Russia, nagbabawas ng kanilang mga militar sa Syria

ni Angela Fernando @World News | Dec. 15, 2024

Photo: Syria Military RU

Nagbabawas na ang Russia ng kanilang mga militar mula sa front lines sa Syria at mga post sa Alawite Mountains, ngunit hindi pa tuluyang aatras at mananatili ang presensya nito sa dalawang pangunahing base militar ng bansa kahit matapos ang pagbagsak ni Pres. Bashar al-Assad.

Ang pagbagsak ni Assad ay nagdulot ng pagdududa sa kinabukasan ng mga base ng Russia sa Syria. Partikular na pinag-uusapan ang Hmeimim airbase sa Latakia at Tartous naval facility.

Batay sa satellite images kamakailan, nakita ang hindi bababa sa dalawang Antonov AN-124 cargo planes—ilan sa pinakamalalaking eroplano sa buong mundo—na nakaistasyon sa Hmeimim airbase, at may bukas na nose cones na tila naghahanda para magkarga ng kagamitan.

Ayon sa isang opisyal ng Syria na nasa labas ng pasilidad, isa sa mga cargo planes ang lumipad patungong Libya nu'ng Sabado.

Samantala, kinumpirma naman ng mga opisyal ng militar at seguridad sa nasabing bansa na may direktang komunikasyon sa mga puwersa ng Russia na binabawasan na ng Moscow ang kanilang presensya sa mga front lines, kasama ang pag-withdraw ng mabibigat na kagamitan at ilang senior Syrian officers.

Nuclear attack ni Putin, malabo — US

ni Angela Fernando @Overseas News | Nov. 28, 2024

File Photo: Vladimir Putin, nuclear power plant - FB, circulated

Malabo pa rin ang nuclear na atake, sa kabila ng pahintulot ng United States (U.S.) na gamitin ng Ukraine ang mga American weapons nito laban sa mas malalim na bahagi ng Russia.

Ito ay sa kabila ng babala ni Russian President Vladimir Putin, ayon sa limang source na pamilyar sa ulat ng U.S. intelligence na nakausap ng Reuters.

Gayunman, posibleng palawakin ng Russia ang mga operasyon na "campaign of sabotage" laban sa mga target sa Europa upang dagdagan ang pressure sa bandang West dahil sa patuloy nitong suporta sa Kyiv, ayon sa dalawang senior na opisyal, isang mambabatas, at dalawang congressional aides na briefed sa naturang usapin.

Magugunitang sa loob ng nakalipas na pitong buwan, sunod-sunod na intelligence assessments ang nagtapos na malabong humantong sa nuclear escalation ang desisyon ng U.S. na luwagan ang mga hangganan nila sa paggamit ng Ukraine ng mga armas nito.

Ang pananaw na ito ay nananatili kahit matapos baguhin ni Pangulong Joe Biden ang posisyon ng U.S. ngayong buwan patungkol sa mga armas, ayon sa mga sources na hindi pinangalanan upang malayang makapagsalita tungkol sa sensitibong impormasyon.

Binigyang-diin din ng isa sa limang U.S. officials na hindi man gumamit ang Russia ng nuclear na pag-atake, susubukan pa rin nitong pantayan ang tingin nilang ginagawang pagpapalawig ng kanilang kalabang bansa at parte ang pagpapakilala nila ng bagong missile ng nasabing pagsisikap.

Ukraine, nagpasabog ng US ATACMS missiles sa Russia

ni Eli San Miguel @World News | Nov. 20, 2024

Image File: Live fire tests ng Army Tactical Missile System (ATACMS) - John Hamilton / DoD / AFP

Ginamit ng Ukraine ang mga U.S. ATACMS missiles upang atakihin ang teritoryo ng Russia nitong Martes, matapos makuha ang pag-apruba mula sa pinal na administrasyon ni U.S. President Joe Biden sa ika-1,000 araw ng digmaan.

Ipinahayag ng Russia na nadepensahan ng kanilang mga pwersa ang lima sa anim na missile na tinarget ang isang pasilidad militar sa rehiyon ng Bryansk. Inanunsiyo ng Ukraine na tinamaan nito ang isang Russian arms depot na mga 110 km (70 milya) sa loob ng Russia, na nagdulot ng pangalawang pagsabog.

Hindi tinukoy ng militar ng Ukraine ang mga armas na ginamit, ngunit parehong kinumpirma ng isang source mula sa gobyerno ng Ukraine at isang opisyal ng U.S. na ginamit ang ATACMS missiles.

Isang opisyal mula sa U.S. ang nagsabi rin na nag-intercept ang Russia ng dalawa sa walong missiles, at tumarget ang atake sa isang ammunition supply point.