Kahit laglag sa Top 12… CEO NG MISS UNIVERSE, NAGSALITA NA KUNG BAKIT SI CHELSEA ANG NAGING MISS U-ASIA

ni Rohn Romulo @Run Wild | Nov. 20, 2024

Photo: Anne Jakrajutatip at Chelsea Anne Manalo - FB

Nagsalita na si Anne Jakrajutatip, ang founder and CEO ng JKN Global Group na current owner ng Miss Universe, tungkol sa concern ng Thai pageant fans.

Kinu-question kasi nila kung bakit ang pambato ng Pilipinas na si Chelsea Manalo sa katatapos lang na 73rd Miss Universe na ginanap sa Mexico City ang nakakuha ng Miss Universe-Asia, gayung umabot lang ito sa Top 30 at nalaglag nga sa Top 12.

Pinagtatalunan nila na dapat daw at mas deserving si Miss Thailand Suchata “Opal” Chuangsri, na nagtapos naman sa beauty pageant bilang 3rd runner-up.

Paliwanag ni Anne, “To inform you, the Philippines is an Asian country with the highest score from the preliminary round. It was clear from the beginning that we had four Queens from each region. 

“Before the Top 30 Semifinals, we decided to announce this after the coronation to avoid influencing the judges’ scores.”

Dagdag pa niya, “Once again, this is not a placement but a promotion. The other four people were with us before the finals, and we knew them by their spirit, soul, attitude and sincerity as women.”

Marami naman ang natuwa sa parangal na ito para kay Chelsea dahil deserving talaga na mag-represent siya ng Asia. At marami talaga ang naniniwala na dapat ay nakapasok siya sa Top 5. 

Usap-usap din ngayon sa pageant world ang nahagip na tsikahan sa media presentation ng new Miss Universe na si Victoria Kjær Theilvig na mula sa Denmark at 4 Continental Queens.

Ayon sa media, gandang-ganda sila sa face ni Chelsea at sa tingin nila, ang limang reyna na nasa harap nila ang ‘real Top 5’ ng Miss Universe. 

Congrats, Chelsea, at dapat ngang maging proud sa kanya ang buong bansa. Deserve rin niyang mabigyan ng grand homecoming parade sa pagkakahirang sa kanya bilang first-ever Miss Universe-Asia.

---

Idol daw niya mula bata pa… SHARON, TUWANG-TUWA NA MAY SELFIE SILA NI BARRY MANILOW

TUWANG-TUWA nga si Megastar Sharon Cuneta na nakapanood siya ng concert ng kanyang idol na si Barry Manilow sa Westgate Las Vegas Resort & Casino International Theater.

Naisingit niya ito habang may US-Canada tour ang Dear Heart (DH) concert nila ni Gabby Concepcion.

Caption niya sa Instagram (IG) post kasama ang mga photos habang nasa audience: “Me at the Barry Manilow show last night! Singing, dancing, laughing, crying…OMG! @barrymanilowofficial Magical!!!”

May nauna pa siyang ipinost kung saan makikita na magkasama sila ni Barry sa naganap na photo-op after the concert, na labis niyang ikinatutuwa at ipinagmamalaking idol niya ang sikat na American singer-songwriter.

Caption ni Mega: “When you meet your childhood hero here and are waiting for the email with your photo from his people to come in, then your hero posts your picture on his page!!! Oh. Em. Gee. I love Barry Manilow! And will do so ‘til the day I die!! @barrymanilowofficial@chetcuneta @louieocampo.”

May nabasa kaming comment, na lahat na lang daw ay favorite ni Sharon.

Totoo naman, idol niya si Barry Manilow na napakaraming love songs noong '70s at '80s na minahal ng mga Pinoy. Kaya sa concerts at TV show ni Sharon, marami na siyang kinantang hits ni Manilow, na naging bahagi na ng kanyang buhay.

At bilang patunay at pagbabalik-tanaw, nag-post si Sharon na kumakanta ng hits ni Barry sa isa niyang concert. Mapapakinggan ang medley ng Ready To Take A Chance, Could It Be Magic?, If I Should Love Again, Somewhere Down The Road, Even

Now, Looks Like We Made It, This One's For You at I Write The Song.

Samantala, may last three shows pa sina Sharon Cuneta at Gabby Concepcion sa November 21 sa Club Regent Events Center, Winnipeg, Canada; November 23 sa Hawaii Convention Center at Chandos Pattison Auditorium sa Surrey, BC Canada.

‘Di man nanalong Miss U… CHELSEA, WAGING FIRST MISS U ASIA

ni Rohn Romulo @Run Wild | Nov. 18, 2024

Photo: Chelsea Manalo - IG

Nabigo ang pambato ng bansa na si Miss Universe Philippines Chelsea Manalo na maiuwi ang korona sa ginanap na 73rd Miss Universe sa Arena CDMX in Mexico City. 

Si Miss Denmark Victoria Kjær Theilvig ang nagwagi bilang Miss Universe at nangabog sa 120 delegates, na ikinagulat ng marami. Ito ang unang pagkakataon na nanalo ang Denmark sa naturang pageant. 

Ipinatong kay Miss Denmark ang first-ever Filipino-made crown ng international jewelry brand na Jeweler, kung saan masisilayan sa “Lumière de l’Infini” (Light of Infinity) crown ang South Sea Pearls na mula sa Pilipinas.  

Ang mga runners-up niya ay sina Miss Nigeria Chidimma Adetshina (1st); Miss Mexico María Fernanda Beltrán (2nd); Miss Thailand Opal Suchata Chuangsri (3rd) at Miss Venezuela Ileana Márquez (4th).

Umabot naman si Chelsea sa Top 30 semi-finalists, pero nalaglag na nga siya sa Top 12 na labis na ikinalungkot ng mga Pinoy fans, na maagang gumising at tumutok sa naturang beauty pageant.  

Shout-out nga pala sa socmed (social media) influencer na si Madam Kilay sa pagse-share ng kanyang Facebook (FB) live, na sobra ring na-disappoint sa nangyari.

Pero sa ginanap na presscon after ng competition, nakagugulat na may ia-announce pa pala na winners ng four Continental Queens. At dahil dito ay gumawa nga ng history si Chelsea dahil siya ang nakakuha ng title bilang first Miss Universe Asia.

Ang first runner-up na si Miss U Nigeria ang napiling MU Africa and Oceana.

Si Miss U Finland Matilda Wirtavuori naman ang MU Europe and Middle East at si Miss U Peru Tatiana Calmell ang nagwaging MU Americas. 

Makakasama ang four Continental Queens sa pag-iikot ni Miss Universe Victoria sa iba’t iibang panig ng mundo, na kanilang ire-represent.

Sey tuloy ng mga netizens, parang mas bongga pa ang responsibilities ng apat, kumpara sa mga runner-ups ng Miss Universe. Mas bet nga nila ito at tinawag pa nilang ‘the real Top 5’ at sana raw ay binigyan din ng small crown.

Anyway, wala pang binanggit kung saang bansa gaganapin ang 74th Miss Universe next year, pero may pahiwatig si Miss Universe CEO Anne Jakrajutatip, dalawa ang Costa Rica at Thailand sa mga pinagpipilian. 

Magkakaroon naman daw ng botohan sa MU page kung saan nga ang next destination ng annual beauty pageant.

---

Naglabas ng announcement ang Topakk na entry sa 50th Metro Manila Film Festival (MMFF) na pinagbibidahan ni Arjo Atayde.

Caption sa socmed (social media) post, “The internationally acclaimed Pinoy action film—first shown in Cannes and premiered in Locarno—is coming home this December. Ang lakas ng #Topakk, mararamdaman n’yo ngayong Pasko! 

“Stay tuned for the poster drop on November 19 and full trailer release on November 20. Damay-damay na ‘to.”

Samantala, matagal na hinintay ng cast na mapanood ang hard-action movie dahil hindi pa nila napanood matapos na dalhin ito sa ibang bansa at doon nag-world premiere.

Kaya sa ginanap na cast screening last November 16 ay nagdatingan ang buong cast na excited mapanood ang kabuuan ng pelikula. 

Noong nagsimula na ang movie ay bigla raw tumahimik lahat at walang tumatayo, dahil maraming puwedeng ma-miss. 

At pagkatapos mapanood ang Topakk ay nagkamayan silang lahat at ‘yung iba, nagyakapan. Kitang-kita sa mga mukha nila na kuntento sila sa napanood, lalo na sina Julia Montes, Sid Lucero at Arjo Atayde, na puring-puri sa kani-kanilang pagganap.

Inamin din ng cast na excited na silang mag-promote ng movie at sumakay sa pasabog na float. 

Mapapanood na ito nationwide, simula sa December 25.

Aktres, kahit todo-explain na ‘di nandaya… NETIZEN KINA RHIAN AT SAM: NAG-JOIN LANG SA MARATHON PARA MAGPAPIKTYUR

ni Rohn Romulo @Run Wild | Nov. 16, 2024

Photo: Rhian at Sam - IG

Sinagot na ni Rhian Ramos ang tungkol sa ibinalitang hindi raw nila natapos ang NYC Marathon ni Rep. Sam Verzosa. 

Kaya bilang patunay ay nag-email ang Kapuso actress sa New York Road Runners. 

“I emailed to ask why 3 of our splits were missing... here’s their response (Yup! Fact checking is THAT easy!)”

Sumagot naman ang NYRR Runner Services sa pamamagitan ng isang letter:  

“Rhian, It looks like both you and Samuel fell behind the sweep and the timing points at 30km, 20 miles and 35 km were removed from the course as the streets reopened before you passed through. In Central Park, we can stay open longer, so you were picked up again at 40 km.  

“We certainly are not holding those timing points against you; you are both still listed as official finishers - Tom,” paliwanag sa reply. 

Kaya’t nakapagbigay ng mahabang mensahe si Rhian para sa mga pahayagang nagpapakalat ng fake news na diumano ay nandaya sila ng kanyang dyowa sa marathon.

Samantala, ito naman ang buwelta ng mga netizens sa post ni Rhian:  

“You go, girl! Don’t let haters win.”  

“Ang nega ng mga tao! ‘Di na lang maging masaya na ginawa n’ya ‘yun for charity. Talagang crab mentality pinaiiral, tsk…tsk...”  

“Napaka-OA ng mga reactions ng mga nega comments without verifying facts. Ito talaga ‘yung crab mentality na ‘pag may bad na nangyari sa kapwa, mas masaya pa. Wala naman silang sinaktan na tao.”  

Komento pa ng isa, “Ah ok, joined the marathon for a photo op, noted,” na sinagot naman ng netizens na, “Now, this comment is crab mentality. Feeling superior.”

“Nakalagay po nag-raise ng funds for charity. Para sa mga children with clefts to get proper treatment.”

Pagtatanggol pa sa pag-post ni Rhian sa email mula NYRR…  

“Eh, ‘di ba, kinukuwestiyon ‘yung pagtapos ng marathon nila? Kaya need n’ya talaga ng proof. Gagawa ng fake news, itatama, pero in the end, ‘di rin naman papaniwalaan ‘yung fact check. Hay, kakaloka, kaya ang dami nang nauuto ‘pag eleksiyon. I know you have to qualify for this - meaning participating in other marathons to accumulate points needed to qualify. Maybe Rhian & partner just didn’t post their previous runs?” 

Pahabol pa ng netizens, “Snaps of them while on the track is a more believable proof, impossible naman na walk lang sila to take pictures as it is an achievement to finish a marathon.”