Para sa fully vaxxed travelers, ROFs... Facility-based quarantine, stop na

ni Lolet Abania | January 28, 2022

Inalis na ng gobyerno ang mandatory facility-based quarantine na requirement para sa mga international travelers at returning overseas Filipinos (ROFs) na mga fully vaccinated kontra-COVID-19.

Gayunman, ayon kay acting Presidential Spokesperson Karlo Nograles, ang mga international travelers at ROFs ay dapat na magpakita ng kanilang negative RT-PCR test na ginawa sa loob ng 48 oras bago pa ang departure nito mula sa bansang pinanggalingan at kailangang mag-self-monitor ng pitong araw mula sa petsa ng kanilang pagdating.

“[They] shall also be required to report to the local government unit of destination upon the manifestation of symptoms, if any,” sabi ni Nograles sa isang press briefing ngayong Biyernes.

Epektibo aniya, ang bagong polisiya simula Pebrero 1, 2022.

Ayon kay Nograles, nagdesisyon ang gobyerno, saan mang country of origin, na isuspinde na ang kanilang “green,” “yellow,” at “red” COVID-19 risk classifications para sa mga bansa, territories at jurisdictions.

Bilang patunay naman ng vaccination, ang mga travelers ay dapat na magpakita ng alinman na World Health Organization International Certificates of Vaccination and Prophylaxis, VaxCertPH, o National/State digital certificates mula sa foreign governments, kung saan tinatanggap din ang VaxCertPH sa pamamagitan ng reciprocal arrangement maliban kung pinahihintulutan ng Inter-Agency Task Force on Emerging Infectious Diseases (IATF).

Binanggit naman ni Nograles na ang mga unvaccinated, partially vaccinated, o mga indibidwal na ang kanilang vaccination status ay hindi maaaring mai-validate independently ay kailangang magprisinta ng negative RT-PCR test result na ginawa sa loob ng 48 oras bago sila umalis sa kanilang bansang pinagmulan.

“They will also have to undergo facility-based quarantine until the release of their negative RT-PCR test taken on the fifth day. Afterward, they will have to undergo home quarantine until the 14th day, with the date of their arrival being the first day,” paliwanag ni Nograles.

“LGUs of destination and their respective Barangay Health Emergency Response Teams are tasked to monitor those arriving passengers undergoing home quarantine,” dagdag pa niya.

Ang mga bata na nasa edad 12 at pababa, at hindi pa nababakunahan kontra-COVID-19 ay kailangang sumunod sa quarantine protocols ng magulang o ng adult/guardian na kasama nilang bumiyahe.

Samantala, sinabi ni Nograles na ang mga sumasailalim sa quarantine hanggang Pebrero 1 ay maaari nang maka-avail ng bagong testing at quarantine protocols.

Quarantine facilities sa NCR, 50% puno na

ni Ronalyn Seminiano Reonico | March 19, 2021

Umabot na sa 50% ang kapasidad ng mga quarantine facilities para sa kaso ng COVID-19 sa Metro Manila, ayon kay Public Works Secretary Mark Villar ngayong Biyernes.

Saad ni Villar, “Sa ngayon po sa NCR, medyo mataas lang ‘yung usage ng mga quarantine facilities natin at 50% pero sa ibang lugar, hindi pa masyadong mataas.

Ang national average natin is about 16%.” Samantala, nangako naman si Villar na tataasan pa ng pamahalaan ang kapasidad ng mga COVID-19 quarantine facilities.

Aniya, “By next month, the target is for us to have 720 facilities with 26,099 beds.”

Sa ngayon ay mayroon nang 602 isolation facilities ang bansa na may total bed capacity na 22,352. Pahayag pa ni Villar, “We will continue to plan for more facilities as the need arises.”