National ID ng mga Pinoy, inihirit ni P-Duterte

ni Lolet Abania | March 18, 2021

Hinimok ni Pangulong Rodrigo Duterte ang mga Pilipino na magparehistro para sa national ID, kasabay ng pagsisikap ng gobyerno na maisulong ang kanilang mga programa gaya ng public service delivery, bawasan ang korupsiyon at matigil ang red tape.

Matatandaang naisabatas ang Philippine Identification System (PhilSys) Act matapos pirmahan ni Pangulong Duterte noong 2018, kung saan may mandato ang pamahalaan na magsagawa ng isang single official identification card para sa lahat ng Filipino citizens at mga dayuhang residente sa bansa upang magsilbing de facto national identification number ng mga ito.

"As we pursue this long overdue project, I ask every Filipino to give PhilSys a chance so that we may maximize the advantages of a universal and secure database that will make transactions more efficient and our lives more convenient," ani Pangulong Duterte sa isang taped message.

Gayunman, ipinaalala ni P-Duterte sa publiko na patuloy na sumunod sa health protocols upang maiwasan ang pagkalat ng COVID-19 sakaling magpaparehistro para sa ID system.

“PhilSys will uphold the privacy of all personal information," dagdag pa ng pangulo.

Nito lamang Marso 3, natanggap na ni Pangulong Duterte ang kanyang PhilSys ID.

Samantala, ang Philippine Statistics Authority (PSA) ang inatasan na pangunahan ang ID system sa bansa, katuwang ang isang policy board na mula sa National Economic and Development Authority at iba pang government agencies.

Door-to-door pre-registration ng National ID, sisimulan sa Oktubre

ni Thea Janica Teh | August 31, 2020

Plano nang simulan ng Philippine Statistics Authority (PSA) ang pre-registration process ng National ID system sa Oktubre bilang paghahanda sa mass registration, ayon kay acting Socioeconomic Planning Secretary Karl Chua.

Noong Hulyo, sinimulan na ng PSA ang door-to-door pre-registration process para sa

Philippine Identification System (PhilSys)na may layuning mas mapabilis ang proseso sa

registration center.

Sa system na ito, kukuhanin ang pangalan, edad at demographic information. Ang biometric information naman tulad ng fingerprint, iris scan at front-facing photographs ay kukuhanin sa appointment date at registration system.

Bukod pa rito, layunin din nitong maisagawa ang social distancing at maiwasan ang dagsa ng tao pagdating sa registration center.

Ang PhilSys ay isang foundational ID system na maaaring magamit bilang proof sa identity para sa lahat. Masusuportahan nito ang inisyatibo ng pamahalaan na protektahan ang pagkakakilanlan ng bawat residente at mas mapabilis ang pagpapalit sa digital economy.

Ito rin ay makatutulong sa mga pamilya na makapagbukas ng bank account at mas

mapabilis ang distribusyon ng ayuda sa hinaharap.