18 katao patay, 40 sugatan sa salpukan ng bus at tren

ni Ronalyn Seminiano Reonico | October 11, 2020

Patay ang 18 katao at 40 ang sugatan sa salpukan ng pampasaherong bus at tren sa Thailand nitong Linggo nang umaga sa Chachoengsao Province, 50km (31 miles) east of Bangkok.

Ayon sa pulisya, papunta sa Buddhist temple ang 60 pasahero ng bus para sa paggunita ng Buddhist Lent nang salpukin ito ng tren.

Ayon naman kay Provincial Hospital Director Sombat Chutimanukul, isinugod sa pinakamalapit na ospital ang mga sugatang pasahero.

Kinumpirma ni State Railway of Thailand Governor Nirut Maneephan ang bilang ng mga nasawi sa insidente.

Samantala, nagpaabot naman ng pakikiramay si Thai Prime Minister Prayut Chan-O-Cha sa pamilya ng mga nasawi at ipinag-utos ang agarang imbestigasyon upang malaman ang dahilan ng insidente.

Romnick Sarmenta at Barbara Ruaro, magkaka-baby na!

ni Ronalyn Seminiano Reonico | October 11, 2020

Parehong nag-post ang celebrity couple na sina Romnick Sarmenta at Barbara Ruaro sa kani-kanyang Instagram account upang ianunsiyo ang bago nilang blessing.

Makikita sa IG account ni Romnick ang piktyur ng positive pregnancy test result at aniya, “Infinitely blessed with Your affirmation. Iba Ka Panginoon, maraming salamat po.”

Sa IG account naman ni Barbara, ipinost din niya ang piktyur ng PT at aniya, “Thank You, dear God, for the gift of life!

“The cross that appeared on my test and this miracle as a whole is Your loudest yet most comforting affirmation.

“I praise and thank You for my Nicko, as well as our friends and families who have expressed and continue to show their love and undying support.

“See you on February, Little Bean.”

Kinumpirma ni Romnick ang relasyon nila ni Barbara sa kanyang IG post noong June ngayong taon kung saan ipinost ng aktor ang piktyur nilang dalawa with the caption: “BLESSED. Overjoyed and happy. That’s what you make me.

“Thank you for this blessing. The colours that you bring.

“I thank God for you and all that you are. You're special to me. I love you Bie.”

P3-K multa sa magbi-videoke sa Cebu

ni Ronalyn Seminiano Reonico | October 10, 2020

Ipinagbawal na ng Cebu City government ang pagbi-videoke tuwing weekdays sa kabila ng pagsasailalim ng naturang lugar sa modified general community quarantine (MGCQ).

Ayon kay Cebu City Mayor Edgardo Labella, ang sinumang lumabag sa City Ordinance No. 1940 o ang anti-noise ordinance ng naturang lugar ay maaaring magmulta ng halagang P500 hanggang P3, 000. Nilagdaan ni Labella noong Biyernes ang Executive Order No. 100 na nagbabawal sa pagka-karaoke sa oras ng klase at trabaho, weekdays, 8 AM to 5 PM. Nakasaad sa EO na: “In consideration of these students and employees and upon the recommendation of the Cebu City Police Office, the City Government of Cebu finds it necessary to impose a ban on (the use of) video karaoke machines during daytime on weekdays within the duration of the Modified General Community Quarantine.

” Sisiguruhin din umano ng pamahalaan na mahigpit na maipapatupad ang naturang ordinansa. Aniya, “Further, barangay officials and other force multipliers are likewise mandated to implement the full extent of this Executive Order within their respective areas of jurisdiction.”