B-day wish sa inarestong ex-pres... Digong, mabuhay pa nang mahaba — Palasyo

ni Mylene Alfonso @News | Mar. 29, 2025

File Photo: Atty. Claire at Duterte - PCO - ICC

Binati kahapon ng Malacañang si dating Pangulong Rodrigo Duterte ng mabuting kalusugan at kapalaran sa kanyang ika-80 kaarawan.

Sa press briefing sa Palasyo, maikling kumanta si Presidential Communications Office (PCO) Undersecretary Atty. Claire Castro ng 'Happy Birthday'' para kay Duterte. 

''Katulad po ng sinabi natin noong nakaraan, dapat lamang po nating batiin ng 'Happy Birthday, ang dating Pangulong Duterte at kung maaari nga po nating kantahan lahat ng Happy Birthday ang Pangulo,'' wika ni Castro.

''And of course we wish more years to come, we also wish good health, good fortune, kailangan po niya 'yan,'' hirit ng Palace official.

Kasalukuyang nahaharap si Duterte sa kasong murder sa kasong crimes against humanity sa International Criminal Court (ICC). 

Noong Marso 11 nang arestuhin si Duterte sa Pilipinas at dinala kalaunan sa The Hague, Netherlands.

2025 budget, may anomalya raw... PBBM kay ex-PDu30: Sinungaling

ni Mylene Alfonso @News | Jan. 21, 2025

File Photo: Pangulong Bongbong Marcos at dating Pangulong Rodrigo Duterte - FB

Nagsisinungaling umano si dating Pangulong Rodrigo Duterte hinggil sa alegasyon niya na may pinirmahang blangko sa 2025 national budget.

Ayon kay Pangulong Ferdinand Marcos, Jr., alam ni Duterte bilang dating presidente na hindi maaaring magpasa ng General Appropriations Act (GAA) nang may blangkong items.

Ani Marcos, batid din ni Duterte na hindi pa nangyari ang ganitong insidente sa kasaysayan ng Pilipinas.

Malinaw aniya na nakasaad sa GAA ang bawat programa at proyekto at kung magkano ang alokasyon sa mga ito.

“He’s lying. He’s a President. He knows that you cannot pass a GAA with a blank. He’s lying. And he’s lying because he knows perfectly well that that doesn’t ever happen. Sa buong, sa kasaysayan ng buong Pilipinas, hindi pinapayagan na magkaroon ng item ang GAA na hindi nakalagay kung ano 'yung project, at saka ano 'yung, 'yung gastos, ano 'yung pondo. So, it’s a lie," paliwanag ni Marcos sa ambush interview sa Taguig City.

"We, ah, I was watching the news earlier today and people were saying, it’s 4,000 pages. Papaano namin bubusisiin 'yan. Para titingnan namin iisa-isa. Hindi na lang. Meron namang kopya, that’s available on the website of the DBM. Tingnan n'yo, huwag na ninyo busisiin isa-isa."

Sinabi ni Marcos na available rin ang nasabing dokumento para suriin ng publiko sa website ng Department of Budget and Management (DBM).

"Hanapin niyo 'yung sinasabi nila na blank check. Tingnan n'yo kung meron kahit isa. Para mapatunayan na tama ang sinasabi kong kasinungalingan 'yan, That’s my reaction,” hamon pa ni Marcos.

Matatandaang pinuna ni Duterte at Davao City 3rd District Rep. Isidro Ungab ang 2005 national budget dahil wala umano itong bisa at hindi dapat ipatupad dahil sa mga blangko sa Bicameral Report.

Duterte, haharap sa QuadComm

ni Eli San Miguel @News | Nov. 12, 2024

Photo: Dating Pangulong Rodrigo Duterte / FB

Bibisitahin ng dating Pangulong Rodrigo Duterte ang Batasang Pambansa sa Miyerkules upang harapin ang House Quad Committee tungkol sa pagpapaliban ng imbestigasyon sa war on drugs na nakatakda sana sa Nobyembre 13, ayon sa kanyang dating tagapagsalita na si Salvador Panelo.

“Former President Duterte and I will go to Batasang Pambansa tomorrow at 10 a.m. and confront the Quad Committee members why, after demanding his presence and accepting their invitation, and coming here last night, they will just cancel it without prior notice,” pahayag ni Panelo sa isang Viber message.

“He will ask them to schedule a marathon hearing of 10 days,” dagdag pa niya. Sinabi naman ni House Quad Comm lead chairperson Ace Barbers ang dahilan kung bakit ipinagpaliban ng panel ang imbestigasyon mula Nobyembre 13 patungo sa Nobyembre 21.

“We want our witnesses to issue affidavits and after they executed their affidavits, we need to vet them. Because a lot of people want to testify before the Quad Comm, we deemed it best to evaluate, interview the witnesses first, see who is credible,” ani Barbers sa isang press conference. “And that would take a lot of time,” dagdag pa niya.