Puerto Galera, safe sa oil spill

ni Madel Moratillo | April 17, 2023

Ligtas pa rin sa oil spill ang karagatan ng Puerto Galera sa Oriental Mindoro.

Sa isang pahayag, sinabi ni Puerto Galera Mayor Rocky Ilagan, batay sa report ng Office of the Civil Defense, ang oil slick ay nakarating na sa 84 barangays sa 10 munisipalidad sa lalawigan at hindi kasama rito ang Puerto Galera.

Ayon naman kay Health OIC Maria Rosario Vergeire, wala pang rekomendasyon ang kagawaran para sa pagpapatigil ng water activities sa Puerto Galera.

Pero kasama aniya ang nasabing lugar sa ginagawan ng random test sampling para makita kung ligtas ang kanilang karagatan sa oil spill.

Sa ngayon, hindi pa aniya conclusive ang report pero tiniyak ng DOH na kung mapatutunayang kontaminado na ang tubig dito ay ipagbabawal na nila ang paggamit ng tubig at paliligo rito.

Dahil dito, ang lokal na pamahalaan ng Puerto Galera ay nagsabi na status quo muna at hihintayin nila ang opisyal na posisyon ng DOH, Department of Environment and Natural Resources (DENR), at interagency task force para maberipika ang impormasyon.

Ayon kay Ilagan, kailangang maging maingat para na rin sa kapakanan ng mga residente.

Puerto Galera bukas na sa mga fully vaccinated tourists

ni Jasmin Joy Evangelista | November 2, 2021

Papayagan nang makapasok sa Puerto Galera ang mga turistang fully vaccinated kahit wala nang ipakitang negative swab test.

Ang mga hindi pa fully vaccinated ay puwede naman sa antigen tests na libre.

“Kapag fully vaccinated na po ang aming mga turista hindi na po kailangan ng RT-PCR,” ayon kay Carmela Datinguinoo, municipal administrator ng Puerto Galera sa ginanap na Laging Handa public briefing.

Sa Batangas City Grand Terminal isasagawa ang libreng antigen tests sa mga hindi pa bakunadong turista.

Kasama rin sa mga makikinabang sa free antigen tests ang mga residente ng Puerto Galera.

Ayon pa kay Datinguinoo, 100% ng economic frontliners sa kanilang lugar, kabilang ang mga tourism worker ay fully vaccinated na.

Bakunadong turista, puwede na sa Puerto Galera kahit walang swab test

ni Ronalyn Seminiano Reonico | July 12, 2021

Maaari nang makapasok sa Puerto Galera, Oriental Mindoro ang mga turista kahit walang swab test basta fully vaccinated na laban sa COVID-19, ayon kay Mayor Rocky Ilagan ngayong Lunes.

Aniya sa isang teleradyo interview, "‘Yung aming strict border control ay mahigit 1 taon at kalahati nang ipinapatupad. Until now meron pong RT-PCR ‘pag ‘di pa vaccinated. ‘Yung fully vaccinated, pinapapasok na namin.

"Still maintained ang strict border protocol namin. Dadaan po sila sa minimum health standards na aming requirement."

Samantala, ayon kay Ilagan, bibigyan ng QR code ang mga turista para sa contact tracing purposes.