Marikina, pabahay at trabaho ang kailangan — Mayor Teodoro

ni Ronalyn Seminiano Reonico | November 17, 2020

Ipinanawagan ni Marikina City Mayor Marcelino Teodoro sa national government na magsagawa ng rehabilitasyon sa Marikina Watershed matapos ang matinding pagbaha na dulot ng Bagyong Ulysses, gayundin ang pagpapatigil sa quarrying.

Pahayag ni Teodoro, “I think we should seriously look into this matter and laws should be properly implemented.

“Quarrying activities in the upstream area at the Marikina River should also be stopped at least at this point in time and be properly regulated.”

Aniya pa, “The utilization of funds should be diverted for mitigation and preparedness, not simply for relief and rehabilitation.”

Nais din ni Teodoro na magkaroon ng programa ang pamahalaan kaugnay ng epekto ng climate change.

Aniya, “We should address this issue now. Not rhetorically or mere pronouncement but there should be a statutory framework that would comply everybody to provide programs and activities to address the effects of climate change.”

Ang river system sa buong Luzon umano ang kailangang isailalim sa rehabilitasyon upang maiwasan ang matinding pagbaha.

Aniya, “Our call really is for an integrated approach. A whole of government approach so we could effectively collaborate and address the problems brought about by climate change.”

Samantala, humingi rin ng tulong si Teodoro para sa pag-ayos at pagtayo ng bahay ng mga naapektuhan ng Bagyong Ulysses.

Aniya, “Ngayon, nakikita na namin ang extent ng damage ng bagyo, we are now requesting for housing materials for those affected and if there will be some volunteers who would like to help, puwede siguro in house rebuilding.

"Ang iba naman totally, dahil light materials 'yung kanilang bahay, inanod at nasira, wala na silang bahay na babalikan."

Tinatayang aabot pa sa 3,880 pamilya ang nananatili sa mga evacuation centers matapos malubog sa putik ang kanilang mga bahay.

Trabaho rin para sa mga residente ng Marikina ang isa pa sa mga panawagan ni Teodoro.

Aniya, “Isang panawagan din namin sa mga employer, maliban doon sa mga itinutulong na mga relief goods, nakakatulong po 'yun sa ngayon, pero ang kailangan po ng aming mga kababayan ay trabaho.

“Ang Department of Labor and Employment (DOLE) ay nagbigay ng mga emergency employment, ‘yung mga cash-for-work ng Department of Social Welfare and Development (DSWD), pero ‘yung emergency employment na ‘yun ay para sa sampung araw lamang. Ang trabaho na gagawin ng employed under the program ay maglinis.”

Pasta, may balahibo ng daga, buking sa inspeksiyon

ni Ronalyn Seminiano Reonico | November 17, 2020

Nakitaan ng balahibo ng daga, insect fragments at amag ang ilang samples ng dried pasta na itinitinda sa Hong Kong, ayon sa Consumer Council.

Nagsagawa ng pagsusuri ang Consumer Council sa 35 pasta products kung saan na-detect na mayroong 548 microscopic insect fragments ang sample na pakete ng instant macaroni na may tatak ng “Nissin” na locally packed.

Tinatayang aabot naman sa two-thirds ng samples ang nakitaan ng pesticide residue at deoxynivalenol, lason mula sa amag o mold na maaaring magdulot ng pagsusuka at diarrhea.

Pahayag ni Consumer Council CEO Gilly Wong Fung-han, “Manufacturers need to strengthen their quality control measures to ensure a high hygiene standard from procuring wheat to producing the pasta.

“They should pay attention to the hygiene levels of the wheat, especially when we are talking about insect fragments.”

Walang itinakdang accepted maximum level ng insect fragments sa mga pagkain ang Hong Kong at European Union, ngunit ayon sa United States Food and Drug Administration, ang mga produktong mayroong 225 fragments sa 225 grams ng anim o higit pang samples ay maituturing na “adulterated”.

Ayon naman sa “Nissin,” maaaring napagkamalan lamang na insect fragments ang wheat bran ng kanilang produkto dahil ipinasuri rin nila umano ang 18 pakete ng kaparehong samples sa US laboratory kung saan naitala ang mas mababang level ng insect fragments.

P3 to P5 K monthly allowance ng mga health workers, aprub na kay P-Du30

ni Ronalyn Seminiano Reonico | November 16, 2020

Inaprubahan na ni Pangulong Rodrigo Duterte ang dagdag-suweldo para sa mga health workers na patuloy na nagsasakripisyo para labanan ang COVID-19 pandemic.

Sa inilabas na Administrative Order 35, nakasaad ang karagdagang tax-free "active hazard duty pay" na aabot sa P3,000 kada buwan para sa mga health workers na nagseserbisyo laban sa COVID-19.

Nilagdaan na rin ni P-Duterte ang Administrative Order 36 na naglalayong mabigyan ng P5,000 monthly "special risk allowance" ang mga pampubliko at pribadong health workers na direktang nagsisilbi sa mga COVID-19 patients.

Nakasaad sa oder na: "There is a need to recognize the heroic and invaluable contributions of our public health workers throughout the country, who bravely and unselfishly risk their lives and health by being at the forefront of the national effort to address the public health emergency.”

Ang naturang karagdagang-suweldo sa mga health workers ay kabilang umano sa P13.5 billion pondo para sa paglaban ng bansa sa COVID-19 sa ilalim ng Bayanihan to Recover As One Act.