Edad 18-65, inirerekomendang payagan nang lumabas

ni Ronalyn Seminiano Reonico | October 12, 2020

Inirerekomenda ng Metro Manila Council (MMC) sa Inter-Agency Task Force for the Management of Emerging Infectious Diseases (IATF) ang age restriction adjustment ng mga maaaring lumabas ng bahay sa Metro Manila na nasa ilalim ng general community quarantine (GCQ) kung saan mula sa mga edad-21 hanggang 60 ay papayagan na ring lumabas ang mga edad-18 hanggang 65.

Ayon kay MMC Chairman Edwin Olivarez nitong Lunes, napagkasunduan din ng mga mayor sa Metro Manila na ibaba pa rin ang curfew hours na10 PM hanggang 5 AM kung saan exempted ang mga manggagawa at authorized persons.

Aniya, “Sa pag-uusap po namin noong huli, ang amin pong consensus ay i-maintain ‘yung curfew na 10 PM to 5 AM. Pero magkakaroon po kami ng recommendation doon po sa adjustment noong ating mga persons to go out.

“Kasi ngayon po, ‘yung ating persons to go out, ang edad nu’n is 21 to 60. Ang aming recommendation is baka puwedeng gawing 18 to 65 na po ‘yung mga tao na puwedeng lumabas ng kanilang tahanan.”

Cayetano, pinalalayas na ng kampo ni Velasco

ni Ronalyn Seminiano Reonico | October 12, 2020

Nagtipun-tipon ang ilang mambabatas sa Celebrity Sports Complex sa Quezon City nitong Lunes nang umaga at nanawagan sa House of Representatives na ideklara nang bakante ang puwesto ni Speaker Alan Peter Cayetano at i-elect na si Marinduque Rep. Lord Allan Velasco.

Pahayag ni Valenzuela City 2nd District Rep. Eric Martinez, isa sa mga sumusuporta kay Velasco, “Democracy dictates. It’s always of the numbers, the collective voice of congressmen and congresswomen. With the gathering of all those who signed the manifesto physically and by Zoom later on, it is democracy at work.

“Therefore, venue should be out of the question where the House of Representatives’ structure na bato, semento would be secondary at this time for the numbers dictate that it is time for change [in the leadership.”

Sa manifesto na nilagdaan ng 187 House members, nakasaad na: “In accordance with Section 13, Rule 3 of the Rules of the House of Representatives, of the 18th Congress, we call to assemble, move to and cast our vote to declare the position of Speaker VACANT on Monday, October 12, 2020.

“Further, also in accordance with the same Section, we will move to and cast our vote to declare Representative Lord Allan Velasco of Marinduque as Speaker of the House of Representatives of the 18th Congress.”

Samantala, nakasaad naman sa House rules na: “[t]he position of Speaker may only be declared vacant through nominal voting by a majority vote of all the members. In cases when all offices are declared vacant, the incumbent Secretary General shall preside over the proceedings of the House only for the purpose and until the election of a new speaker.”

Sa napagkasunduang term-sharing deal, si Cayetano ang magsisilbing speaker sa loob ng 15 buwan na magtatapos na sa katapusan ng Oktubre at si Velasco ang papalit sa kanya.

Nasino, palayain para sa namatay na anak — Sen. Nancy

ni Ronalyn Seminiano Reonico | October 11, 2020

Pansamantalang pagpapalaya sa political detainee na si Reina Nasino ang naging panawagan ni Senator Nancy Binay ngayong Linggo sa mga jail authorities. Ito'y upang mabisita ni Nasino ang labi ng kanyang 3-buwang gulang na anak na babaeng si River na namatay sa sakit na pneumonia.

Pahayag ni Binay, “Muli, nananawagan po tayo na sana ay pansamantalang palayain si Reina para makasama niya ang kanyang anak sa huling pagkakataon.”

Noong September 24, dinala si baby River sa Manila Medical Center dahil umano sa diarrhea at lagnat na kalaunan ay nakumpirmang pneumonia. Nu'ng October 9 ay tuluyan nang pumanaw ang beybi sa intensive care unit ng Philippine General Hospital.

Buwan ng July nang ipanganak si Baby River at Agosto 13 naman nang ihiwalay ito sa kanyang ina, ayon sa order ng Manila Regional Trial Court Branch 20.

Ikinulong si Nasino sa kasong illegal possession of firearms.

Ayon din kay Binay, “Ang ipinaglalaban po natin is to have a legal basis under existing laws for courts to provide alternative modes of confinement for women detainees for humanitarian and compassionate reasons.

“We must also review whether the existing policies and protocols of the Bureau of Jail Management and Penology (BJMP) regarding women detainees, especially their access to medical care and facilities, are still relevant with the new normal.”