Mga asong na-rescue sa QC ite-train bilang community service dogs

ni Jasmin Joy Evangelista | March 1, 2022

Nakatakdang i-train ng Quezon City Veterinary Department (QCVD) ang mga asong gala sa Quezon City upang maging mga service dogs.

Base sa report ng QCVD, nakaka-rescue sila ng 57 na aso kada araw, kabilang ang mga isinu-surrender ng mga may-ari nito. Lahat ng ito ay binibigyan ng matitirahan at kabilang sa candidates for rehabilitation at adoption upang maging pet ng QCitizen families, emotional support dogs, o maging explosive detection dogs.

“Before training them, our veterinarians make sure that the rescued animals undergo comprehensive assessment, health check, and even temperament test. This is for us to determine if a dog is suitable as a pet or a community service canine,” ani Mayor Joy Belmonte.

Bawat aso ay sasailalim sa three-day observation at Safety Assessment for Evaluating Rehoming (SAFER) test na tutukoy sa comfort level with restraint and touch ng aso, reaksiyon sa mga bagong karanasan, katulad ng movement and sound stimuli, bite inhibition, behaviour sa paligid ng mga pagkain at laruan, at pakikitungo sa ibang aso.

Sasailalim din sila sa screening ng mga karaniwang sakit tulad ng Parvovirus, Distemper, Transmissible Venereal Tumor at Mange and parasitism. Tanging mga malulusog na aso lamang ang qualified sa Rehabilitation and Adoption Program.

“Since the establishment of the QC Animal Care and Adoption Center in November, the city has already partnered with the Quezon City Police District and Bureau of Fire Protection. These agencies will be the first recipients of selected sheltered dogs that they will further train as drug, bomb-sniffing, and rescue dogs,” pahayag pa ni Belmonte.

House-to-house Covid vaccination sinimulan na sa QC

ni Jasmin Joy Evangelista | February 28, 2022

Sinimulan na ng Barangay workers sa Quezon City ang house-to-house COVID-19 vaccination sa mga residente nito.

Dinadala nila ang mga hindi bakunado sa barangay hall.

Ito ang bagong estratehiya ng Department of Health (DOH) upang ma-boost ang vaccination rate sa bansa.

Nitong Sabado, pansamantalang isinara ng Quezon City ang mga regular na vaccination sites upang magsagawa ng area-based inoculation kung saan nasa 100 pop-up vaccination sites ang itinayo sa iba’t ibang lugar sa mga barangay.

Nasa kabuuang 130 teams na binubuo ng mga doktor, nurse, allied healthcare workers, at barangay workers at volunteers ang bumaba sa mga purok upang magbakuna sa mga hindi pa nakatatanggap ng kanilang first dose, second dose, o booster.

Ayon sa Quezon City government ang vaccination rate sa adult population ay halos nasa 100 percent na pero mababa pa rin ang bilang ng mga nagpapa-booster.

“Nahihirapan tayong mag-encourage sa ating mga adults na magpa-booster. Siguro a third of eligible adults na puwedeng magpabakuna pa lang ang nagpapabakuan. So, that’s only 30 percent siguro," ani Mayor Joy Belmonte.

Konstruksyon ng East Ave. pedestrian corridor, start na sa Peb. 21 – QC gov’t

ni Lolet Abania | February 20, 2022

Asahan na ng mga motorista ang matinding trapiko na mararanasan dahil sa konstruksyon ng pedestrian corridor sa bahagi ng East Avenue sa Quezon City simula sa Lunes, Pebrero 21, 2022, ayon sa lokal na pamahalaan ng Quezon City.

Sa inilabas na traffic advisory ng local government unit (LGU) ng Quezon City, asahan ang matinding trapiko sa lugar na tatagal hanggang Setyembre 24, 2022, kapag ang proyektong East Avenue Pedestrian Corridor ay nakumpleto na.

Pinapayuhan naman ng QC government, ang mga motorista na humanap muna ng mga alternatibong ruta para hindi na maabala pa sa kanilang pagbiyahe.