MGA JALOSJOS, TODO-APELA PA RIN SA KORTE VS. TVJ

ni Reggee Bonoan @Sheet Matters | March 8, 2024

Sa lumobong utang umano ng TAPE, Inc. sa GMA-7 na umabot sa P800 milyon, ang mga hosts ng Eat… Bulaga! na sina dating Senate President Tito Sotto, Vic Sotto at Joey de Leon ang itinuturo ng magkakapatid na Jalosjos na namamahala na ngayon sa kumpanya ng pamilya.

Pinatigil na kasi ng GMA management ang pag-ere ng Tahanang Pinakamasaya dahil nga sa malaking utang daw ng TAPE, Inc..

Matatandaang nanalo ang TVJ (Tito, Vic & Joey) sa kasong copyright infringement laban sa TAPE, Inc. at base sa adjudicator ng Intellectual Property Office of the Philippines (IPOPHL) ay nabawi nila ang registration at trademarks kaya ginagamit na ngayon ng trio ang titulong Eat…Bulaga! na emeere ngayon sa TV5 o Kapatid Network at napapanood tuwing tanghali.

Base sa pinag-usapang topic nina Nanay Cristy Fermin at Romel Chika sa programa nilang Cristy Ferminute kahapon nang tanghali sa Radyo 5, 92.3 True FM ay denied ang inihain ng TAPE, Inc. na petition for review laban sa TVJ at ‘yung sa IPOPHL ay kanselado naman.

“'Yung sa Court of Appeals, ang gusto nilang (TAPE, Inc.) mangyari ay baligtarin o i-reverse ang naging decision ng Marikina Regional Trial Court na kanila talaga ang titulo (Eat…Bulaga!),” sabi ni ‘Nay Cristy.

Pero nanalo nga ang mga original hosts at wala nang ibang may-ari ng Eat…Bulaga! kundi sina Tito, Vic and Joey (TVJ).

Nasambit din ng CFM host na ang pagtanggap sa katotohanan (pagkatalo) ang tanging susi para ‘yung pagkabigo ay hindi masyadong tumimo nang malalim.

“'Yun lang naman ‘yun, tanggapin ang katotohanan, 'pag talo, talo, 'pag panalo, ipagbunyi.

Bakit ipinipilit pa (umapela)?” sambit ni ‘Nay Cristy.

Say naman ni Romel, “Tatlong beses na silang naligwak, gusto pa ba nilang pang-apat?”

“Ano pa ba ang dapat patunayan ng Tito, Vic and Joey para huminto na ang ganitong apela at gusto pa nilang paabutin ito sa Office of the President. ‘Yung sa IPOPHL kasi, sakop ‘yan at hanggang Supreme Court. Ano po ba ito?

“Ang pagkatalo ay hindi naman senyales habambuhay, nagkataon lang na talagang talo kayo dito sa pinag-uusapan at pakikipaglaban,” esplika ni ‘Nay Cristy.

Nasambit din na kaya siguro gigil ang mga taga-TAPE, Inc. ay dahil dinededma sila ng TVJ at hindi man lang nababanggit ang isyu nila.

Kaya sabi ni Romel Chika, “Mas masakit kasi ‘yun, ‘Nay, ‘yung pino-provoke mo pero dinadaan-daanan ka lang?”

Nabuksan din ang isyu patungkol sa nagretirong executive ng TAPE, Inc. na kumuha raw ng P18 milyon, at may panayam din ang CEO ng TAPE, Inc. na ang dahilan daw ng pagkalugi ay ang pag-alis nina Tito, Vic and Joey.

“Bago raw sila pumasok na magkakapatid (Jalosjos) para pakialaman ang Eat… Bulaga! ay nalaman daw nila na hindi na ma-handle nang maayos ang finances,” say pa ni ‘Nay Cristy.

Pagtatanggol naman ni ‘Nay Cristy na nu’ng nakapanayam niya nang one-on-one si ex-Senator Tito sa SNN (Showbiz Now Na) ay nabanggit nitong may malaking utang ang TAPE, Inc. kina Vic, Joey at Maru Sotto na abot sa mahigit P200 milyon.

“Bakit hindi ninyo sinagot ‘yun nu’ng ipalabas sa SNN (Showbiz Now Na)? Bakit hindi ninyo tinutukan ‘yun? Bakit ngayon n’yo lang inilalabas ‘yang utang-utang na ‘yan at pagkalugi ng TAPE na isinisisi n’yo sa Tito, Vic and Joey kasi raw umalis.

“Paanong hindi aalis, eh, ang plano raw (Jalosjos) ay maraming tatanggaling production people? Ang linaw po niyan. Balikan n’yo po 'yung interview na ‘yan,” pahayag ni 'Nay Cristy.

At sa pag-alis nga ng TVJ ay sila ang itinuturong dahilan kaya nalugi ang TAPE, Inc..

Bukas ang BULGAR sa panig ng mga Jalosjos tungkol sa isyung ito.

---

Samantala, bago namin tapusin ang balitang ito ay naglabas na ng official statement ang TAPE, Inc. na nagpaalam na ang Tahanang Pinakamasaya effective March 8.

Base sa statement, “It is with a heavy heart that we inform our televiewers that our noontime show, Tahanang Pinakamasaya on Kapuso Network, GMA-7, will no longer be on air effective March 8, 2024.

“TAPE, Inc. extends its profound gratitude to its home network, GMA-7, for a long and fruitful partnership. GMA-7’s kind consideration and understanding of the company’s unwanted circumstances have been instrumental in helping the company in this transition.  Despite our best efforts to save the show, both parties have reached a mutual agreement to finally call off the show.”

Nagpahatid din sila ng pasasalamat, “To the loyal viewers, esteemed hosts, supportive advertisers, hardworking crew and dedicated employees who have been with us from the very beginning – from the longest running noontime show – Eat Bulaga to the present Tahanang Pinakamasaya – our sincerest ‘Thank you!” and optimistic – See you again.”

Malaki ang utang na loob sa aktres… COCO, NAPUNTA SA ABS-CBN DAHIL KAY JACLYN

ni Reggee Bonoan @Sheet Matters | March 7, 2024

Sa panayam ni Coco Martin sa ABS-CBN News ay may premonition (feeling of something about to happen) na pala siya sa pagkamatay ng aktres na si Jaclyn Jose sa huling taping nito ng FPJ's Batang Quiapo.

Sa eksenang nagpapaalam na si Jaclyn bilang si Chief Dolores Espinas kay Bubbles played by Ivana Alawi ay ang tindi ng pag-iyak nu’ng una, na tila huling pagkikita na nila.

Ang katwiran daw ng premyadong aktres kaya bigay na bigay siya ay, "Kasi parang isa-isa nang nawawala 'yung mga characters sa kulungan, eh.”

Tanda pa ni Coco na panay daw ang yakap at I love you sa kanya ni Jaclyn. At nu'ng dumalo raw sila sa Panagbenga Festival sa Baguio City kasama si Cherry Pie Picache ay wala silang ginawa kundi pagkuwentuhan si Jaclyn.

“Pagdating ko pa lang ng Baguio, ikinukuwento ko na siya (Jaclyn) kay Cherry Pie. 'Pie, alam mo, pinagkukuwentuhan namin ni Mommy Jane si Ma’m Charito Solis, si FPJ (Fernando Poe, Jr.).'" 

Nang matapos ang show ay tuloy pa rin daw ang tsikahan nila ni Cherry Pie tungkol sa namayapang aktres.

“Tapos 'yung gabi after ng show sa Baguio, siya pa rin ‘yung pinagkukuwentuhan namin. ‘Yun pala, hindi namin alam, may nangyari na pala,” sambit ni Coco.

Nabanggit pa na sila ni Cherry Pie ang unang pumunta sa bahay ni Jaclyn nang malaman nilang may nangyari nu’ng gabi ng Linggo (March 3).

“Pumunta kami agad ni Cherry Pie sa bahay niya. Seven (in the evening), nandu’n na kami sa labas. Siyempre, nagulat talaga lahat kami. Hindi namin inaasahan na mangyayari ito,” pag-alala ng aktor.

Samantala, inamin ni Coco na si Jaclyn ang dahilan kung bakit siya nasa ABS-CBN.

“Utang na loob ko lahat kay Mommy Jane. Siya ang dahilan kung bakit ako nandito sa ABS-CBN. Kung bakit lahat nangyari sa buhay ko. Siya ang kasama ko sa kauna-unahang indie movie ko na Masahista. Siya ang nag-convince sa akin na pumasok sa TV, sa ABS-CBN,” kuwento ng aktor-direktor at producer.

---

Sino kaya ang endorser at ano'ng produkto ang ipino-promote ng viral billboard na nasa C5 Southbound na may nakalagay na, "'Wag na tayo mag-break, please?” at letrang D ang inisyal ng pangalan na nagsabi ng naturang linya.

In fairness, tagumpay ang campaign promo na ito dahil ang video na in-upload ng isang content creator-vlogger na si Gifer Fernandez ay umabot na sa 17 million views, 382,000 reactions, 10,000 comments, and 41,000 shares sa Facebook.

Inisip tuloy ng mga netizens na sina Daniel Padilla at Dominic Roque ito, dahil parehong nahiwalay sa kani-kanilang mga dyowang sina Kathryn Bernardo at Bea Alonzo na recently ay nagkabalikan na raw.

Nakisawsaw naman ang singer-actor na si Darren Espanto dahil nu’ng i-tag siya na baka siya itong nagsusumamo na huwag nang mag-break ay sumagot siya ng, “Ako talaga ‘to.

‘Di ko lang sinasabi kasi private love life ko, HAHAHAHA! 'Kainis.”

Gusto naming maniwalang pribado ang love life ni Darren dahil may alam kami kung sino ang pribadong taong ito na nagwo-work sa isang TV network na hindi naman niya maipakilala sa publiko kasi nga private.

Anyway, tungkol sa viral billboard na ito ay baka puwedeng sagutin ito ng PR (Public Relations) specialist na Unicorn Strategies kung sino si D at ano'ng produkto ang ipino-promote nila.

Nag-viral… GMA BOSSES, NAG-AWAY-AWAY SA IPAPALIT SA NOONTIME SHOW NINA ISKO AT PAOLO

ni Reggee Bonoan @Sheet Matters | March 6, 2024

Isa pang viral ngayon ay ang post sa social media ng Facebook user na Chakapuso 2 tungkol sa pagkakaroon umano ng diskusyon ng mga GMA executives kung ano ang ipapalit sa tsinuging Tahanang Pinakamasaya.

Balita kasing TiktoClock ang ipapalit pero may humaharang.

Anyway, ang naka-post ay, “BREAKING: GMA Network's executives nag-away-away?”

“Nagkaroon ng pagtatalo ang mga executives ng GMA Network sa ginawang internal meeting ngayong araw. Ang kanilang agenda, ano ang ipapalit sa Tahanang Pinasara?

“Isang male executive ng GMA Network ang namimilit na ipasalo sa TiktoClock ang mababakanteng noontime slot subalit inayawan naman ito ng iba pang executives. Ang gusto niya kasi, ilipat si Isko Moreno mula Tahanang Pinakamasagwa papuntang TiktoClock para makasama si Kim Atienza.

“Agad namang hindi sumang-ayon ang isa pang lady executive at iba pang executives at may isang nagsabing gumawa sila ng panibagong noontime show, pero may ilan ding hindi pumabor sa walang kwentang idea na ito.

“Sa ngayon, rebranding ng Tahanang Pinakashunga kasama ang pamunuan ng TAPE Inc.

ang kanilang pinag-iisipan; New title, new hosts, new set up, new studio at new segments.

“Ayon pa kay lady executive, dapat daw ay may pundasyon na sa telebisyon at may hatak sa masa ang papalit sa nasabing pumanaw na noontime show.”

Marami naman ang nag-comment patungkol dito. 

Well, bukas ang BULGAR tungkol sa isyung ito.