4 yrs. na at seryoso raw sa ex-mayor ng Kyusi…RUFFA, INAMIN NANG DYOWA SI HERBERT

ni Reggee Bonoan @Sheet Matters | June 22, 2024

Photo: Herbert Bautista / IG

Tinuldukan na ni Ruffa Gutierrez ang duda ng lahat kung magdyowa ba sila ng dating mayor ng Quezon City na si Herbert Bautista.

Inamin na nito na seryoso nga ang relasyon nila ni Bistek sa panayam sa kanya sa vlog ni Karen Davila, kasama ang dalawang anak na sina Lorin at Venice Bektas na in-upload sa YouTube channel nitong Huwebes ng gabi.

Diretsong tanong ni Karen ay kung seryoso si Ruffa kay Herbert.

Sagot ni Ruffa, “Grabe ka, pinagpawisan ako! It’s always serious with him.”

Ibinaling naman ni Karen ang tanong kay Lorin, kung gusto pa nitong mag-asawa ang ina.

Sey ni Lorin, “I don’t want anything specific for her. I want her to be happy and whatever that looks like for her if it's being alone with 80 cats… " kaya nag-react si Ruffa sa being alone at 80 cats, baka puwede raw dogs.

“If it’s getting married, if it's having a long-term partner, whatever that looks like for her, I just want her to be happy.

“So, I never really thought too much about it. Me and my sister don’t really get overly involved,” dagdag pa ng panganay ni Ruffa.

Komento naman ni Venice kapag nalalamang may ka-date ang mommy niya, “Well, I’m sure me and Lorin probably make side comments at the start. My mom always usually, most of the time, had good judgment on picking who’s right for her and who’s wrong.

“Her current partner now, he’s lovely, he’s really a nice guy, he treats her very well, and she is ecstatic about him. Of course, I’m very happy for her. Again, if she’s happy, we’re happy,” pambubuking din ng bunso ni Ruffa.

Inamin naman ni Lorin na matigas ang ulo ng nanay nila ni Venice pagdating sa buhay-pag-ibig nito, dahilan kaya sila laging warla ng lola niyang si Annabelle Rama.

Simula pa nu'ng 2020 ay may tsika nang nagkakamabutihan na sila ni Herbert, pero walang pag-amin mula sa dalawa.

“I think now it’s better that a quiet personal life leads to more happiness. I’ll never go into a relationship that’s not serious. I’m always the serious type,” paliwanag ni Ruffa.

Samantala, tinanong din ni Karen ang mga anak ni Ruffa kung gusto ba nila si Herbert para sa ina.

Sey ni Lorin, “Yeah, we do.”

“I do, he’s very funny,” sambit ni Venice.

Ang sagot naman nila sa tanong kung okay bang ikasal ang mommy nila kung sakali ay, “Get married abroad so you can get a divorce!”

Nagtawanan ang apat, lalo na si Ruffa, na bakit pa nga naman siya magpapakasal kung aabot din lang sa diborsiyo sa edad niya ngayong 50.

Pero gusto ni Lorin na maging bridesmaid 'pag ikinasal ang mommy niya at dapat protektahan din nito ang sarili kaya’t dapat may prenuptial agreement.

Sa programa nina Daniel Padilla at Kathryn Bernardo na The House Arrest of Us nagkalapit sina Ruffa at Herbert. Naikuwento rin ng aktres ang unang date nila ni Herbert kung saan pinasama nito sina Lorin at Venice para makilala ang dalawa, bagay na na-appreciate nang husto ng mga anak ni Ruffa.

“They were included on our first date, very proper. Sinundo kami sa bahay, tapos isinama ‘yung mga anak ko. Sabi n’ya 'I wanna meet them.' And to make sure that they’re okay with him and everyone is comfortable, and that was Christmas time,” kuwento ni Ruffa kay Karen.

Pambubuking ni Venice, “Honestly, just seeing our mom with him, she was just so happy.”

“Enough, too much information,” pabirong sita ni Ruffa sa anak.

Paniniwala naman ni Lorin, “I do think that the tell-tale sign that this is real and this is a really strong connection is that he helped her get back into school and really encouraged that for her.”

Si Herbert Bautista raw ang nagsabing tapusin ni Ruffa Gutierrez ang kolehiyo, para magkaroon ng degree at pagkatapos ay in-encourage uling kumuha ng masters na ngayon ay malapit nang matapos ng aktres.

Sam, join din… SHARON AT JULIA, MAGSASAMA ULI SA SERYE

ni Reggee Bonoan @Sheet Matters | June 17, 2024

Photo: Sharon Cuneta - Julia Montes / IG

Finally, matutupad na ang pangarap nina Sharon Cuneta at Julia Montes na magsama ulit sa isang serye. Nabanggit nila ito noong mag-guest sila sa Magandang Buhay last year.

Binigyan ng magandang tribute si Sharon ng nasabing programa ng ABS-CBN para sa kanyang kaarawan noong nakaraang taon at isa sa mga surprised guests ay si Julia Montes na anak-anakan niya dahil nagkasama sila sa FPJ’s Ang Probinsyano at mag-ina ang karakter nila.

Nabanggit nga ng dalawang aktres na sana, magkaroon sila ng isa pang seryeng magkasama dahil medyo nabitin sila sa Ang Probinsyano lalo't nawala nga naman agad si Julia sa kuwento habang si Sharon ay naniniwalang buhay pa ang anak na inilayo sa kanya.

Anyway, excited ang mga supporters nina Shawie at Julia at hinihintay nila kung kailan ito iaanunsiyo ng Dreamscape Entertainment na siyang magpo-produce ng serye.

Ini-repost ng Solid Shawie fan page ang post ng official na larawan nina Sharon at Julia na ang caption ay: “THE MEGA COMEBACK!

“SCOOP:  Julia Montes at Sharon Cuneta pasabog ang comeback sa isang bigating Kapamilya serye under Dreamscape Entertainment!”

Hindi pa kumpleto ang detalyeng nakuha namin mula sa taga-Kapamilya pero sinabing kasama rin sa serye si Sam Milby.

Kung hindi magbabago ay reunion drama series ito nina Sam at Julia na nagkasama noong 2015 hanggang 2017 sa Doble Kara na umabot ng Season 6 at handog din ng Dreamscape Entertainment.

---

Nasampulan ng aktor sa taping… MITCH, IBINUKING ANG UGALI NI COCO

Photo: Mitch Valdez / IMDB - Coco Martin / IG

Natulala si Maya o Mitch Valdez kay Coco Martin dahil nakaya nitong pagsabayin ang pagdidirek at pag-i-internalize.

Sa segment na Pick A Name sa vlog ni Snooky Serna sa YouTube ay nakuha ni Mitch ang pangalan ni Coco.

Sey ng beteranang aktres, “When my first few days shooting in Ang Probinsyano I hadn't done a teleserye or a TV show for about a decade until Probinsyano. He (Coco) was directing some days, he was writing some days, and he’s an actor, so, can you imagine all those hats na suot n’ya?

“‘Yung bahay ni Lola Susan Roces, nandu’n sa itaas, tapos nandu’n kami (sa ibaba) na may ambulansiya na inilalabas ‘yung anak niyang pinatay (namatay sa pagsabog ng bomba), tapos nag-i-internalize na siya kasi ‘yung anak niya, inilalabas na, so kailangan, lumuluha na s’ya.

“Tapos sabi n’ya, ‘yung drone (camera), kunin n’yo pagdating nu’ng ano, aakyat ‘yung drone at lalabas si lola at pagkatapos doon, baba ‘yung drone, ha?’

“Naka-ganu’n ako (nakanganga), hindi nawala ‘yung internalization pero nagdidirek.”

Habang ikinukuwento ito ni Mitch ay tawa naman nang tawa si Snooky dahil nai-imagine niya kung paano ang eksenang iyon kaya lalo silang bilib sa aktor/direktor at producer.

Hinangaan at naloka rin si Mitch sa ating National Artist at Superstar na si Nora Aunor na nakaeksena niya sa pelikulang Bulaklak ng City Jail nu’ng 1984 na idinirek ni Mario O’Hara.

Balik-tanaw ni Mitch,“When you did movies and the set is like that and we were shooting inside the Pasig City Jail talaga, I can remember the smell and the despair because all those people on that jail, wala pang trial.

“At itong si Nora Aunor pala, napaka-realistic na ‘yung eksena na ginulpi n’ya ako in the end, talagang ginulpi n’ya ako, pasa-pasa ako (ipinakita ang video).

“Ate, talagang ikaw ‘yun (akala may dobol)?” tanong ni Snooky.

“Oo, ako, Ate Guy. Ha, ha, ha, ha!” sambit ng premyadong aktres.

After the shoot ay naging okay ba sina Nora at Mitch?

“Who doesn’t become good friends with Nora?” halakhak na tugon nito kay Snooky.

Samantala, maraming artista at mostly directors ang ibinuking ni Mitch sa vlog ni Snooky kaya walang ginawa ang dalawa kundi tumawa nang tumawa.

Sabi nga ni Mitch, “Do not take us seriously when we complain about our job because at the end of the day, we cry if we don’t have a job and we are grateful that the audience is there. Paki-edit lang para may career pa ako after.”

Congresswoman sana, wala raw pera… MARJORIE, SA KYUSI NAKATIRA, SA CALOOCAN ULI TATAKBONG KONSEHAL

ni Reggee Bonoan @Sheet Matters | June 1, 2024

File photo: Marj Barretto

Balik-pulitika pala ulit si Marjorie Barretto, ayon na rin sa mga nakatsikahan naming taga-Caloocan City. 

Matatandaang naging konsehala ng 2nd District ng Caloocan ang dating aktres simula 2007 hanggang 2013 o dalawang termino.

Ang tsika sa amin ay congresswoman daw ang unang plano ni Marjorie at sa partido ni dating Senator Antonio Trillanes IV na napabalitang tatakbong mayor ng Caloocan kung saan siya ipinanganak at doon din bumoboto lagi ang magiting na senador. 

Inalok daw ni Trillanes si Marjorie pero dahil malaki ang kakailanganing pondo para sa kandidatura na hindi naman kaya ng dating aktres, umatras at lumapit ito kay First District of Caloocan Representative Oca Malapitan at nagkasundo na konsehal na ang tatakbuhin niya sa unang distrito ng nasabing lungsod.

Nangako raw si Cong. Oca na susuportahan niya si Marjorie sa pagbabalik nito sa Konseho kaya panay na raw ang libot nito sa ilang lugar sa First District ng Caloocan.

Well, ang tanong lang ng kausap naming taga-Caloocan, “Paano siya tatakbo kung hindi naman s’ya tagarito? ‘Di ba sa Ferndale Village s’ya nakatira sa may Kyusi? Barangay Pasong Tamo ‘yun, hindi sakop ng Caloocan.”

Hmmm… bigla rin tuloy kaming napaisip. Eh, baka may bahay siya sa Caloocan, hindi lang nababalita.

“Dati, nu’ng tumakbo siya, 2nd District kasi tagarito si Dennis (Padilla). Gamit niyang address ‘yung kay Dennis. Eh, ngayon, wala na sila ni Dennis, kaninong address ang gagamitin n’ya?” tanong-komento ulit ng aming kausap.

Magkakaalaman din naman pagdating ng right time kung ano'ng address talaga ang gagamitin ni Marjorie dahil 'pag nag-fill-up siya ng application ay kailangang Caloocan resident siya, sabi namin sa aming nakausap.

Samantala, may tsika na sa nakaraang 50th birthday ni Marjorie na ginanap sa Cirkulo

Restaurant Milkyway Building, Paseo de Roxas nu’ng Mayo 19 ay nandu'n si dating Mayor Recom Echiverri na ama ng bunsong anak nitong si Erich, na ngayon ay 12 years old na.

Base sa obserbasyon ng nakakuwentuhan namin ay close pa rin sina Marj at Recom.