Red Tide Alert

ni Lolet Abania | November 7, 2021

Ilang lugar sa Bohol, Leyte, at iba pang lalawigan sa Visayas at Mindanao ang nagpositibo sa test sa red tide toxin, ayon sa pahayag ng Bureau of Fisheries and Aquatic Resources (BFAR).

Base sa isang advisory ng BFAR, ang mga shellfish na nakolekta sa coastal waters o baybayin ng mga sumusunod na lugar ay nakitaan ng pagkakaroon ng paralytic shellfish poison o toxic red tide na lumagpas pa sa regulatory limit:

• Dauis at Tagbilaran City sa Bohol;

• Villareal, Cambatutay, at San Pedro Bays sa Western Samar;

• Carigara Bay at coastal waters ng Leyte sa Leyte;

• Matarinao Bay sa Eastern Samar;

• Dumanquillas Bay sa Zamboanga del Sur;

• Lianga Bay sa Surigao del Sur.

Gayundin, ang mga lugar na lumabas na positibo sa red tide toxin ay coastal waters ng Baroy sa Lanao del Norte; coastal waters ng Daram Island, Maqueda, at Irong-Irong Bays sa Western Samar; Cancabato Bay, Tacloban City sa Leyte; coastal waters ng Biliran Island.

“All types of shellfish and Acetes sp. or alamang gathered from these areas are NOT SAFE for human consumption,” pahayag ng BFAR.

“Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking,” dagdag ng BFAR.

Red Tide Alert

ni Lolet Abania | October 22, 2021

Nakitaan sa ilang baybayin ng Visayas at Mindanao na positibo sa paralytic shellfish poison o toxic red tide, kung saan lumagpas sa regulatory limit nito, ayon sa Bureau of Fisheries and Aquatic Resources (BFAR) ngayong Biyernes.

Sa pinaka-latest bulletin ng BFAR, ang lahat ng uri ng shellfish at alamang o krill ay hindi ligtas na kainin na matatagpuan sa mga sumusunod na baybayin:

• coastal areas ng Dauis at Tagbilaran City sa Bohol

• Carigara Bay at coastal waters ng Leyte

• Matarinao Bay sa Eastern Samar

• Villareal, Cambatutay, at San Pedro Bay sa Western Samar

• Lianga Bay sa Surigao del Sur

• Dumanquillas Bay sa Zamboanga del Sur

Gayunman, ayon sa BFAR ang mga isda, pusit, hipon, at crabs o alimango ay ligtas namang kainin, subalit anila, “provided that they are fresh and washed thoroughly, and internal organs such as gills and intestines are removed before cooking.”

Red Tide Alert sa 3 lugar — BFAR

ni Lolet Abania | September 25, 2021

Tatlong lugar mula sa Visayas at Mindanao ang lumabas na positibo sa paralytic shellfish poison o toxic red tide na lumagpas sa itinakdang regulatory limit, ayon sa Bureau of Fisheries and Aquatic Resources (BFAR) ngayong Sabado.

Sa latest bulletin ng BFAR, ang lahat ng uri ng shellfish at alamang (krill) ay hindi ligtas na kainin mula sa mga sumusunod na lugar:

• Coastal waters ng Dauis, at Tagbilaran City sa Bohol

• Lianga Bay sa Surigao del Sur

• Dumanquillas Bay sa Zamboanga del Sur

Gayunman, sinabi ng BFAR, ang mga isda, pusit, hipon at crab o alimango mula sa mga naturang lugar ay ligtas namang kainin, subalit ayon sa ahensiya, “Provided that they are fresh and washed thoroughly, and internal organs such as gills and intestines are removed before cooking.”

Nakasaad din sa bulletin ang listahan naman ng mga lugar na walang itinuturing na toxic red tide, kabilang dito ang coastal waters ng Milagros sa Masbate, Carigara Bay sa Leyte, at Murcielagos Bay sa Zamboanga del Norte.