4K trike drivers sa QC, nakatanggap na ng fuel subsidy

ni Lolet Abania | March 17, 2022

Nasa tinatayang 3,982 rehistrado na mga miyembro ng tricycle operators and drivers’ association (TODA) sa Quezon City ang nakatanggap na ng fuel vouchers para makatulong sa mga ito sa gitna ng patuloy na pagtaas ng presyo ng produktong petrolyo.

Mismong si Mayor Joy Belmonte ang nagbigay ng P500 fuel vouchers sa unang batch ng TODA members nitong Martes.

“While we are waiting for the fuel subsidy promised by the national government, we recognize the urgent need to help one of the most vital transportation sectors in our city,” pahayag ni Belmonte.

Ayon sa lokal na gobyerno ng Quezon City, ang distribusyon ng fuel vouchers ay magpapatuloy pa sa mga susunod na araw.

Una nang nagpasa ang Quezon City Council ng isang ordinansa na nag-aatas hinggil sa fuel subsidy program para sa mahigit 25,000 miyembro ng QC TODAs.

Batay sa ordinansa, ang mga kuwalipikadong tricycles-for-hire ay makatatanggap ng fuel subsidy na P1,000 na ibibigay bilang isang fuel voucher, kung saan ipapamahagi ng QC Task Force for Transport and Traffic Management sa pamamagitan ng Tricycle Regulatory Division.

Gayunman, ang kanilang implementing rules and regulations (IRR) at guidelines para sa proseso ng distribusyon nito ay hindi pa nila napa-finalized. Samantala, hinikayat naman ni Belmonte ang mga residente, lalo na ang mga motorista, na kanilang i-avail ang libreng sakay sa ilalim ng Q City Bus System, kasabay ng pagtaas ng presyo ng langis.

Ang programa na inilunsad sa panahon ng pandemya, ay nagbibigay ng free rides sa lahat ng commuters, habang patuloy pa rin itong nag-o-operate sa walong ruta:

• Route 1: Quezon City Hall to Cubao;

• Route 2: Quezon City Hall to LITEX;

• Route 3: Welcome Rotonda to Aurora Blvd./Katipunan;

• Route 4: Quezon City Hall to Gen. Luis;

• Route 5: Quezon City Hall to Mindanao Ave. via Visayas Ave.;

• Route 6: Quezon City Hall to Gilmore;

• Route 7: Quezon City Hall to Ortigas Avenue Extension;

• Route 8: Quezon City Hall to Muñoz

Ang mga bus ay bumibiyahe ng kanilang ruta araw-araw mula alas-6:00 ng umaga hanggang alas-9:00 ng gabi.

“The city’s bus augmentation program adopts an efficient mode of transportation to ease traffic congestion and reduce the transportation expenses of commuters,” ani Belmonte.

37 lugar sa Kyusi, isinailalim sa 14-day special concern lockdown

ni Lolet Abania | August 11, 2021

Isinailalim ng lokal na pamahalaan ng Quezon City ang 37 lugar sa 14-day special concern lockdown dahil sa pagtaas ng kaso ng COVID-19 sa naturang komunidad.

Sa isang statement, nilinaw ng Quezon City local government unit (LGU) na may partikular na lugar lamang ang isasailalim sa isang special concern lockdown, at hindi ang buong barangay nito.

Ayon sa LGU ng QC, magpapamahagi sila ng mga food packs at essential kits para sa mga apektadong pamilya, habang sasailalim ang mga ito sa swab testing sa COVID-19.

Una nang nai-report na ang Quezon City ang may pinakamataas na bilang ng bagong kaso ng COVID-19 sa mga nakaraang araw, batay sa OCTA Research Group nitong Martes.

Sa kanyang opisyal na Twitter account, nai-post ni OCTA fellow Dr. Guido David na sa pinakabagong report ng grupo, nabatid na ang mga bagong kaso ng COVID-19 ng nasabing lungsod ay umakyat ng 25% mula sa 312 noong Hulyo 27 hanggang Agosto 2, na naging 389 mula Agosto 3 hanggang 9. Gayundin, ang siyudad ay mayroong average daily attack rate ng 12.22 at intensive care unit (ICU) utilization rate ng 78%.

Registration para sa 1-M doses ng AstraZeneca sa Kyusi, start na

ni Mary Gutierrez Almirañez | March 26, 2021

Darating na sa ikatlong quarter ng taon ang mahigit 1 milyong doses ng AstraZeneca COVID-19 vaccines na binili ng Quezon City, kasabay ang iba pang doses na inilaan ng national government para sa pamahalaang lungsod, ayon kay Mayor Joy Belmonte.

Aniya, “Definitely, for example in our city, although we reserved 1.1 million dosages, that’s not enough. That’s very little. That’s going to cover a fifth of our population so we need the help and assistance of whatever the vaccines the national government can spare for Quezon City.”

Sa ngayon, maaari nang makapagparehistro ang mga residenteng 15-anyos pataas sa website na https://qceservices.quezoncity.gov.ph kabilang ang homeowner, tenant, kasambahay, mahihirap at mayayaman, partikular na ang mga senior citizens upang mabakunahan ng libre kontra COVID-19.

Pinaaalalahanan din ang mga residente na sundin ang mga sumusunod na hakbang sa pre-registration:

• Piktyuran ang valid I.D. na naka-address sa Quezon City

• Sa mga senior citizens, piktyuran ang SC Card na inisyu ng lungsod

• Pumirma sa kulay puting papel. Kailangang magkapareho ang pirma sa I.D. at papel

• I-search ang https://qceservices.quezoncity.gov.ph para sagutan ang mga hinihinging impormasyon

• I-upload ang picture ng I.D.

• I-upload ang sariling larawan o mag-selfie gamit ang QC-ID App. Hindi dapat kulay puti ang background sa picture • I-upload ang picture ng pinirmahang papel

• Hintayin ang approval Batay sa huling tala ay umabot na sa 14,819 ang mga nabakunahang healthcare workers sa Quezon City at inaasahang madaragdagan pa ito sa pagpapatuloy ng rollout at pagdating ng iba pang bakuna.

QC E-Services qceservices.quezoncity.gov.ph