Duterte at Bato, nais imbitahan ng QuadComm para sa mga isyu ng EJK at POGO

ni Angela Fernando @News | Oct. 12, 2024

Photo: Rodrigo Duterte at Ronald Bato Dela Rosa - FB

Maaaring humarap sina dating Pangulong Rodrigo Duterte at Senador Ronald “Bato” dela Rosa sa mga pagdinig ng Quad Committee ng House of Representatives kaugnay ng mga ilegal na Philippine offshore gaming operators (POGOs) at mga extrajudicial killings sa ilalim ng war on drugs ng nagdaang administrasyon.

Kinumpirma ito ni House QuadComm co-chair at Manila 6th District Rep. Benny Abante nang matanong kung pinag-iisipan ng mega panel na imbitahan si Duterte sa kanilang pagdinig.

Ito ay matapos ang mahigit sa isang araw na pagdinig ng QuadComm, na nagsimula nu'ng Biyernes ng umaga at nagtapos ng madaling araw ng Sabado, kung saan ibinunyag ni dating Philippine Charity Sweepstakes Office (PCSO) general manager Royina Garma na dati siyang inatasan ni Duterte na maghanap ng opisyal na magpapatupad sa 'Pinas ng “Davao model” ng kampanya kontra droga, na nagbibigay ng reward sa pagpatay ng mga hinihinalang sangkot at may kinalaman sa droga.

Pagbalik sa ICC, aprub dapat ng Senado — Dela Rosa

Fni Angela Fernando - Trainee @News | November 27, 2023

Binigyang diin ni Sen. Ronald "Bato" dela Rosa na dapat humingi muna ang 'Pinas ng pag-apruba sa Senado bago muling papasukin ang International Criminal Court (ICC) sa bansa.

Ayon kay Bato, dadaan pa ito sa mahabang proseso, matapos ang pagpapatibay ng pangulo ay kailangan pa nitong dumaan sa botohan sa Senado.

Dagdag niya, ang hindi pagsunod sa proseso ay labag sa konstitusyon.

"The Senate is composed of 24 independent republics. Nobody can dictate these 24 independent republics sa isang — one stroke mapa-oo mo, mahirap," ani Dela Rosa.

Ito ay matapos sabihin ni President Bongbong Marcos Jr. kamakailan na sinusuri ng 'Pinas ang posibleng pagbabalik sa International Criminal Court, na nag-iimbestiga sa kampanya laban sa droga ng administrasyong Duterte.

Para 'di agad gumagamit ng baril — Sen. Bato.. Mga pulis, bigyan ng batuta at pito

ni Mylene Alfonso @News | August 30, 2023

Inirekomenda ni Senador Ronald 'Bato' dela Rosa na ibalik ang batuta at pito sa mga pulis matapos ang nangyaring pamamaril sa binatilyong si Jemboy Baltazar.

Ginawa ni Dela Rosa ang pahayag sa pagpapatuloy ng imbestigasyon ng Senado sa pagkamatay ng 17-anyos na si Baltazar na binaril ng mga pulis matapos na mapagkamalan nilang suspek sa isang krimen.

"As we were going down the elevator kanina kasama ko si Chief PNP (General Benjamin Acorda), sinabi ko sa kanya na siguro ‘w ag na kayong maghintay pa na gagawa pa tayo ng batas, ang Senado o Kongreso gagawa pa ng batas. Gawin n'yo na ngayon, unahan na ninyo, you make your own policy ibalik n'yo ‘yan as part of the uniform ‘yung batuta at saka ‘yung pito para sige tayo sabi ng force continuum dito from non-lethal to less lethal to lethal pero as part of the uniform, meron ba kayong less lethal equipment d'yan? Wala," sinabi ni Dela Rosa na dating hepe ng PNP.

Kumbinsido si Dela Rosa, chairman ng Senate committee on public order and dangerous drugs, na gumamit agad ng baril ang mga pulis sa nangyari kay Baltazar dahil walang "less lethal" na armas ang mga pulis.

"Importante talaga dahil kapag nakita ka ng tao na tumatakbo pituhan mo. That’s a sign of authority. Para hindi tatakbo ‘yun. Hindi ‘yung paputok agad," sabi pa ng senador.

Ayon pa kay Dela Rosa, kung hindi na gusto ng mga pulis ang tradisyunal na batuta, mayroon na ngayon na mga modernong pamalo tulad ng telescopic baton.

Una nang inihayag ni Dela Rosa na dapat gamitin lang ng pulis ang kanilang baril kapag nalalagay sa panganib ang kanilang buhay.