P-BBM, dapat magtrabaho vs. ninja cops.. Kung sa panahon ko, patay na mga 'yan — Duterte

ni Mai Ancheta | June 2, 2023

Tinangggihan ni dating Pangulong Rodrigo Duterte ang posibilidad na maging anti-drug czar sakaling ialok ito sa kanya ng administrasyon.

Sinabi ng dating pangulo sa isang panayam sa telebisyon na mayroong nakaupong presidente at tungkulin nitong ipatupad ang batas at lutasin ang mga krimen sa bansa.

Hindi na aniya kailangang umeksena pa siya sa ginagawa ng mga otoridad at sa halip ay hayaan si Pangulong Ferdinand Marcos, Jr. na gawin ang kanyang trabaho.

Mahigit isang taon pa lamang naman aniya si Marcos sa puwesto kaya hayaang gawin ang kanyang mandato.

"Mukhang hindi na rin tama, because there is the President duly elected and it is his duty to enforce the law and solve crimes. Let us give Marcos the leeway to do his job. Its just one year," ani Duterte.

Binigyang-diin nito na ang mga pulis ang sakit ngayon ng kasalukuyang administrasyon kaya dapat gawin ng Pangulo kung ano ang inaakala nitong tamang gawin para malutas ang problema sa droga.

Sinabi ng dating Presidente na kung sa kanyang administrasyon nangyari ang pangungupit ng droga at ire-recycle sa labas ay malamang patay na ang mga ito.

"The degree of temptation pangmalakihan ito eh, it has become a passion for almost everybody because the lure effect of pera. Kung sa panahon ko siguro nangyari ito, 'yung iba hindi naman lahat, patay na mga ito," ani Duterte.

Matatandaang iminungkahi nina Senador Bong Go at Senador Ronald 'Bato' dela Rosa na gawing anti-drug czar si Duterte matapos mabuko na ilang opisyal at tauhan ng Philippine National Police (PNP) ang sangkot sa illegal drug trade sa bansa.

'Di lang pang-aabuso — Duterte.. Drug war ko, may patayan pa

ni Mylene Alfonso | May 14, 2023

Pabor si dating Pangulong Rodrigo Duterte sa mga inihayag ni Pangulong Ferdinand Marcos, Jr., kamakailan na may mga pang-aabusong nagawa sa ilalim ng nakaraang administrasyon dahil sa pagtutok sa pagpapatupad ng batas.

Tiniyak ni Duterte na walang intensyon si Pangulong Marcos na punahin siya dahil batid umano ni Marcos kung gaano kahirap na maging isang presidente lalo na umano sa mabibigat na problema ng bansa sa kasalukuyan.

"Yes, that was attributed allegedly made by the President. I am not sure if he was quoted in the complete context of the statement. I am sure that it was not intended to criticize me because he knows how hard it is to be President, especially with the serious problem right now," reaksyon ni Duterte sa panayam ng SMNI News nang hingan ng komento kaugnay sa sagot ni Marcos sa isang tanong tungkol sa human rights situation sa Pilipinas sa isang forum sa Washington.

"You know what am I supposed to do. I cannot be libertarian, I can only be a stoic human being dedicated to enforce the law because you are the implementors, you are the enforcers," saad ni Dutere.

Inamin din ng dating Pangulo na hindi lamang pang-aabuso kundi minsan ay maging ang pamamaslang.

"Tama siya na along the way in the enforcement of the law, a rigid attitude towards the enforcement of the law, abuses will be committed. Ngayon sabihin ko, I’ll go further. Not only abuses, sometimes killing unnecessarily," hirit pa ng dating pangulo.

"Along the way collateral damage marami 'yan, those never intended I am sure by the law enforcement agency. Meron 'yang collateral damage in a shootout, inside the house of the," dagdag pa niya.

Pres. Putin, ipinaaaresto na ng ICC.. Ex-P-Du30, next

ni BRT | March 21, 2023

Naniniwala ang mga mambabatas na posible ring isyuhan ng warrant of arrest ng International Criminal Court (ICC) si dating Pangulong Rodrigo Duterte kaugnay ng madugong drug war sa ilalim ng kanyang administrasyon.

Una nang ipinaaaresto ng ICC si Russian President Vladimir Putin dahil sa war crimes sa Ukraine.

“Hindi miyembro ng ICC ang Russia pero nagawa ng ICC na maglabas ng desisyon laban sa war crimes in Russian President Vladimir Putin. Ibig sabihin, puwedeng-pwede talaga na imbestigahan din ng ICC ang mga krimen ni dating Pangulong Rodrigo Duterte kahit na inalis niya ang Pilipinas bilang miyembro ng ICC para makatakas sa pananagutan.

Kawawa naman ang mga biktima ng madugong giyera kontra droga at iba pang krimen sa ilalim ng administrasyong Rodrigo Duterte kung hindi siya maipapaharap sa anumang korte sa loob o labas ng bansa,” pahayag ni Kabataan Rep. Raoul Manuel.

Ito rin ang apela ng mga biktima at pamilya, ang imbestigahan at arestuhin si Duterte dahil sa hindi naman umano seryoso ang ginagawang imbestigasyon sa war on drugs sa bansa.