Cyber libel complaint vs. news site, inihain ng kampo ni Robredo

ni Lolet Abania | May 6, 2022

Naghain na si Atty. Barry Gutierrez, tagapagsalita ni Vice President Leni Robredo, ng cyber libel complaint laban sa top executives at editors ng online news site hinggil sa artikulo na naglalaman ng mga false information patungkol sa kanya at sa bise presidente.

Si Gutierrez ay nag-file ng cyber libel complaint sa Quezon City Prosecutor’s Office ngayong Biyernes laban sa writer, editors, owners, at publisher ng Journal News Online, People’s Journal, at People’s Journal Tonight, kung saan na-published noong Abril at nakasaad sa artikulo, “Communist Party of the Philippines Joma Sison claimed that he was acting as adviser to the presidential candidate and her spokesperson.”

Parehong itinanggi ng kampo nina Robredo at Sison ang naturang alegasyon.

Sa isang 18-page complaint affidavit, ang artikulo ayon kay Gutierrez ay “is without due regard for truth, propriety, and fairness.”

“The foregoing are acts that I categorically and strongly deny for these are brazen falsehoods and are nothing but outright lies and malicious prevarications,” diin ni Gutierrez.

Ayon kay Gutierrez, ang news site ay hindi nagbigay ng oras at sinikap na beripikahin ang naturang claims.

“The fact that the respondents proceeded to publish the news article and used the headline ‘Joma admits advising Leni’ even after learning that the CPP and Sison denied publishing any news item in Ang Bayan, which was allegedly the basis of the news article, is already concrete proof of the bad faith and malicious intent on the part of the respondents,” giit ni Gutierrez.

Gayundin, ang alegasyon ay layon ani Gutierrez, “denigrate Robredo’s effective election campaign.”

Sa ngayon, ang artikulo ay nakakuha ng mahigit sa 44,000 views at 100 shares.

Kabilang sa mga respondents ay sina article writer Lee Ann Ducusin, editor in chief Augusto Villanueva, associate editor Dennis Fetalino, managing editors Manuel Ces at Teresa Lardizabal, editorial consultant Reginald Velasco, news site owner PJI Web News Publishing, at publishing corporation Philippine Journalists, Inc.

Habang isinusulat ito, wala pang ibinigay na pahayag ang naturang news site.

Hindi totoong may bumisitang asymptomatic kaya nagka-Covid outbreak – QC Orphanage

ni Jasmin Joy Evangelista | September 9, 2021

Mariing pinabulaanan ng Gentle Hands Inc., ang ahensiyang nagma-manage sa orphanage sa Quezon City kung saan napabalita ang pagpopositibo sa COVID-19 ng 99 kabataan, na may bumisitang asymptomatic sa kanilang pasilidad na siyang nagdulot ng outbreak.

"It is not true that an asymptomatic visitor spread the virus because we have not received any visitors at all, due to the fact that some of the children are immunocompromised and we have prohibited non-members of the staff from going inside the facility," ani Charity Graff, executive director ng Gentle Hands Inc. sa isang pahayag.

"While it is true that several individuals have tested positive in our facility, the source of the infection is still being traced," dagdag niya.

Sinabi ni Graff na binigyang-aksiyon na ang mga pasyenteng nakararanas ng sintomas at siniguro sa publiko na walang pasyenteng nakararanas ng respiratory distress.

Dagdag pa niya, ayaw nilang kumalat ang maling impormasyon na sa isang bisita nagmula ang hawahan ng Covid dahil na-maintain umano nila ang pagsunod sa strict health protocols “beyond the minimum” upang mapangalagaan ang kanilang mga staff at mga kabataan sa loob nito.

Sila raw ay 540 days nang naka-quarantine at walang naglalabas-masok sa pasilidad bago pa bakunahan ang kanilang mga staff noong Agosto 2021.

"In the discussion with the Quezon City Government, we were directed not to disclose the situation publicly, and we have faithfully complied with this directive. However, recent inaccurate news, made without verification with us, have left us no choice but to publicly clarify matters. We are very concerned because we are a child caring agency and we have exerted all efforts to protect the privacy of our children," ayon sa ahensiya.

Si Quezon City Mayor Joy Belmonte ang nagbalita ngayong Huwebes ng umaga na kabilang sa 122 na mga nagpositibo sa COVID-19 ang 99 kabataan sa Great Hands.

Sa press release din ng QC government nagmula ang pahayag ni Dr. Rolando Cruz, City Epidemiology and Surveillance Unit (CESU) chief, na isang asymptomatic umanong bisita ng pasilidad ang pinagmulan ng Covid outbreak.

Mobile bakuna kontra-COVID-19, umarangkada na

ni Lolet Abania | April 26, 2021

Sinimulan na ng lokal na pamahalaan ng Quezon City ngayong Lunes ang pag-iikot ng tatlong mobile clinic na layong mabakunahan kontra-COVID-19 ang mga residente.

Ang mobile vaccination clinic ay inilunsad para sa mga residente ng lungsod na hindi marunong gumamit ng gadget at makapag-online booking ng pagbabakuna, mga senior citizens, at persons with disability (PWD).

Mayroong lifter ang isa sa mga bus upang mabuhat ang mga PWD na kanilang tuturukan ng vaccine. Isa sa mga nabakunahan kontra-COVID-19 ay street sweeper na nagsabing maayos ang pagbabakuna sa kanya at bumilib nang husto sa ganda ng mobile clinic.

Nagpabakuna rin ang isang stroke survivor na matagal nang gustong magpabakuna subalit hindi nito alam ang vaccination site.

Ginagawa ng lokal na pamahalaan ng QC ang lahat ng paraan upang maihatid ang COVID-19 vaccines sa mga residente at mabigyang proteksiyon laban sa nasabing sakit.

Ayon kay Mayor Joy Belmonte, kabilang din sa programa ng lungsod ang pagtatag ng vaccination sites sa mga community centers at elementary schools.

Maaari rin umanong magpunta sa mga malls at simbahan sa lungsod para maturukan kontra coronavirus.

Sinabi rin ni Belmonte na nagsasagawa sila ng house-to-house vaccination para naman sa mga bedridden na residente.