Pagod at nagkakasakit na — PGH.. 10 doktor, nag-resign

ni Lolet Abania | September 9, 2021

Sampung volunteer doctors mula sa Department of Health (DOH) ang nagbitiw na sa Philippine General Hospital (PGH), sa kabila na nasa full capacity ang ospital dahil sa pagdami ng COVID-19 patients.

Hindi binanggit ni PGH spokesperson Dr. Jonas del Rosario ang naging rason sa pagbibitiw ng mga doktor subalit sa tingin niya ay kumikita ang mga ito ng mas malaki sa mas magaang na workload.

“Maybe I can just hypothesize. Maaaring napagod na din, maaaring ‘yung iba nagkakasakit. They probably look at PGH na masyadong maraming trabaho. The truth of the matter is they can probably be earning more if they just [have] less work, higher pay outside,” ani Del Rosario sa isang interview ngayong Huwebes.

“Ang narinig ko minsan ‘yung sweldo na P50,000 a month, to a lot of people that’s not enough. Because if they can moonlight somewhere, they can earn twice as much,” aniya pa. Sinabi rin ni Del Rosario na ang kanilang COVID-19 beds sa ngayon ay puno na kung saan 100 katao ang nananatiling naghihintay na mai-admit sa ospital.

“We have 300 beds for COVID. We have 298 patients in the hospital, but we also have about close to 35 patients in the emergency room,” sabi ni Del Rosario. “And the reason why they are still in the emergency room is because a lot of these patients would require either a ventilator or a high-flow oxygen machine, you need oxygen ports, but we cannot accommodate them inside the hospital. The ER becomes an extension of the ICU setup in our COVID facility. We’re full,” dagdag niya.

Ayon pa kay Del Rosario, kinailangan na rin nilang isara ang ilang non-COVID facilities dahil aniya, “so that we can open up more beds that have available oxygen ports.”

Nag-mobilize na rin sila ng mga health workers mula sa ibang departamento para tumulong na gumamot at mag-alaga ng mga COVID-19 patients, subalit aminado siyang hindi ito sapat. “Even with that, kapos pa rin, because we have other non-COVID patients to take care of,” saad ni Del Rosario.

Staff ng PGH, pinarangalan ni P-Du30 dahil sa sunog

ni Mary Gutierrez Almirañez | June 3, 2021

Ginawaran ni Pangulong Rodrigo Duterte ng Order of Lapu-Lapu ang ilang magigiting na staff ng Philippine General Hospital (PGH) kaugnay ng naganap na sunog kamakailan sa pagamutan.

Kabilang dito ang mga staff na mas inunang i-evacuate ang mga bagong panganak na sanggol at pasyente bago ang sarili.

Kinilala ni Pangulong Duterte sina:

• Surgeon Dr. Rodney Dofitas

• Residents Dr. Alexandra P. Lee and Dr. Earle Ceo Abrenica

• Nurses Esmeralda Ninto, Jomar Mallari, Kathrina Bianca Macababbad, Phoebe Rose Malabanan, Nurses Quintin Bagay, Jr.

• Safety officers Joel Santiago at Ramil Ranoa.

Ang Order of Lapu-Lapu ay iginagawad sa mga tauhan ng gobyerno at private sector na nagpamalas ng kakaibang serbisyo at kontribusyon sa ilalim ng adbokasiya at administrasyon ni Pangulong Duterte.

Matatandaang naganap ang sunog sa ikatlong palapag ng PGH nitong May 16, kung saan mahigit P50 million ang naging pinsala sa ospital. Wala namang iniulat na nasugatan at maayos ang naging evacuation process dahil sa pagtutulungan.

PGH, tatanggap na ulit ng may COVID-19

ni Ronalyn Seminiano Reonico | May 17, 2021

Tatanggap na muli ang Philippine General Hospital (PGH) ng mga COVID-19 patients sa Martes matapos ang pinsalang idinulot ng sunog na nagmula sa ikatlong palapag ng ospital noong Linggo.

Pahayag ni Hospital Chief Gerardo Legaspi, “Tuluy-tuloy ang pagtanggap sa COVID patients pero humingi ako ng isang araw lang na itigil muna ang pag-transfer hangga’t ma-stabilize ang paglipat ng pasyente at ‘yung amoy ng usok [matanggal] kasi kahit papaano, may amoy pa rin ang wards, eh.

“Kini-clear up namin ‘yung amoy ng usok bago punuin ng pasyente. Itong araw na ito, baka hindi pa kami makakalipat ng pasyente, but tomorrow, we will resume accepting COVID-19 patients in PGH.”

Ayon kay Legaspi, aabot sa 30 pasyente na positibo sa COVID-19 ang naapektuhan ng insidente at kinailangang ilipat sa ibang area ng ospital.

Samantala, aabutin umano ng 3 hanggang 4 na buwan bago makabalik sa normal operations ang bahagi ng ospital na naapektuhan sa insidente, particular na ang limang sterilization units.

“Ang tantiya po namin, mababalik ang normal operation ng ORSA, siguro mga tatlo o apat na buwan po, with the construction considered,” ani Legaspi.