'Pinas, 'di na umusad sa COVID-19… Govt. Offc'ls., bad influence — Sen. Nancy

ni Ronalyn Seminiano Reonico | March 15, 2021

Sinopla ni Senator Nancy Binay ngayong Lunes ang mga opisyal ng pamahalaan na lumabag sa mga COVID-19 health protocols.

Saad ni Sen. Nancy sa kanyang tweet, “How can we expect people to consciously follow health protocols when even our national and local government officials do not conscientiously follow minimum health protocols?”

Kalakip nito ay ang piktyur kung saan mababasa ang kanyang pahayag na: “After a year since the lockdown, naririto pa rin tayo at hindi umuusad. Parang walang nagbago – same problems, same issues, same recommendations.

"Kahit anong curfew o liquor ban ang gawin, if we see people in government freely traveling to beaches and resorts, and organizing public gatherings as if everything is back to normal, talagang magre-relax din ang mga tao.”

Panganay nila ni Vin… Sophie Albert, nanganak na ng baby girl!

ni Ronalyn Seminiano Reonico | March 15, 2021

Nanganak na ang Kapuso actress na si Sophie Albert sa baby girl nila ni Vin Abrenica.

Sa Instagram account, nag-post ang aktres ng piktyur kung saan makikitang hawak ng kanyang baby ang daliri niya at with a simple caption “03.15.21”.

Bumuhos naman ang congratulatory messages sa comments section ng naturang post kabilang na ang mga komento nina Mark Herras, Max Collins, Bela Padilla, Kris Bernal, Nicole Donesa, Sue Ramirez, atbp..

Noong Disyembre, 2020 na-engage ang celebrity couple at nu'ng February naman ginanap ang gender reveal ng kanilang baby.

5,404 kaso ng COVID-19, naitala ngayong March 15

ni Ronalyn Seminiano Reonico | March 15, 2021

Umakyat na sa 626,893 ang naitalang kaso ng COVID-19 sa bansa kung saan 5,404 ang bagong cases ngayong araw, March 15, na tinatayang 4th highest reported simula noong Agosto 14, 2020, ayon sa Department of Health (DOH).

Sa kabuuan ay 53, 479 ang aktibong kaso ng COVID-19, 560,577 ang naitalang gumaling na at 12,837 naman ang pumanaw.

Samantala, patuloy pa rin ang pagsasagawa ng vaccination sa mga health workers at noong March 13, tinatayang mahigit 193,000 na sa mga ito ang nabakunahan kontra-COVID-19.