TF NINA REGINE, JOLINA AT MELAI, ‘DI NA KINAYA, SHOW BABU

ni Reggee Bonoan @Sheet Matters | March 14, 2024

Trulili kayang graceful o silent exit na ang Magandang Buhay sa Kapamilya Channel dahil hindi na kayang i-sustain ang gastos ng programa lalo na ang talent fees ng mga hosts na sina Regine Velasquez, Jolina Magdangal at Melai Cantiveros-Francisco? 

Nabanggit ng aming kausap na baka ito ‘yung sa TV5 na hindi ipapalabas ang programa ng mga momshies dahil gustong ilagay sa 6 AM time slot?

Ipinagpilitan din namin sa aming kausap na nasulat namin dito sa BULGAR na wala na ang MB sa TV5 pero ang giit sa amin ay pati sa Kapamilya ay wala na.

Tsinek namin ang episode kahapon, Marso 13, at ayun na nga, napanood pa namin sina Regine, Jolina at Melai na nagbalik-tanaw pa sila sa mga bagay na ‘di na nila nagagawa ngayong sikat na sila. Tulad ng Asia’s Songbird na dati-rati’y nakakapag-mall pa at nanonood ng sine nang mag-isa at early ‘90s daw ito, pero ngayon ay hindi na niya magawa.

“Replay na lang lahat ‘yan,” diin sa amin.

Anyway, nagpadala kami ng mensahe sa Kapamilya Channel tungkol sa isyung ito pero hindi kami sinagot hanggang matapos naming isulat ang balitang ito.

Bukas ang BULGAR sa panig ng Kapamilya Channel tungkol sa isyung ito.

Lagi naman daw kasi siyang nakahubad… PIOLO, EVERY TWO DAYS MALIGO

ni Reggee Bonoan @Sheet Matters | March 13, 2024

May panuntunan ang aktor na si Piolo Pascual pagdating sa pananalapi.

Aniya, “Ever since magsimula akong magtrabaho from the States, 1998, I’m still grinded, kumbaga, practical ako 'pag may sobra, saka lang ko mag-i-invest. Hindi ako nangungutang.” 

Nakatsikahan ni Ogie Diaz si Piolo sa kanyang Ogie Diaz Inspire vlog na uploaded sa YouTube channel nitong Lunes, Marso 11, at napag-usapan nila ang mga negosyo ngayon ng aktor na umaming marami-rami na rin mula sa mga kinita niya sa showbiz.

Pagpapatuloy ni Piolo, “Mangungutang man ako, kaya kong bayaran in one year through my hard work na alam kong kaya kong bayaran. Hindi ako bibili ng isang bagay na alam kong wala akong kakayahan or iipunin ko muna. Or kung malaki ang investment, ilo-loan ko na at kaya kong bayaran. So, practical ako, hindi ako mangungutang para sa isang bagay na hindi ko kayang panindigan. Papiso-piso, okay na ako, kailangan excess money lang talaga.

'Pag ginamit mo na ‘yung pinaghirapan mong pera, ibang usapan na ‘yun.” 

Hindi itinanggi ng aktor na may utang siya at ang paliwanag niya, “Utang in such a way because you’re expanding your network and at the same time, kasama ‘yun sa business.

Kasabihan nga na ‘You don’t put all your eggs in one basket even if you have enough.' You save money for the rainy days, so you're still liquid.”

Mabuti at hindi pa na-scam si Papa P?

“Hindi kasi ako madaling maniwala, hindi ako utuin. So, pinaghirapan ko kasi ‘yung pera, eh, pinaghihirapan ko rin ‘yung trabaho. Hindi kasi ako naniniwala ru'n sa overnight (malaking kita). Doon ako sa trusted, hindi mo kailangang mag-background check,” katwiran ng aktor.

Samantala, hindi naman itinanggi ulit ni Piolo na marami siyang negosyo at karamihan ay hotels o resort, pero ang pinaka-main niya ay real estate na ipinayo sa kanya ni dating Congresswoman Vilma Santos-Recto.

“I guess it’s one of the reasons why I stay active in the business, para meron akong pang-invest, being practical and all, ‘yun lang naman ang sa akin.

“Kaya nu’ng nag-offer sa akin ang Dreamscape ng soap (Pamilya Sagrado), sabi ko, ‘Ilang days ‘yan, Tito Deo (Endrinal)?’ Sabi nya, ‘100 days’ (sabay compute sa kamay), sabi ko, 'Game!' One hundred episodes, sabi ko, okay, mas marami akong pang-invest.

“So, meron akong mga partners, tumutulong kasi wala ka namang oras for that. Pero ‘yung pinakamalaking pinagkakabisihan ko ngayon on the side is Batangas (resort).

“Kaya sabik akong magtrabaho kasi (may) pambili ng materyales, pambili ng kahoy, pambili ng bakal, so, alam mo na ilang years ko nang ginagawa. I want a house to be nice, so, hindi natatapos kaya hindi rin ako natatapos sa trabaho. ‘Yung investments, kailangan natin ‘yun kasi hindi naman tayo bata forever, kailangan natin,” pagkukuwento ng aktor na ang tinutukoy ay ang magara niyang bahay sa Batangas kung saan overlooking ang Taal Volcano at ang magandang dagat.

Ito ang dahilan na kapag walang trabaho si Piolo ay nandu’n lang siya sa Batangas.

“‘Yan ang hirap, kumpare, kapag umaalis ako ng Batangas. Kasi 'pag nandoon ako, doon lang ako, you’re detached, ayaw mo ng ingay. Para akong nasa spa 24 hours in a day. Iba ‘yung pakiramdam na nature lang ‘yung naririnig mo. Nakikita ko ‘yung sunrise, nakikita ko ‘yung sunset bago matulog. Nagha-hike naman ako bago mag-sunrise, buong araw, gising ako. Ganu’n sa probinsiya, eh, tapos 'pag gabi, tulog ka na. Tulad kagabi, 8:30 pm, tulog na ako.  Mas gusto ko ‘yung buhay na ganu’n, mas simple ang buhay, hindi gumagastos, hindi ka gumigimik,” paliwanag ng aktor.

At dahil siya rin ang nag-aayos sa bahay niya, nagbubungkal siya ng lupa at nagko-construction.

“Every two days ako maligo kasi lagi naman akong nakahubad (topless). Paggising ko, amoy-lupa rin ako, so, magkakaamoy kami (laughs)."

Ang mga negosyo ng aktor na kanyang binanggit ay… “Mostly hotels and real estate, ‘yung business partner ko, ‘yung kami ni Kath (Kathryn Bernardo), siguro tatlo o apat, puro islands — Bora (Boracay), El Nido, Siquijor, and other properties na puwede kang mag-build ng hotels and resort. ‘Yun talaga ang hilig ko, eh. What keeps me afloat is the real estate ever since I started business at ‘yan ang sinabi sa akin ni Mommy Vi (Vilma), nag-save siya, at (isa sa) nagsalba ng career niya at ng personal life niya is real estate."

Paliwanag pa ng binatang-ama, “So, ever since kapag may sobra akong pera, invest ako kaagad. Hindi ako magastos, eh. I take care of my relationships with endorsements, my network, my friends, with my producers, kasi kasama ‘yun sa maganda mong iiwang legacy.” 

Dumating si Ms. Vilma sa panahong nagipit siya noon pero si Piolo raw ay hindi.

“Kasi practical ako. Bata pa lang ako, mahilig ako sa paluwagan,” diin ng aktor.

Samantala, nasa Baguio City ngayon si Piolo para sa ilang linggong lock-in shoot para sa seryeng Pamilya Sagrado handog ng Dreamscape Entertainment, at makakasama ng aktor sina Tirso Cruz III, Aiko Melendez, Rosanna Roces, John Arcilla, Grae Fernandez at Kyle Echarri at Mylene Dizon.

Supporting naman sina Jeremiah Lisbo, Daniela Stranner, Alyanna Angeles, River Joseph, Iana Bernandez, Mark Manicad, Valentino Jaafar, Micaela Santos, Austin Cabatana, Dustine Mayores, JC Galano, Rocky Labayen, John Joven Uy, at Ron Angeles, Miggs Cuaderno at Emilio Daez.

PAULO, UMAMING TINANGGAP ANG SERYE DAHIL KAY KIM

ni Reggee Bonoan @Sheet Matters | March 11, 2024

“What can you share about the most unusual thing you have done for love?” ang tanong kina Paulo Avelino at Kim Chiu sa ginanap na mediacon para sa bago nilang series ng Pinoy version ng K-drama na What’s Wrong with Secretary Kim?.

Nahirapang sumagot ang aktres at nagbirong, “Ang hirap naman? Ano ba ‘yung love?

Nakalimutan ko na, ha, ha, ha!” 

“Ipapaalala mo ba sa akin?” sabay tingin kay Paulo.

Nagkatawanan ang lahat ng nanonood sa mediacon ng serye nina Kim at Pau na ginanap sa Araneta Center Gateway Mall 2 nu’ng Sabado.

“Does it have to be… kahit love for a friend or love for a co-worker?” balik-tanong ni Pau sa host na si Ai dela Cruz.

Sabay sabi ng aktor, “Siguro, ano, itong Secretary Kim. Dahil sa pagmamahal ko bilang katrabaho ka, at sa trabahong ibinigay mo sa Linlang, so pambawi sa ‘yo. So, I’m here at Secretary Kim to give back.”

Hiyawan ang lahat ng supporters ni Kim na present din at siguro, nagulat ang aktres sa sagot ng aktor kaya nasambit niya, “Sobrang funny siya rito, sobrang funny siya rito, hindi na siya si Paulo Avelino.”

Pinutol ni Pau ang sinasabi ni Kim, “Teka lang, pagmamahal ‘yung pinag-uusapan, bakit mo tsine-change topic?”

Sagot kaagad ni Kim, “Siyempre, pinupuri kita.”

Pagtatapat ng aktor, “I think if it was offered to me and if it wasn’t Kim, I would probably have second thoughts.” 

Sundot ng host, “So, because of Kim, go na, wala nang isip-isip?”

“Because of Kim and Sir Deo (Endrinal, former head of Dreamscape Entertainment, RIP).”

Ang sagot naman ni Kim sa tanong na unusual niyang ginawa pagdating sa pagmamahal, “Unusual, marami! Sobrang giving ko talaga na tao, parang ayokong nale-left out or nao-OP (out of place) or something. I always give as long as I can give, kasi wala namang mawawala sa akin kung magbibigay ako, eh. Parang siguro, hindi ko alam, kasi ‘yung sagot niya, nalito tuloy ako, hahahaha!”

Pahayag ni Kim,“Pero unusual na bagay? Siguro, marami ka namang magagawang unusual kapag nagmahal ka. Parang hindi na ‘yun unusual sa ‘yo, parang normal na sa ‘yo ‘yun kapag nandu’n ‘yung love, so hanggang doon na lang muna.”

Sinang-ayunan naman ito ng host na sobrang giving nga raw ni Kim, dahil nasaksihan niya ito at 100% daw kung magbigay ang dalaga sa kanyang minamahal at sa mga taong mahal niya as well.

Samantala, mapapanood na ang What’s Wrong with Secretary Kim simula sa March 18 sa streaming app na Viu handog ng ABS-CBN Studios at Dreamscape Entertainment.

Makakasama ng KimPau sina Janice de Belen, Pepe Herrera, Angeline Quinto, Romnick Sarmenta, Gillian Vicencio, Yves Flores, JC Alcantara, Cai Cortez, ang South Korean actor-singer na si Kim Won-shik at Jake Cuenca mula sa direksiyon ni Chad Vidanes.