Nasino, binigyan ng 3 days para sa lamay ng anak

ni Ronalyn Seminiano Reonico | October 13, 2020

Pinagkalooban na ng Manila Regional Trial Court ang political detainee na si Reina Mae Nasino ng “3-day continuous furlough” upang mabisita ang lamay at libing ng kanyang 3-month-old na anak na si Baby River.

Si Manila Regional Trial Court Branch 47 Judge Paulino Gallegos ang nagkaloob kay Nasino ng “3-day continuous furlough” upang mabisita ang lamay ng beybi at makapunta sa libing nito sa Biyernes.

Si Nasino ay nahaharap sa kasong illegal possession of firearms and explosives charges at noong July 1 ay ipinanganak si Baby River na pumanaw noong Biyernes sa Philippine General Hospital dahil sa pneumonia, dalawang buwan matapos itong ihiwalay sa kanyang ina.

4820 dyip sa MM, makakabiyahe na

ni Ronalyn Seminiano Reonico | October 13, 2020

Nagbukas ng karagdagang 44 ruta ang Land Transportation Franchising and Regulatory Board (LTFRB) at pinayagan na rin ang operasyon ng 4,820 public utility jeepney (PUJ) units sa Metro Manila.

Pahayag ng LTFRB nitong Martes, 27,016 na ang total ng traditional PUJs na maaaring bumiyahe sa 302 open routes sa Metro Manila ngayong isinailalim na ito sa general community quarantine (GCQ).

Ayon sa LTFRB, ang mga sumusunod ay ang total number ng operating routes and units para sa modes of public transportation sa Metro Manila:

• Traditional public utility jeepney (PUJ) – 302 routes, 27,016 units ang maaaring bumiyahe;

• Modern PUJ – 48 routes, 845 units;

• Public utility bus (PUB) – 34 routes, 4,016 units;

• Point-to-point bus – 34 routes, 387 units;

• UV Express – 76 routes, 3,263 units;

• Taxi - 20,927 units;

• Transport network vehicles services (TNVS) - 24,356 units;

• Provincial public utility bus (PUB) – 12 routes, 286 units;

• Modern UV Express – two routes, 40 units

Nangako naman ang LTFRB na magbubukas pa ng karagdagang ruta sa mga susunod na buwan para sa mga komyuter.

“Error watch” ng DepEd, isinagawa

ni Ronalyn Seminiano Reonico | October 13, 2020

Nagsagawa ng inisyatibong “error watch” ang Department of Education kaugnay ng mga ulat na mali sa printed modules atbp. learning resources ng naturang sangay ng pamahalaan.

Ayon kay Undersecretary for Administration Alain Pascua, ang naturang inisyatibo ay isinagawa upang makalap ang lahat ng mga mali sa learning resources.

Aniya, “The goal of this initiative is to receive and collate reports of errors found in different learning materials (i.e., self-learning modules, other printed materials, DepEd TV, DepEd Commons, DepEd TV YouTube Channel, etc.) and to forward these to the appropriate offices for validation and correction.

"Dissemination of these details is desired to enable an efficient and proactive system of improving the department's learning materials across all modalities.”

Noong October 9, umapela ng pang-unawa ang ilang opisyal ng ahensiya dahil nag-a-adjust pa umano ang kanilang mga teachers-broadcasters at production team.

Saad pa ni Pascua, "This is not the last time there will be errors I assure you, because we are not perfect.

"We have been here for just four or five months. We are not really journalists or broadcasters in this line of work."

Panawagan din ni Pascua, “This initiative comes after one week of close monitoring of the opening of schools, talking to teachers and students, and reading feedback on social media. We wish to immediately address these mistakes, with the help of our citizens. Magtulungan po tayo rather than bash the agency, the teachers and schools. This is the time for Bayanihan!”