Presyo ng 21 agricultural products, lumobo nu'ng Pebrero — PSA

ni Angela Fernando - Trainee @News | February 23, 2024

Nagpahayag ang Philippine Statistics Authority (PSA) na tumaas ang presyo ng 21 na produktong pang-agrikultura sa Pebrero.

Pinakatumaas ang presyo ng kamatis nitong buwan, mula P50 kada kilo nu'ng Enero hanggang P90 ngayong buwan.

Ilan sa iba pang produktong pang-agrikultura na tumaas ang presyo ay ang calamansi (mula P60 hanggang P90), talong (mula P40 hanggang P60), at ampalaya (mula P50 hanggang P60 hanggang P80).

Sinabi ng Samahang Industriya ng Agrikultura (SINAG) na tumaas ang presyo ng ilang produktong pang-agrikultura dahil sa kakulangan ng suplay na dulot ng mababang bilang ng tanim ng mga magsasaka resulta ng bumulusok na presyo sa mga nakaraang buwan.

Tambay, 1.83M na lang

ni Angela Fernando - Trainee @News | January 9, 2023

Bumaba ang bilang ng mga Pinoy na walang trabaho nu'ng buwan ng Nobyembre 2023, ayon sa lumabas na resulta ng sarbey sa Labor Force ng Philippine Statistics Authority (PSA).

Nagpahayag ang PSA chief at Natiouatistician na si Claire Dennis Mapa na bumaba ang bilang ng mga walang trabaho sa 'Pinas na may edad 15 pataas sa 1.83-milyon galing sa 2.09-milyon nu'ng Oktubre 2023.

Ang unemployment rate ay nanatili sa 3.6% bilang ang kabuuang 54.47-milyong Pinoy ay aktibong naghahanap ng trabaho.

Bilang ng walang trabaho, nabawasan

ni Eli San Miguel - Trainee @News | December 7, 2023

Bumaba ang bilang ng mga Pilipinong walang trabaho o kabuhayan noong Oktubre, ayon sa resulta ng pinakabagong Labor Force Survey ng Philippine Statistics Authority (PSA).

Sa isang press conference ngayong Huwebes, iniulat ni National Statistician at PSA chief Claire Dennis Mapa na bumaba ang bilang ng mga hindi nagtatrabaho na may edad 15 pataas sa 2.09 milyon mula sa 2.26 milyon noong Setyembre.

Sa taunang paghahambing, mas mababa ang bilang ng mga walang trabaho noong Oktubre 2023 kaysa sa 2.24 milyon na nakita noong Oktubre 2022.

Bilang porsyento ng kabuuang 49.89 milyong tao sa labor force na aktibong naghahanap ng trabaho, umabot ang unemployment rate sa 4.2%.

Ibig-sabihin, walang trabaho o kabuhayan ang 42 sa bawat 1,000 na tao sa labor force noong Oktubre 2023, ayon kay Mapa.

Mas mababa ang unemployment rate noong Oktubre ng taong kasalukuyan kaysa sa 4.5% na joblessness rate noong Setyembre at mas mababa rin kaysa sa 4.5% na rate noong Oktubre ng nakaraang taon.