Undas 2023, mapayapa — PNP

ni Angela Fernando - Trainee @News | November 2, 2023

Ligtas at naging mapayapa ang Undas ngayong taon kahit na may mangilan-ngilan ang nakuhanan ng ipinagbabawal na bagay sa mga sementeryo.

Ayon sa tagapagsalita ng Philippine National Police na si Colonel Jean Fajardo, pangkaraniwan lang naman ang mga bagay na kanilang nakumpiska habang sila ay nagpapatrulya at nakabantay sa mga sementeryo.

Kaya, sa kabuuan ay masasabing naging maayos naman ang paggunita natin sa araw ng Undas ngayong taon.

Pumalo nga sa 3-milyong tao ang dumagsa sa mga sementeryo nitong Nobyembre 1 at patuloy pa ring nakaantabay ang mahigit 37,000 pulisya na ikinalat sa bansa upang obserbahan ang katahimikan at kaayusan sa bawat sementeryo.

PNP at AFP, full alert na bilang paghahanda sa May 9 elections

ni Lolet Abania | May 4, 2022

Nasa full alert na ang Philippine National Police (PNP) at Armed Forces of the Philippines (AFP) bilang bahagi ng kanilang paghahanda sa seguridad ng bansa para sa May 9 national at local elections.

“Effective today, as of 6 a.m., nagdeklara na po tayo ng full alert. Ibig sabihin po, lahat ng kapulisan ay magre-render ng kanilang duty in relation sa ating paghahanda sa eleksyon,” saad ni PNP spokesperson Police Colonel Jean Fajardo sa isang radio interview ngayong Miyerkules.

Ayon naman kay AFP chief of staff General Andres Centino, ang militar ay isasailalim sa red alert simula sa Biyernes.

“We are ready, we have done the planning, we have done the organization, and we have set up our monitoring command centers. We are declaring red alert by Friday so that we ensure that all AFP personnel across the country are accounted for by their commanders and ready for the election on Monday,” ani Centino sa ginanap na joint press conference sa PNP, Philippine Coast Guard, Department of Education, at Commission on Elections.

“And this is an assurance from your AFP, while at this time we are still uncertain of who will win, who will be the next leaders of our country, what we can be certain is that you have a strong armed forces ready to perform its duty,” dagdag ni Centino.

Samantala, sinabi nina PNP chief Police General Dionardo Carlos at Centino na wala pa silang natatanggap na anumang verified threats kaugnay sa eleksyon.

“Walang verified, all information lang. May word na baka so hindi pa rin sila sure. So whenever there is information, we go out and verify the information on the ground and come up with an intelligence report,” pahayag ni Carlos sa joint press conference.

Ani Centino, “these are unverified but we cannot be complacent, we are preparing for contingencies and we are ready for that.”

230 pulis ipapadala sa Samar upang masiguro ang mapayapang halalan

ni Jasmin Joy Evangelista | February 26, 2022

Ide-deploy sa Samar ang 230 pulis upang masiguro ang mapayapa at maayos na eleksiyon sa Mayo.

Ayon kay Brigadier Gen. Bernard Banac, director for the Eastern Visayas region, ipapadala ang mga pulis simula Marso 1. Mananatili sila roon hanggang matapos ang election period.

“We will deploy an additional number of policemen in Samar just to ensure that the conduct of the national and local elections will be safe, orderly, and peaceful,” ani Banac.

“So as much as possible, we don’t want any untoward incident to take place between now and until the election period is over,” dagdag niya.

Ayon sa regional police director, ang karagdagang police force na manggagaling sa regional headquarters ay tutulong upang maiwasan ang mga untoward incidents.

Sinabi rin ni Banac na susuportahan nila ang anumang inisyatibo para sa kapayapaan sa Samar at iba pang parte ng rehiyon.