- BULGAR
- Nov 23, 2024
ni Jemuel C. Salterio @Talbog | Nov. 23, 2024
Mga Ka-BULGARians, kalurks talaga si Enchong Dee! Aba, mukhang kinakarir talaga ang kanyang career goals at reding-ready na sundan ang yapak ni ultimate idol, ang hunky papa na si Piolo Pascual!
Hindi lang ito basta chika—seryoso ang ating beshie na ma-achieve ang legendary status ng isang Piolo Pascual. Isang multi-awarded actor, sought-after endorser, at certified na matagumpay sa mundo ng negosyo.
Si Papa P na halos nasa mid-40s na ay nagtagumpay hindi lang bilang aktor kundi pati na rin bilang producer, talent manager at investor. At kahit tahimik lang siya sa mga ventures niya, alam nating lahat na bigatin ang na-achieve niya.
Kaya naman si Enchong na isa ring entrepreneur at sports endorser ay all-out sa pagsunod sa kakaibang path ni Papa P.
Sino ba naman ang hindi maloloka sa closeness nila ni Piolo? Last Metro Manila Film Festival (MMFF) pa lang, kitang-kita na ang chemistry nila habang ginagawa ang pelikulang GomBurZa. Mga ateng, hindi lang sila nagkaka-vibes sa big screen, kung saan-saan din sila spotted magkasama, mula sa international film festivals hanggang sa mga bonggang events dito sa ‘Pinas. Ano kaya ang next collab nila? ‘Yan ang dapat abangan!
Kung akala n’yo, hanggang local scene lang si Enchong, aba’y nagkakamali kayo! May pa-bonggang update si Enchong sa kanyang career.
“I don't want to say anything just yet, but come January next year, I'll be working on a very exciting international project,” aniya pa sa interbyu.
At kapag tinanong kung ready siyang gumawa ng out-of-the-box roles, pak na pak ang sagot ni Enchong.
Aniya, “Always. That’s also my prayer right now—I want to keep doing offbeat roles and movies that can appeal to audiences abroad, not just in the Philippines.”
Grabe, mga Ka-BULGARians, pang-Hollywood na ang peg! Sa totoo lang, bet niyang i-represent ang Pilipinas internationally. Kung sakaling mapunta siya sa Hollywood, aba’y walang makakapigil sa kanya!
Siyempre, hindi puwedeng walang spicy chika. May mga intrigang nagtatanong, may laban kaya si Enchong kay Piolo?
Kaya bang mapantayan ni Enchong ang level ng respeto at achievements na natamasa na ng OG heartthrob?
Well, kung tatanungin si Enchong, hindi ito kompetisyon. Inspirasyon niya si Piolo, pero gusto rin niyang gumawa ng sarili niyang marka.
Abangan na lang natin. ‘Yun na! Ambooolancia! #Talbog
Marami raw naituro sa young actor…
PIOLO, NAMI-MISS NA SI KYLE
Si Piolo Pascual, ang OG na leading man ng showbiz, ay muling pinatunayan ang kanyang husay at pagmamahal sa trabaho. Pero heto’t nag-open up siya tungkol sa feels niya matapos ang pagtatapos ng hit series na Pamilya Sagrado (PS).
“Sobrang saya ko kasi naging mentor ako kay Kyle (Echarri), at silang lahat, parang pamilya na. Hindi na kami magkikita nang madalas kasi tapos na ang serye, pero talagang napalapit ako sa kanila,” ani Papa P sa isang interbyu.
Kilala si Piolo bilang isa sa mga pinaka-hardworking na artista sa industriya, pero ang kanyang closeness kay Kyle Echarri ang nagmarka sa mga fans. Sobrang clingy daw sila sa set, at hindi lingid sa lahat kung gaano ka-proud si Piolo bilang mentor ni Kyle. Si Kyle naman, super idol ang work ethics ni Piolo, kaya’t madalas siyang nagiging role model nito.
At 47 years old, si Piolo ay certified walang-walang pahinga. Kahit ang schedule niya ay fully-booked hanggang 2025, mukhang walang plano si Papa P na mag-slow down.
“Wala akong plano magpahinga. Hindi ko na rin kailangang magpahinga. I just want to keep working,” chika niya.
Kaya nga tinatawag na siya ngayon ng mga kaibigan at fans bilang ‘Curacho: Lalaking Walang Pahinga,’ isang playful na reference sa classic film character na si “Curacha: Ang Babaeng Walang Pahinga.”
Bukod sa pagiging aktor, siya rin ay hands-on na producer, at hustler sa business.
“Lahat kasi, pinapatulan ko pati ribbon-cutting, eh. Wala naman akong gagawin, eh, why not?” aniya, sabay tawa.
Pero seryoso si Piolo pagdating sa investments. Real estate ang kanyang forte.
Sey niya, “Dito kasi, safe ang pera, at nag-a-appreciate talaga ang value.”
Ang bongga pa, may properties na rin siya sa Las Vegas!
Simple lang pero sosyal si Papa P. Kahit bongga sa success, hindi mo mararamdaman kay Piolo na mahilig siyang mag-flex ng luxury sa social media.
Instead, ang madalas niyang i-share ay ang kanyang fitness routines at work updates. Fans can’t help but admire his simple yet sosyal na lifestyle.
Pero siyempre, ang tanong ng bayan: “Kailan ba siya magkakadyowa?”
Sa ngayon, mukhang dedma si Piolo sa love life at mas focused sa pamilya, trabaho, at investments.
Habang bongga ang pagtatapos ng PS, aminado si Piolo na nami-miss na niya agad ang cast, lalo na si Kyle. Pero bago pa man ma-senti ang lahat, may intriga na pumapasok. Balitang si Piolo raw ang magiging producer ng bagong proyekto kung saan posible ulit silang magkasama ng ilan sa cast ng PS.
Though walang confirmation, ang sigurado lang, si Papa P ay hindi titigil hangga’t hindi niya naipapasa ang mga kuda niya sa susunod na henerasyon ng showbiz stars.
Si Piolo Pascual ay hindi lang isang aktor, siya ay isang inspirasyon. Kung dedication, professionalism, at passion sa trabaho ang pag-uusapan, walang duda, siya ang tunay na Curacho ng Showbiz!
‘Yun na! Ambooolancia!!! #Talbog
