3.8 milyong Pinoy, walang trabaho — PSA

ni Ronalyn Seminiano Reonico | December 3, 2020

Bumaba sa 3.3 million ang bilang ng mga Pinoy na walang trabaho noong Oktubre mula sa 7.2 million noong Abril ngayong taon, ngunit tumaas ito ng 1.8 million kumpara noong nakaraang taon, ayon sa tala ng Philippine Statistics Authority (PSA).

Sa ginanap na virtual press conference ngayong Huwebes, ayon kay National Statistician Claire Dennis Mapa, naitala ang 8.7% unemployment rate noong October.

Aniya, “[Nasa] 3.8 milyong Pilipino na nasa labor force ay walang trabaho o negosyo nitong nakaraang October, 2020. Ito ay mas mataas ng 1.8 milyon kaysa sa bilang noong October 2019 na nasa 2.0 milyong indibidwal na walang trabaho o negosyo.”

Dumami ang bilang ng mga nawalan ng hanapbuhay nang magpatupad ng lockdown sa bansa dahil sa COVID-19 pandemic.

Ang National Capital Region (NCR) ang may pinakamataas na unemployment rate habang ang Bangsamoro Autonomous Region in Muslim Mindanao (BARMM) naman ang pinakamababa.

Magre-red tag, sampahan ng libel — Sen. Sotto

ni Ronalyn Seminiano Reonico | December 1, 2020

Hinamon ni Senate President Vicente Sotto III na magsampa na lang ng libelo ang mga nais gawing krimen ang red-tagging sa bansa.

Pahayag ni Sotto, “I’ve heard it thrice already from this morning up to now, from the CHR (Commission on Human Rights) also, that we should study, or we should criminalize red-tagging. I think, why don’t you just file a libel case?

“Because if we criminalize red-tagging, we have to criminalize narcissistic-tagging and fascist-tagging samantalang it falls in the category of libel.”

Aniya, “Eh, di file-an na lang ng libel. I think that should be food for thought for those who are offended by being called ‘Reds’.

"For the record, just so you may think about that, instead of having Congress discuss it and file a bill criminalizing red-tagging, which at this point would be very difficult to do, I think so.”

Samantala, ayon naman kay Bayan Muna Chairperson Neri Colmenares, iba ang red-tagging dahil sangkot umano ang ilang government resources.

Aniya, "Iba ang red-tagging sa ordinary expressions naman ng mamamayan. Nabanggit nga kanina ng CHR, ang red-tagging ay paggamit ng government funds, public funds, government resources... to vilify other people.

"Hindi siya kapareho ng sa level ng freedom of expression kasi rito, ang puwedeng defense lang palagi nila as government officials is good faith. ‘Eh, public duty namin, good faith ito.' Kaya ang ordinaryong tao will have to hurdle that. Good faith 'yan, sasabihin ninyo, pero klaro naman ang malice.”

Ayon naman kay Sotto, hindi exempted ang mga opisyales ng pamahalaan sa kasong libel.

VP Leni, nakipagkamay daw, oks lang… Spox Roque: pinag-iinitan ako ng media

ni Ronalyn Seminiano Reonico | December 1, 2020

Binuweltahan ni Presidential Spokesman Harry Roque ang media na siya umano ang “pinupuruhan palagi” kaugnay ng kontrobersiyal na larawang kumalat na kuha sa isang event sa Cebu na binatikos ng mga netizens dahil sa paglabag umano ng mga tao sa social distancing protocol.

Saad ni Roque, “Ang ikinakasama ko ng loob, bakit ako pinupuruhan palagi ng Inquirer at ng ABS-CBN? Bakit noong nakikita ninyo sa screen si VP Leni na nakipag-handshake-handshake pa, oh, hindi ba violation ito ng restriction on social distancing?

“Ang tanong ko naman sa mga media na mga kasama natin, patas sana.”

Aniya pa, “Ang sa akin lang is, bakit nga ako iyong pinuruhan? Hindi ko maintindihan. Ako, nakita ko na iyong picture na ‘yan.

“Hindi naman namin pinapansin ‘yan because alam naman namin kasi, kaming mga may karanasan sa pulitika na ano’ng magagawa mo, eh, ibinibigay ‘yung kamay?”

Pahayag pa ni Roque, “Siyempre, hindi nila sisitahin si VP Leni dahil ang gusto lang nilang sitahin ay iyong mga taong gobyerno.

"Pinupuruhan lang ako dahil ako ang mukha ng Presidente, na once a week, ang Presidente nag-a-address, ako thrice a week. So I’m the face of the government as spokesperson."

Samantala, buwelta naman ng spokesman ni Vice-President Leni Robredo na si Barry Gutierrez, “Nagpa-mañanita ka sa beach, tapos si VP pa rin ang ituturo mo? Wow lang.

“I look forward to the day when officials in this administration can just be accountable, accept responsibility and commit to doing better, instead of bashing the Vice-President every time the Filipino public call out their shortcomings.”