Vinzons, Camarines Norte, niyanig ng magnitude 5.1

ni Ronalyn Seminiano Reonico | February 5, 2021

Niyanig ng magnitude 5.1 na lindol ang Vinzons, Camarines Norte ngayong Biyernes, alas-6:00 ng umaga, ayon sa Philippine Institute of Volcanology and Seismology (Phivolcs).

Sa inisyal na ulat, tumama ang lindol sa 24 kilometers (kms) northeast ng Tinaga Island sa Vinzons, Camarines Norte at may lalim na 1 km.

Naramdaman din ang Intensity IV sa Capalonga at Jose Panganiban, Camarines Norte at ang Intensity III sa Guinayangan, Quezon.

Naitala naman ang Intensity II sa Goa at Naga City, Camarines Sur at Calauag, Quezon at ang Intensity I sa Cainta, Rizal; Marikina City at Pasig City, Metro Manila; at San Rafael, Bulacan. Nagbabala rin ang Phivolcs sa posibleng aftershocks.

Chile, niyanig ng magnitude 6.4 na lindol

ni Thea Janica Teh | December 28, 2020

Walang inaasahang tsunami sa Pilipinas, ayon sa Philippine Institute of Volcanology and Seismology (PHIVOLCS) matapos tamaan ng magnitude 6.8 na lindol ang Chile ngayong Lunes.

Sa inilabas na Tsunami Information No. 1 ng PHIVOLCS kaninang 5:50 am, sinabi nito na "A strong earthquake with a preliminary magnitude of 6.8 occurred in Off the coast of Central Chile on 28 December 2020 at 05:39 AM (Philippine Standard Time) located at 39.3 oS, 75.0 oW with depth of 10 km."

Batay sa nakalap na datos, walang inaasahang tsunami threat o hindi umano maaapektuhan ang Pilipinas sa nangyaring pagyanig sa Chile.

Naitala ng European Mediterranean Seismological Center (EMSC) na sa Los Lagos, Chile ang sentro ng lindol na may lalim na 10 kilometro.

Sa ngayon ay iniimbestigahan pa ng awtoridad kung ano ang mga nasira at kung may nasugatan sa nangyaring paglindol sa Chile.

Quezon Province, niyanig ng Magnitude 4.9 na lindol

ni Thea Janica Teh | December 22, 2020

Isang Magnitude 4.9 na lindol ang tumama sa Quezon Province nitong Martes nang umaga, ayon sa Philippine Institute of Volcanology and Seismology (Phivolcs).

Nangyari ang pagyanig kaninang 2:14am sa 20 km northwest sa bayan ng General Nakar at may lalim na 15 km. Naramdaman din ang pagyanig sa ilang kalapit na lugar tulad ng Metro Manila at Rizal.

Pinaalalahanan ng Phivolcs ang publiko na magkakaroon ng aftershock ngunit hindi makasisira ng ilang istruktura.