9 lugar positibo sa red tide

ni Lolet Abania | August 29, 2021

Tinukoy ng Bureau of Fisheries and Aquatic Resources (BFAR) ang siyam na lugar na kanilang sinuri na positibo sa paralytic shellfish poison o toxic red tide.

Sa kanilang Shellfish Bulletin No. 25 na may petsang Agosto 27, habang nai-post kahapon, Agosto 28, ayon sa BFAR, nagsagawa sila ng mga tests katuwang ang mga local government units (LGUs) kung saan ang mga lugar na nagresulta sa pagkakaroon ng paralytic shellfish poison ay Milagros sa Masbate; coastal waters ng Dauis at Tagbilaran City sa Bohol; San Pedro Bay sa Western Samar; coastal waters ng Biliran Islands; Carigara Bay sa Leyte; Matarinao Bay sa Eastern Samar; Dumanquilas Bay sa Zamboanga del Sur; Murcielagos Bay sa Zamboanga del Norte; at Lianga Bay sa Surigao del Sur.

“All types of shellfish and Acetes sp. or alamang gathered from the areas shown above are NOT SAFE for human consumption,” ayon sa BFAR.

Sinabi ng BFAR, maaari namang kainin ang mga isda, squids, shrimps, at crabs sa mga naturang lugar subalit kailangang siguruhing sariwa at hinugasan at nilinis mabuti, kung saan inalis ang mga lamang-loob nito gaya ng hasang at bituka bago lutuin.

20 lugar, positibo sa red tide — BFAR

ni Lolet Abania | May 12, 2021

Kinumpirma ng Bureau of Fisheries and Aquatic Resources (BFAR) ngayong Miyerkules na 20 lugar sa bansa ang positibong nakitaan ng paralytic shellfish poison o toxic red tide at lumagpas ito sa tinatawag na regulatory limit.

Sa isang advisory ng BFAR, lahat ng klase ng shellfish at acetes o alamang ay hindi ligtas na kainin mula sa mga sumusunod na lugar:

• Baybayin ng Zumarraga sa Western Samar

• Baybayin ng Daram Island sa Western Samar

• Baybayin ng Biliran Islands

• Baybayin ng Calubian sa Leyte

• Baybayin ng Leyte, Leyte

• Puerto Princesa Bay, Puerto Princesa City sa Palawan

• Ormoc Bay sa Leyte

• Baybayin ng Daiuis at Tagibilaran City sa Bohol

• Tambobo Bay, Siaton sa Negros Oriental

• Murcielagos Bay sa Zamboanga del Norte

• Balite Bay sa Davao Oriental

• Bislig Bay sa Surigao del Sur

• Baybayin ng Hinatuan sa Surigao del Sur

• Lianga Bay sa Surigao del Sur

• San Pedro Bay sa Western Samar

• Cancabato Bay sa Tacloban City sa Leyte

• Carigara Bay sa Leyte

• Cambatutay Bay sa Western Samar

• Maqueda at Villareal Bays sa Western Samar

• Irong-irong Bay sa Western Samar “Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking,” ayon sa BFAR.

Lahat ng shellfish at alamang, may red tide — BFAR

ni Ronalyn Seminiano Reonico | May 9, 2021

Nagpositibo sa paralytic shellfish poison (PSP) o toxic red tide ang ilang (18) lugar sa bansa, ayon sa Bureau of Fisheries and Aquatic Resources (BFAR).

Sa latest shellfish bulletin base sa laboratory results ng BFAR, ang lahat ng uri ng shellfish at acetes o alamang mula sa Puerto Princesa Bay, Puerto Princesa City sa Palawan; coastal waters ng Dauis at Tagbilaran City sa Bohol; Tambobo Bay, Siaton sa Negros Oriental; coastal waters ng Calubian sa Leyte; Balite Bay, Mati City sa Davao Oriental; Lianga at Bislig Bays, at coastal waters ng Hinatuan sa Surigao del Sur ay positibo sa PSP “that is beyond the regulatory limit.”

Gayundin naman ang coastal waters ng Daram Island, at Zumarraga, Cambatutay at Villareal Bays sa Western Samar; coastal waters ng Leyte, Carigara at Ormoc Bays, at Cancabato Bay, Tacloban City sa Leyte; coastal waters ng Biliran Islands; at Murcielagos Bay sa Zamboanga del Norte.

Ayon sa BFAR, hindi ligtas kainin ang lahat ng uri ng shellfish at acetes o alamang sa mga nasabing lugar.

Saad pa ng BFAR, “All types of shellfish and Acetes sp. or alamang gathered from the areas shown above are NOT SAFE for human consumption.

“Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.”