P500 monthly aid para sa mga indigent seniors, solo parents at PWDs – QC gov’t

ni Lolet Abania | May 2, 2022

Magkakaloob ang lokal na gobyerno ng Quezon City ng P500 monthly assistance sa mga kuwalipikadong indigent senior citizens, solo parents, at persons with disabilities (PWDs) para sa isang taon.

Kamakailan, inaprubahan ni Mayor Joy Belmonte ang Ordinance No. SP-3115, S-2022, na layong makatulong na mapagaan ang epekto ng COVID-19 pandemic at ang pagtaas ng presyo ng mga pangunahing bilihin para sa pinakamahihina o vulnerable na sektor ng lipunan.

Ayon sa city government, sakop ng ordinance ang mga indigent senior citizens, solo parents, at PWDs na hindi pa nabebenepisyuhan mula sa anumang iba pang regular na financial assistance ng gobyerno gaya ng social pension o ang cash transfer program.

“Malaki ang maitutulong nito para sa kanilang araw-araw na gastusin sa pagkain, gamot at iba pang pangangailangan,” ani Belmonte.

Isang benepisyaryo lamang kada pamilya ang maaaring maka-avail ng financial assistance, ayon pa sa lokal na pamahalaan.

Maibibigay naman ang cash aid, kasunod ng pag-apruba ng Implementing Rules and Regulations (IRR) para sa ordinance.

Ang mga target beneficiaries ay maaaring magsumite ng kanilang aplikasyon sa Office for the Senior Citizens Affairs (OSCA), Persons with Disability Office (PDAO), o sa Social Services and Development Department (SSDD) para sa mga indigent solo parents.

Kapag ang aplikante ay nakapasa sa initial review ng OSCA, PDAO, o SSDD, ang SSDD field unit ay magsasagawa naman ng isang case study para maberipika ang kanilang eligibility sa programa.

Ang mga applicants na nakapasa naman sa case study ay irerehistro na bilang benepisyaryo ng programa at makatatanggap ng cash aid via direct payment, electronic o digital, o cash card.

Matapos ang 12 buwan, ang OSCA, PDAO o SSDD ay magsasagawa ng re-evaluation upang madetermina kung ang mga benepisyaryo ay nananatiling eligible para sa programa.

Safety Seal sa mga malls, tindahan, pasyalan, etc. sa QC, start na

ni Mary Gutierrez Almirañez | June 5, 2021

Inirekomenda ni Quezon City Mayor Joy Belmonte sa mga business establishments na i-comply sa national government ang COVID-19 Safety Seal certification na magsisilbing katibayan na sumusunod sila sa minimum health protocols laban sa virus.

Ayon pa kay Belmonte, "We hope our businesses will take this as an opportunity to prove that they carry out the necessary measures to ensure the safety of their customers. And in turn, we expect that this will increase customer confidence and positively affect everyone's livelihood and our economy."

Dagdag nito, puwedeng mag-apply o kumuha ng Safety Seal certification sa lokal na pamahalaan at kapag nagawaran na ng certificate ang business owner ay puwede niya iyong i-display sa kanyang tindahan o kainan.

Nakasaad din sa Executive Order No. 13 Series of 2021 ang bawat mall, wet markets, retail stores, restaurants, fast food, coffee shops, karinderya, bangko, pawnshops, money changers, remittance centers, car washes at laundry service centers na hinihikayat na mag-apply ng Safety Seal certification. Kasama rin dito ang mga pasyalan katulad ng art galleries, libraries, museums, zoos, sports centers, gyms, spas, tutorial, testing at review centers, pati ang sinehan at gaming arcades.

Sa ngayon ay SM City North EDSA ang kauna-unahang shopping mall sa Quezon City na nag-display ng Safety Seal certification.

Ang pagdidikit nito ay pinangunahan ni Department of Trade and Industry (DTI) Secretary Ramon Lopez.

Kasama rin sa launching ng Safety Seal certification sa SM North sina Department of Interior and Local Government (DILG) Undersecretary Jonathan Malaya at DTI Undersecretary Ireneo Vizmonte.

Cong. Defensor, matapos mamigay ng libreng gamot... QC, 'di inirerekomenda ang Ivermectin

vs. COVID -19

ni Mary Gutierrez Almirañez | May 10, 2021

Nilinaw ni Quezon City Mayor Joy Belmonte na hindi nila inirerekomenda ang Ivermectin bilang gamot sa COVID-19, batay sa naging pahayag niya ngayong umaga, Mayo 10.

Aniya, "It's very clear that here in the local government, we never prescribed Ivermectin to our patients in our hospitals. We don't recommend its use. We don't tell the people to take drugs that are not approved or recommended by the Food and Drug Administration."

Matatandaang kamakailan lang ay pinangunahan nina Anakalusugan Party-list Representative Mike Defensor at Sagip Party-list Representative Rodante Marcoleta ang pamimigay ng libreng Ivermectin sa ilang residente sa Barangay Matandang Balara, na labis namang ikinabahala ng mga eksperto.

Dagdag pa ni Belmonte, "My greatest fear, for me, is really that people might believe that using Ivermectin, which Secretary Duque has said in my presence during a press conference, no conclusive positive effect in addressing COVID-19, might now be misinterpreted by those who believe in these congressmen, the politicians they have elected into office, might believe the allegations this could be a replacement for vaccination. That is my fear."

Sa ngayon ay 5 ospital na ang pinahihintulutan ng Food and Drug Administration (FDA) upang ipainom ang Ivermectin sa kanilang pasyenteng may COVID-19, buhat nu’ng maaprubahan ang isinumiteng CSP.

Gayunman, patuloy pa ring ipinagbabawal ang ilegal na pag-inom at pagdi-distribute ng Ivermectin sa bansa hangga’t hindi pa napatutunayan sa clinical trials ang effectivity nito.