Mga residente, nagsumbong... Mga NPA na nagtangkang manggulo sa eleksiyon sa Albay, napigilan

ni Zel Fernandez | May 10, 2022

Nasawata ang tangkang panggugulo umano ng New People’s Army (NPA) ng mga tropa ng 49th Infantry Battalion (IB) ng Philippine Army sa ginanap na eleksiyon sa Albay, kahapon.

Bandang alas:5:00 ng umaga kahapon, isinumbong umano ng mga residente sa Sitio Lilibdon, Brgy. Maogog, Jovellar, Albay ang limang armadong teroristang komunista.

Kasunod nito, agad na nakaengkuwentro ng mga tropa ng Philippine Army ang mga tinukoy na NPA.

Pahayag ni Major General Alex Luna, Commander ng 9th Infantry (SPEAR) Division at ng Joint Task Force Bicolandia (JTFB), sa tulong ng mahigpit na seguridad na ipinatupad ng pamahalaan ngayong 2022 National and Local Elections ay naging matagumpay ang operasyon ng kasundaluhan kontra NPA.

Narekober umano sa encounter site ang isang M16 rifle, isang Cal. 45, mga gamit pangkomunikasyon at mga personal na gamit ng mga kaaway, makalipas umano ang walong minutong palitan ng putok sa pagitan ng mga rumespondeng sundalo at ng mga NPA.

Tropa ng Phil. Army, inambus ng NPA... 2 minors sapul, patay

ni Lolet Abania | February 10, 2022

Patay ang dalawang menor-de-edad habang isa pang sibilyan ang nasugatan matapos na tambangan noong Martes ng rebeldeng New People’s Army (NPA) ang tropa ng Philippine Army sa Catubig, Northern Samar.

Sa ulat ng Joint Task Force Storm at 8th Infantry Division ngayong Huwebes, ang 12-anyos na biktima ay idineklarang dead-on-arrival sa Catubig Hospital, habang ang isa pang 13-anyos na biktima ay nasawi ng umaga kinabukasan sa Northern Samar Hospital.

“Before he died, the 13-year-old boy was able to narrate to the barangay officials that they were hit by NPA gunfires,” ani 8ID commander Major General Edgardo de Leon sa isang statement.

“The 26-year-old survivor revealed that they were behind the soldiers when the NPAs opened fire, prompting them to run away but unfortunately they were hit,” dagdag ni De Leon.

Ayon kay 803rd Brigade commander Colonel Perfecto Peñaredondo, patungo ang tropa ng militar sa Barangay Roxas para alamin ang nakuhang report hinggil sa presensiya ng mga rebeldeng NPA nang atakehin at pagbabarilin sila ng mga ito.

Sinabi ni Peñaredondo, nakuha naman ng grupo ng Army na makakober at makadapa sa lupa, subalit ang mga sibilyan na nasa likuran nila ay tinamaan ng mga bala ng baril.

Isa pang menor-de-edad ang nakaligtas naman at ini-report ang insidente sa mga opisyal ng barangay. Agad na rumesponde ang mga kawani ng barangay at dinala ang mga biktima sa ospital.

Ayon pa sa militar, ang Catubig government at Northern Samar government ay agad ding nagbigay ng assistance sa mga kaanak ng namatay na mga biktima at sa sibilyang nasugatan.

Brawner, bagong hepe ng Phil. Army; Canlas itinalagang Phil. Air Force chief

ni Lolet Abania | December 7, 2021

Nagtalaga na si Pangulong Rodrigo Duterte ng mga bagong hepe ng Philippine Army at ng Philippine Air Force ngayong Martes.

Si Major General Romeo Brawner Jr. ang mamumuno sa Army habang si Major General Connor Anthony Canlas naman ang na-appoint bilang Air Force chief.

Papalitan ni Brawner si Armed Forces chief Lieutenant General Andres Centino habang si Canlas ang papalit kay Lieutenant General Allen Paredes na umabot na sa kanyang mandatory retirement age na 56 ngayong Martes.

Files: Defense Sec. Delfin Lorenzana

Bago maging Army chief, matatandaang nakaligtas sina Brawner at ang kanyang pamilya sa kamatayan na naganap nito lamang Hulyo ng kasalukuyang taon.

Lulan sina Brawner at pamilya niya sa C-130 plane, kung saan nagdala sa kanila sa Cagayan de Oro bago ito nag-crash sa Patikul, Sulu noong Hulyo 4.

Ang naturang insidente ay pumatay sa mahigit sa 50 katao na karamihan ay mga sundalo.

“Para sa akin panibagong buhay ito. It was a close call,” sabi ni Brawner, na commander noon ng 4th Infantry Division ng Philippine Army sa nakaraang interview sa kanya sa radyo.