Missing sabungero, 34 na

ni Lolet Abania | March 4, 2022

Umabot na sa 34 ang nawawalang sabungero matapos na madagdagan ng tatlo pa ang naunang naitalang 31, ayon kay Senador Ronald “Bato” dela Rosa.

“Thirty-one lang pala ‘yung allegedly missing persons involved in game fixing but meron pa palang three missing persons ang allegedly involved in cloning accounts,” pahayag ni Dela Rosa sa ginanap na hearing ngayong Biyernes ng Senate Committee on Public Order and Dangerous Drugs na siyang chairman.

“This brings to a total of 34. Correction po hindi 31, kundi 34 na ang missing persons na recorded by the PNP (Philippine National Police),” sabi ni Dela Rosa.

Ito ang kinumpirma ni Police Brigadier General Eliseo Cruz, chief ng Criminal Investigation and Detection Group (CIDG) sa naging pahayag ng senador.

Subalit, ayon kay Cruz, anim lamang sa mga ito ang hawak ng kanyang tanggapan.

“Yes, sir. But we are only handling six cases,” ani Cruz.

Hiniling naman ni Dela Rosa kay Cruz na imbestigahan din ang iba pang nawawalang sabungero, habang sinabi ng hepe ng CIDG na nakikipag-ugnayan na sila sa mga Police Regional Offices.

Una nang napabalita na ang pinakamaraming nawawalang sabungero ay matatagpuan sa Laguna na may 19, anim naman sa Maynila, anim sa Batangas, dalawa sa Bulacan habang ang isa ay dinukot sa bahay nito sa San Pablo, Laguna.

Birthday wish ni Sen. Bato: Sana manalo sina Lacson at Sotto sa 2022 elections

ni Jasmin Joy Evangelista | January 26, 2022

Sa kanyang ika-60 kaarawan, wish ni Sen. Bato dela Rosa na manalo sa 2022 elections sina Senator Panfilo “Ping” Lacson at Senate President Vicente “Tito” Sotto III.

Si Lacson ay tumatakbo sa pagka-pangulo habang si Sotto ang kanyang vice president.

“Sana manalo si Sir Ping at Sir SP,” ani Dela Rosa habang hinihipan ang kandila sa kanyang birthday cake sa video na kuha ni Senator Joel Villanueva.

Si Dela Rosa, na kilalang kaalyado ni President Rodrigo Duterte, ay ipinagdiwang ang kanyang ika-60 kaarawan noong January 21 pero nag-celebrate siya sa Senado noong Lunes.

“It is just fitting to wish my friends and colleagues well in a gathering like that especially so that they are honoring me on my birthday,” pahayag ni Dela Rosa sa isang text message nang tanungin hinggil sa kanyang birthday message.

Matatandaang nag-file si dela Rosa ng COC sa pagka-pangulo noong Oktubre pero nag-withdraw din ito.

Sen. Bato, handa raw magparaya kay Mayor Sara sa pagka-pangulo

ni Jasmin Joy Evangelista | October 10, 2021

Willing daw na magpa-substitute si Sen. Bato dela Rosa kay Davao City Mayor Sara Duterte-Carpio sa pagtakbo sa pagka-pangulo kung magbabago ang isip ng alkalde at mapagdesisyunang tumakbong presidente sa 2022.

Sa isang panayam, tila walang isyu kay Sen. Bato kung papalitan siya ni Duterte-Carpio bilang standard bearer ng Partido Demokratiko Pilipino-Lakas ng Bayan (PDP-Laban)- Cusi wing.

“Everything is possible,” aniya, basta legal at suportado ng kanyang party mates ang substitution.

“By all means, magi-give way ako. As I have said, hindi ko personal na desisyon na tumakbo, desisyon ito ng partido”, pahayag ni Dela Rosa.

“Hindi naman siguro dapat kinukuwestiyon pa kung legal na paraan ‘yung pag-substitute. Anything can happen,” dagdag niya.

Matatandaang nag-file ng certificate of candidacy sa pagkapangulo si Sen. Bato dela Rosa noong huling araw ng filing ng COC.

Inamin din niya na maging siya ay nagulat sa plano ng kanyang party mates dahil sinabi lamang ang planong pagpapatakbo sa kanya pasado alas-3:00 ng hapon noong Oktubre 8.

Ngunit sinabi niya na matagal na raw pinag-iisipan ng kanyang party mates na siya ang gawing standard bearer ng partido, kabilang sina Sen. Bong Go at Sen. Francis Tolentino, para ipagpatuloy ang “Duterte legacy”.

“Basta ako hindi ako umaatras. I am a good soldier, give me the instruction to do this, and I’ll do it. So andito na tayo, ani Sen. Bato.