Student pilot, nadale rin.. Cessna plane bumagsak, flight instructor, patay — CAAP

ni Lolet Abania | December 15, 2021

Patay ang flight instructor habang sugatan isang student pilot matapos na ang Cessna 152 aircraft ay bumagsak nang pababa na ito sa Pangasinan ngayong Miyerkules, ayon sa Civil Aviation Authority of the Philippines (CAAP).

Sa isang statement ng CAAP, ang nasabing aircraft ay nagmula sa Fly Fast Aviation Academy.

Nagtamo ng matitinding sugat na nagresulta sa pagkasawi ng pilot-in-command habang ang estudyanteng piloto ay naisugod naman sa malapit na ospital sa Alaminos at agad na isinailalim sa medical treatment.

Ayon sa CAAP, ang aircraft ay lumipad mula sa Lingayen Airport bandang alas-8:22 ng umaga para sa isang orientation flight.

Agad namang idineploy ng CAAP Aircraft Accident Investigation and Inquiry Board (AAIIB) ang Go Team sa crash scene upanag madetermina ang dahilan ng pagbagsak ng aircraft.

“More information is expected to follow upon the examination of the crash scene. The names of the persons on board the aircraft have been withheld pending notification to their next of kin,” ayon pa sa CAAP.

8 skydivers, 1 piloto, patay sa sumabog na eroplano sa Sweden

ni Ronalyn Seminiano Reonico | July 9, 2021

Patay ang siyam na sakay ng eroplano matapos itong mag-crash sa runway ng Orebro airport sa Sweden noong Huwebes, ayon sa awtoridad.

Saad ng Swedish police, “It’s a very severe accident. Everyone on board the crashed plane has died.”

Ayon sa pulisya, walong skydivers at isang piloto ang sakay ng DHC-2 Turbo Beaver nang maganap ang insidente.

Saad pa ni Emil Gustavsson, rescue leader ng Joint Rescue Co-Ordination Centre, "It is a sky diver plane that has crashed after takeoff."

Saad naman ni Prime Minister Stefan Lofven, “It is with great sadness and sorrow that I have received the tragic information about the plane crash in Orebro.

“I am thinking of the victims, their families and loved ones in this very difficult time. I want to express my deepest sympathy for their grief.”

Samantala, inaalam pa ng awtoridad ang dahilan ng insidente.

Sunog na sunog ang mga labi 19 sa 49 sundalo sa bumagsak na eroplano, nakilala na — AFP

ni Lolet Abania | July 7, 2021

Inilabas na ng Armed Forces of the Philippines ngayong Miyerkules ang mga pangalan ng 19 na sundalo na kabilang sa mga nasawi sa pagbagsak ng C-130 aircraft sa Sulu. Sa 49 servicemen na namatay sa insidente, kinilala ng AFP ang 19 sa mga namatay kung saan ilan sa kanila ay sunog na sunog ang katawan at halos hindi na makilala.

Sila ay sina Major Emmanuel Makalintal, Major Michael Vincent Benolerao, First Lieutenant Joseph Hintay, Technical Sergeant Mark Anthony Agana, Technical Sergeant Donald Badoy, Staff Sergeant Jan Neil Macapaz, Staff Sergeant Michael Bulalaque, Sergeant Jack Navarro.

Mula sa AFP Medical Corps ay si Captain Higello Emeterio at mula sa AFP Nurse Corps ay si First Lieutenant Sheena Alexandria Tato. Mula sa Philippine Army ay sina Sergeant Butch Maestro, Private First Class Christopher Rollon, Private First Class Felixzalday Provido, Private Raymar Carmona, Private Vic Monera, Private Mark Nash Lumanta, Private Jomar Gabas, Private Marcelino Alquisar at Private Mel Mark Angana.

Sa ulat ng AFP, tinatayang nasa 11 na mga labi ay dinala na sa kanilang bayan, kabilang dito ang kina Emeterio, Maestro, Agana, Rollon, Provido, Gabas, Alquisar, Lumanta, Angana, Carmona, at Monera. Ang labi naman ni Sheena Alexandria Tato ay dadalhin pa lamang via C295 aircraft habang pito sa mga nakilalang bangkay ay inihahanda nang i-transport sa kanilang bayan.

Ayon kay AFP Chief General Cirilito Sobejana, nakatuon sila sa pagkilala sa 30 pang mga bangkay na nananatili sa Zamboanga City habang patuloy ang imbestigasyon sa pagbagsak ng eroplano.

Itinama na rin ni Sobejana ang naunang report na 50 ang kabuuang namatay sa hanay ng AFP personnel na aniya, nagkaroon ng dobleng bilang sa mga ito.

Sa ngayon, ang kabuuang nasawi sa mga servicemen sa pagbagsak ng military plane ay 49. “This is a very hard task since the cadavers were beyond recognition but we have experts supporting our efforts. We are doing our best to expedite the identification and the ongoing investigation without compromising its credibility,” ani Sobejana.

Hiniling din ng opisyal sa publiko ang kanilang pang-unawa habang patuloy ang investigating teams sa paghahanap ng mga ebidensiya para malaman ang tunay na naging dahilan ng trahedya.

“Our people can be assured of the AFP’s transparency however the investigation process takes time. All factors are being considered in our deliberate efforts to ensure the accuracy of the findings,” sabi pa ni Sobejana.