PSA: 10M Pinoy, nakatanggap na ng PhilID cards

ni Lolet Abania | May 19, 2022

Umabot sa mahigit 10 milyon na Philippine Identification (PhilID) cards ang nai-deliver na sa buong bansa, ayon sa Philippine Statistics Authority (PSA).

Sinabi ni PSA Undersecretary Dennis Mapa, National Statistician and Civil Registrar General, nasa 10,548,906 cards o 33.7 percent ng target ngayong taon ay nai-distribute na hanggang Abril 30. “PSA recognizes this milestone as an outcome of our collective efforts with partner agencies and the field offices involved in producing and delivering PhilID cards to our registrants nationwide,” pahayag ni Mapa sa isang statement.

“We are determined to continue to put forth initiatives that will accelerate PhilSys operations across all sectors,” he added. Ayon sa PSA, ang ikatlong step ng PhilSys registration ay ang delivery ng PhilID cards sa mga registrants sa pakikipagtulungan ng Philippine Postal Corporation (Post Office).

Sinabi naman ng ahensiya na katuwang din ang mga field offices para mag-assist sa pagde-deliver ng PhilIDs sa mga registrants na matatagpuan sa mga remote areas sa buong bansa. Kaugnay nito, ang authenticity ng isang PhilID card at ang impormasyon na nilalaman ng QR code ay maaari na ngayong beripikahin sa pamamagitan ng bagong inilunsad na PhilSys Check.

“It is also working on the PhilSys mobile application, which is the digital version of the PhilID that can be used in public and private transactions ahead of the physical ID card,” pahayag pa ng PSA.

“We anticipate for more Filipinos to receive their PhilIDs. Simultaneously, PSA will continue to bring forward PhilSys services to make government and private services easily and conveniently accessible to the public,” sabi pa ni Assistant Secretary Rosalinda Bautista, Deputy National Statistician ng PhilSys Registry Office.

Babala ng PSA… P500K multa sa hindi tatanggap ng Phil. ID

ni Jasmin Joy Evangelista | November 28, 2021

Muling pinaalalahanan ng Philippine Statistics Authority (PSA) ang mga government agencies at private entities na maaari silang mapatawan ng hanggang P500,000 sa sandaling hindi i-honor ang Philippine Identification (PhilID) card.

Batay sa Republic Act No. 11055 o ang Philippine Identification System (PhilSys), “PhilID or the national ID is a valid proof of identity and must be accepted in all transactions.”

Sa isang social media post noong November 10, ipinahayag ng PSA na sa ilalim ng PhilSys Act, ang PhilID ay magsisilbing official government-issued identification document sa mga government at private transactions.

“The PhilID Card shall be accepted as sufficient proof identity, without the need to present any other identification documents,” saad sa pahayag.

Mayroong penalty ang refusal to accept, acknowledge at/o pag-recognize sa PhilID card na nagkakahalagang PHP500,000.

Kung ang lumabag naman ay isang government official o employee, kasama sa penalty ay ang disqualification na magkaroon ng kahit anong posisyon sa public office o employment sa gobyerno, kabilang ang mga government-owned and controlled corporations at mga subsidiaries nito.

As of October 31, at least 3.1 million PhilID cards na ang nai-deliver ng Philippine Postal Corporation habang 40,264,550 naman ang nakakumpleto na ng kanilang registration process.

37 M Pinoy, nakarehistro na sa national ID

ni Lolet Abania | July 9, 2021

Mahigit sa 37 milyong Pilipino ang nakarehistro na sa Philippine Identification System (PhilSys) o national ID.

Sa isang statement ng National Economic and Development Authority (NEDA) ngayong Biyernes, mula sa zero registration sa kasagsagan ng pandemya noong April 2020, nai-report ng Philippine Statistics Authority (PSA) na nitong July 2, 2021, tinatayang nasa 37.2 milyong indibidwal na ang nakapagrehistro para sa Step 1 o ang tinatawag na demographic data collection.

Mayroon namang 16.2 milyong mamamayan ang nakakumpleto na ng kanilang Step 2 registration o biometrics capture.

Gayundin, ayon sa NEDA, may 343,742 registrants naman ang nakatanggap ng kanilang PhilID cards.

Dahil dito anila, makakayang makamit ng gobyerno ang 50 hanggang 70 milyong target registrations bago matapos ang taon.

“The COVID-19 crisis underscores the need to provide unhampered access to banking and social services for all Filipinos, especially the poor. This is why the President gave the directive to accelerate the implementation of the Philippine Identification System or PhilSys to provide all Filipinos a unique and digitalized ID,” ani Socioeconomic Planning Secretary na si Karl Kendrick Chua.

Matatandaang nag-adopt ang PSA ng isang three-step registration process para masigurong magiging ligtas ang pagsasagawa ng PhilSys sa gitna ng pandemya ng COVID-19, kasabay ng pagsunod sa ipinatutupad na minimum health protocols.

Ang unang step ng pagkuha ng national ID ay demographic data collection na ginagawa sa pamamagitan ng pagbabahay-bahay ng mga kawani o via online registration. Ang ikalawang step ay pagkuha ng biometrics sa mga itinakdang registration centers. Ang ikatlong step ay ang issuance ng PhilSys Number o PSN at PhilID card.

Ayon sa NEDA, ka-partner ng PhilSys ang Landbank of the Philippines para payagan ang mga registrants na makapagbukas ng kanilang bank accounts sa mga registration centers. Sinabi rin ng NEDA na nitong July 2, 2021, umabot na sa 4.4 milyong registrants ang nakapag-apply para sa kanilang account sa Landbank.

Sa isang memorandum ng Bangko Sentral ng Pilipinas (BSP), nakasaad na “The PhilID should be accepted as official and sufficient proof of identity without the need to present any other identification documents.”

Kamakailan, naglabas naman ng direktiba ang Department of the Interior and Local Government (DILG) na ang lahat ng local government units (LGUs) na i-recognize ang PhilID sa mga pampubliko at pribadong transaksiyon.

“We aim to register 50 to 70 million Filipinos with the PhilSys and achieve 100% financial inclusion at the family level by the end of the year. This will help the government efficiently identify beneficiaries for social protection programs and spark the widespread use of electronic payments to accelerate the digital economy,” sabi pa ni Chua.