Todo-deny noon na bading, naghamon pa ng suntukan… PIOLO, TAMEME SA PASABOG NI BB

ni Janiz Navida @Showbiz Special | September 4, 2020

Ang daming abangers ngayon sa reaksiyon ni Piolo Pascual matapos ang naging rebelasyon ni BB Gandanghari sa kanyang latest vlog sa YouTube channel niya na nu'ng taong 2001 ay may nangyaring halikan at yakapan kay Rustom Padilla at sa sikat na aktor na nabanggit niyang "Piolo" ang pangalan.

Bagama't walang na-mention na apelyido si BB, dahil wala namang ibang sikat na Piolo sa showbiz maliban sa daddy ni Iñigo Pascual, sino pa ba naman ang iisipin ng lahat na tinutukoy ng dating si Rustom Padilla sa kanyang vlog?

Tsinek namin ang social media account ng paborito naming si Papa P. pero until now, wala itong inilalabas na statement kaugnay ng mga pasabog ni BB.

Either dedma na lang siguro si Piolo at hahayaang mamatay na lang nang kusa ang issue o baka nag-iisip pa ang kampo nito ng tamang approach na gagawin para harapin ang mga ibinulgar ni BB.

Samantala, dahil nga trending sa socmed ang Rustom-Piolo issue, lumutang ngayon sa YouTube ang lumang interbyu ni Tito Boy Abunda kay Papa P. kung saan tinanong nito kung hindi ba naaapektuhan ang aktor kapag inaakusahang lover ng bading.

"No," ang diretsong sagot ni Piolo kay Tito Boy.

Tanong uli ni Tito Boy, “You are not even bothered when people say you are gay?”

Ang sagot ni Piolo, “Because you know, it’s not true. I mean you know, you know yourself better than they are, than they do.

"For me kasi, what they do matter if they really know me. So what you see in me is the real me, I’m not hiding anything."

Pero nu'ng tinanong si Piolo ni Tito Boy kung posible ba siyang ma-in love sa isang bading, ang sagot ng aktor ay, “Naku, naku, nag-isip ako du'n. 'Wag namang ganu'ng tanong, hindi ko yata kaya ‘yun."

Dagdag pa nito, "I don’t wanna be discriminatory, I don’t wanna discriminate people. As what I’ve said, I’m open but to a certain extent.

"'Di ko yata… Ayaw ko. ‘Di ako ready,” ang sagot pa ni Papa P sa interview.

At hindi lang ang naturang interview ang muling lumutang at nag-trending sa YouTube, may ilang netizens din ang nagpaalala sa naging hamon noon ni Piolo sa isang tumawag sa kanilang bading ng anak na si Iñigo.

"Suntukan tayo!" ang matatandaang hamon noon ni Piolo sa basher nila ng anak.

Well, basta kami, isa lang ang paniniwala namin — hindi na usapin dito kung ano ang gender ni Piolo Pascual, ang mahalaga ay alam at isinasabuhay niya ang salitang respeto at pagiging mabuting tao na nakalimutan na yata ni BB Gandanghari dahil sa paghahangad na kumita sa kanyang YouTube vlogs.

KC, UMAMING NAGSISISI NA NAG-BREAK SILA NI PIOLO

ni Nitz Miralles - @Bida | September 4, 2020

Nakahanap ng rason ang mga hanggang ngayon ay umaasa pa ring magkakaroon ng part two ang relasyon nina Piolo Pascual at KC Concepcion dahil sa balitang buntis daw ang aktres at ang aktor ang ama. May isa pang balita na ikakasal na raw ang dalawa, kaya lalong natuwa ang kanilang mga fans.

Kaya kahit itinanggi ni Sharon Cuneta ang balitang preggy at ikakasal si KC kay Piolo, ayaw maniwala ng mga fans at ipinagpipilitang nagkabalikan ang dalawa. In fact, “Mrs. Pascual” ang tawag nila kay KC at ‘yung nabanggit ni Piolo na pupunta siya ng South, inisip agad ng mga fans na susundan nito si KC na nasa The Farm pa rin sa San Benito, Lipa sa Batangas.

Galit tuloy kay BB Gandanghari ang mga fans dahil sa mga sinabi sa vlog nito tungkol sa nakaraan nila ni Piolo at inakusahang umeeksena ang dating si Rustom Padilla.

Samantala, sa interview kay KC ni G3 San Diego, nagkuwento ito sa naging relasyon nila ni Piolo. “It was very real for me. That was my first announced relationship. It was announced publicly so that’s why it also had to be announced publicly (their breakup).”

Naalala rin ni KC nang unang makita si Piolo nang bumisita sa shooting ng movie nila ni Richard Gutierrez na ang kaibigan nitong si Joyce Bernal ang director.

“Para siyang may halo. I remember that, para siyang may halo, para siyang may light.”

Sa tanong kay KC kung nagsisi siya nang i-announce ang breakup nila sa The Buzz, sagot niya, “I regret that we had to end. I think that in any relationship, you really had faith in it, right? And you go into it not thinking that you want to end it, you go thinking that you want it. So I think more than the interview, I mean on a personal level, you just regret that you have to end."

Ikakasal daw kay Piolo… SHARON, WALANG KAALAM-ALAM SA BALITANG BUNTIS SI KC

ni Vinia Vivar - @Frankly Speaking | September 3, 2020

Sa kanyang Instagram page ay nilinaw ni Sharon Cuneta ang mga fake news na naglalabasan tungkol kay Piolo Pascual at sa panganay niyang anak na si KC Concepcion.

Hindi na idinetalye ni Sharon kung anu-ano ang fake news na ‘yun at aniya, hindi rin niya alam kung ano ang nangyayari.

“So much fake news coming out... Lots of stuff has been coming out on several socmed platforms about this boy, my eldest, me. All lies. I DO NOT KNOW WHAT IS OR HAS BEEN GOING ON. NO ONE TELLS ME, & I DON’T ASK.

“But I’ll tell you one thing that is TRUE. God knows I love PJ. We have become friends over the years, talked about life & work. His son Iñigo has been nothing but respectful & sweet to me. I do not & will not have a problem with Piolo at all in any area of my life or in our family. I love you, PJ. Thank you for your love, respect, & friendship. God bless you always!” ang pahayag ni Sharon.

Sa comments section ay sinabi ng isang netizen ang fake news na buntis daw si KC at pakakasal na kay Piolo.

“Me fake news daw na she's preggy and getting married to pj and the comment section is off on YouTube, takot ma-bash,” komento ng netizen.

Isang “hahaha” lang ang reaksiyon ni Sharon dito.

May isang netizen naman ang nagtanong, “How true po na ikakasal daw sila?! Madami news sa social media!”

Sagot ni Sharon, “Wala din akong kaalam-alam. As God is my witness.”

Sa pagkakaalam namin, nagsimulang uminit na naman ang Piolo-KC romance nang mapag-usapan ang aktor sa interview ng dalaga kay G3 San Diego last Monday.

Ayon kasi kay KC, may regrets siya na hindi nagtagal ang relasyon nila ni Piolo.

“I regret that we had to end. I think that in any relationship, you really have faith in it and you go into it not thinking that you want to end it. You go into it thinking that you want it,” ang pahayag ni KC sa panayam niya with G3.