nito ang kasunduan sa Russia kasunod na rin ng invasion ng nasabing bansa sa Ukraine.

Russia, hindi gagamit ng nuclear weapons

ni Joy Repol Asis @World News | July 15, 2023

Hindi umano nakikita ni U.S. President Joe Biden na gagamit ang Russia ng nuclear weapons sa patuloy na pagsakop nito sa Ukraine.

Sa kanyang talumpati habang nasa Finland, sinabi ni Biden na malinaw ang kahinaan ni Putin dahil sa nalusutan sila ng Wagner Mercenary group nang mag-aklas.

Gayunman, pagtitiyak nito na nakabantay ang Amerika at mga kaalyadong bansa sakaling gumamit ng nuclear weapon ang Russian president.

Nagbabala rin ito na maaaring bumalik ang pakikipag-alyansa ni Putin sa Wagner chief na si Yevgeny Prigozhin para mapalakas ang kanilang puwersa sa paglusob sa Ukraine.