No choice lang sa date nila… MICHELLE, NAINSULTO NA SI KIM ANG GUSTO NI ATTY. OLIVER

ni Reggee Bonoan @Sheet Matters |April 27, 2024

SI Kim Chiu naman pala ang dahilan kung bakit sumali sa segment na EXpecially For You ng It’s Showtime ang hottie lawyer ng Cebu na si Oliver Moeller.

Kamakailan ay in-introduce na sa media si Atty. Oliver Moeller bilang bagong talent ng Cornerstone Entertainment.

Matatandaang si Atty. Oliver ang nanalo sa tatlong searchees nu'ng nag-guest si Michelle Dee sa EXpecially For You segment ng IS at bilang premyo, nagkaroon sila ng dinner o lunch date ng beauty queen.

Ang ipinagtaka ng lahat, pagkatapos ng nasabing getting-to-know each other ay bilang in-unfollow ng TV host-beauty queen si Oliver at nag-post pa ito ng, “Thank you next, hindi dapat ako option.”

Kaya, naging nega ang tingin ng iba kay Oliver na kaka-introduce pa lang ay may ganito nang isyu kaagad.

Si Kim ang type ni Oliver at marahil ay ito ang sinabi niya kay Michelle nu’ng lumabas sila kaya nasabi ng huli na "hindi siya option."

Anyway, wala pa sa showbiz ang focus ni Oliver pero kung mabibigyan ng pagkakataon ay puwede rin naman. 

May iba pa kasing career ang 32-year-old lawyer sa Cebu bilang isa sa founding partners ng MN Law Firm at ang forte niya ay corporate at labor law.

Nagtapos si Oliver ng Bachelor of Arts - Major in Political Science degree at Bachelor of Laws degree sa University of San Carlos at year 2016 nu'ng pumasa siya sa bar exam.

Kumuha siya ng Master’s of Public International Law sa University of Queensland, Australia at nagtapos noong 2019.

Bago umuwi ng Pilipinas ay nakapagtrabaho siya sa Littles Lawyers (a compensation law firm in Brisbane).

Mahilig sa sports si Oliver base sa mga larawang ipino-post niya sa kanyang Instagram account at ito nga ang adbokasiya niya, ang maging akbito ang lahat para sa healthy life.

Samantala, sa Germany ipinanganak si Oliver at tatay niya si Ginoong Heino Moller, retired professor ng Marine Biology, at Pinay naman ang inang negosyante na si Gng. Joy Moller.  

Sa Lapu-Lapu City siya lumaki at ang mga kapatid niyang babae ay sina Yasmine Möller Morris at Stella Möller Anderson. 

Isasali sa MMFF 2024… VICE, GAGAWA NA NG MOVIE NA 'DI BASURA ANG QUALITY

ni Reggee Bonoan @Sheet Matters | April 21, 2024

Opisyal nang inanunsiyo ni Vice Ganda sa It’s Showtime nu'ng Biyernes nang tanghali (April 19) na tuloy na ang pelikulang gagawin niya under IdeaFirst Company na ididirek ni Jun Lana.

Ipinost na rin sa FB account ng ABS-CBN Film Productions (Star Cinema) nu'ng tanghali ring 'yun ang larawan ni Vice na may nakalagay na: "Vice Ganda in a film by Jun Robles Lana, which is ang And The Breadwinner is Back…"

Ang caption ng ABS-CBN ay: “MEME VICE IS BACK! Vice Ganda and Jun Robles Lana officially announce And the Breadwinner Is…’ coming soon exclusively in cinemas this year!

#NMAViceGanda #NewMovieAlert @praybeytbenjamin”

Samantala, bago magsimula ang ENLIGHTEN: The IdeaFirst Film Festival nitong Abril 12-14 ay nabanggit nang may nakaantala silang Vice Ganda movie na dapat ay kasama ito noong 2023 Metro Manila Film Festival, pero sa hindi inaasahang pagkakataon ay hindi ito natuloy.

Bago magtapos ang IdeaFirst Film Festival nitong Linggo, Abril 14 ay tinanong namin kung ano ang entry nina Direk Perci at Jun sa 50th edition ng MMFF.

“Actually, gustung-gusto ni Vice kasi sabi niya, gusto niyang gumawa ng iba naman,” sambit ni PMI (tawag namin kay Direk Perci).

Kilala si Vice na pinakikialaman ang script at may mga suggestions siya kung ano ang gusto niyang mangyari. Makakayanan ba niyang hindi ito pakialaman dahil kilala rin si Direk Jun na ayaw na pinakikialaman ang gawa niya?

“Well, napag-usapan din ‘yan nu’ng nag-meeting kami nina Vice, Jun at taga-Star Cinema at okay naman sila, parang open naman si Vice sa ganu’n. Lahat naman ng inilatag namin, okay sila nu’n,” sagot ni Direk Perci.

Sabi nga ng kasamahan namin sa media, "Finally, makakagawa na si Vice ng pelikulang hindi matatawag na basura.”

Sa totoo lang, ito rin kasi lagi ang komento sa mga pelikula ni Vice na "poor quality", bagay na ikinasasama ng loob niya dahil pinaghihirapan nga naman niya itong i-shoot at pinag-iisipan din, tapos sasabihan ng basura?

Kaya nabanggit niya sa meeting daw with Direk Jun and Perci na gusto niyang gumawa ng iba naman sa mga nagawa na niya o lalabas siya sa comfort zone niya.

At dahil inanunsiyo na nga kaya tuloy na ang collab nina Vice at IdeaFirst director na isasama sa 50th year ng Metro Manila Film Festival sa December, 2024.

In fairness, ang ganda ng sabi ni Alexander Duca, “Finally, something relevant film for Meme Vice. Been waiting for a Vice Ganda film na hindi puro kababawan. Hopefully, Jun Lana would be able to capture both the charm of Vice's wit and his expertise in making socially relevant comedies.”

Dahil sa 5 autoimmune diseases… KRIS, TAKOT NA TAKOT NA ‘DI ABUTANG MAG-18-ANYOS SI BIMBY

ni Reggee Bonoan @Sheet Matters | April 20, 2024

May madamdaming post si Kris Aquino kahapon (April 19) sa Instagram account niya para sa 17th birthday ng bunsong anak na si James Carlos Aquino Yap Jr. o mas kilala bilang si Bimby Aquino.

Base sa kanyang post ay nagbalik-tanaw si Kris tungkol sa bunsong anak, kung gaano ito karesponsable simula pa lang noong 11 years old siya.

Sa IG post ni Kris with Bimb sa kanilang bahay sa Orange County, California kung saan may mga happy birthday balloons sa background ay makikitang walang pagbabago ang kalusugan nito.

Ang mahabang caption ni Kris, “There’s a lot I haven’t shared with you about the current state of my health, primarily because my news has mostly been sad…“April 19, 2007 I gave birth to my living guardian angel… in the past month with Kuya Josh back in the (emoji Philippine flag), and because of several vaccines I needed to be given- Bimb kept me company while I quarantined… Ayokong sirain ang dapat good vibes sa 17th birthday ni Bimb BUT I also know for all those praying for us I owe you the TRUTH. Padaanin lang natin please ang April 19 (happy birthday to our beloved @chinitaprincess)…

“To Bimb, 'I’m keeping the promise I made to you- September 28, 2018 when we first knew there was something scary about my sudden weight loss and my complete blood test result.

I’m sorry for showing weakness yesterday when I cried non-stop because of my fear that I may not be around to be with you on your 18th birthday- it’s my bad for not being grateful that against all odds, with 5 autoimmune conditions, 3 of them that are life threatening I failed to see the glass as being half full BECAUSE you’ve matured so much and you’re always ready to help my nurses, and though I know you’re also freaked, you still show CALM & absolute FAITH in God when my BP and heart rate reach scary high numbers. No matter how much physical pain I endure daily- my heart overflows with love because of your caring, selfless, unconditional LOVE.”

Dagdag pa niya, “My one wish is for your character to remain STRONG, your values and integrity stay ADMIRABLE, your respectful and polite manner UNCHANGED, and your passion for learning will continue to inspire you to make the most of your education. I LOVE YOU not only during my lifetime or yours BUT definitely for eternity. You’re my greatest achievement because of your capacity to love- this early you’ve embraced your responsibility to take care of your kuya, and since you were 11 years old, you’ve been so protective of me. Love doesn’t die my (honey emoji), please remember that. HAPPY BIRTHDAY to the love of my life.”

Samantala, kahit walang inilabas na pahayag si Bimby, for sure na isa sa mga birthday wishes niya ay ang gumaling na ang ina at humaba pa ang buhay nito.