50 patay… Pagbagsak ng eroplano ng PAF sa Sulu, pinaiimbestigahan

ni Ronalyn Seminiano Reonico | July 5, 2021

Ipinag-utos na ni Defense Secretary Delfin Lorenzana ang pagsasagawa ng "full investigation" sa pagbagsak ng C-130 military aircraft sa Sulu noong Linggo kung saan mahigit 45 ang mga nasawi.

Saad ni Lorenzana, “I have ordered a full investigation to get to the bottom of the C-130 incident, as soon as the rescue and recovery operation is completed.

“I ask everyone to join us in praying for the pilots, crew, passengers of the ill-fated C-130 aircraft as well as their families.”

Ayon naman kay Armed Forces Spokesperson Major General Edgard Arevalo sa isang panayam, umakyat na sa 50 ang bilang ng mga nasawi kabilang ang 47 sundalo at 3 sibilyan.

Sugatan naman ang 49 iba pang sundalo na dinala sa ospital.

Saad ni Arevalo, “So far, na-retrieve na po natin ang lahat ng mga labi ng ating mga sundalo na pumanaw sa aksidente na ito. Kabuuan na 47 ang na-recover natin.

“Bukod po roon sa 47 nating mga sundalo na namatay, meron pa rin pong tatlong sibilyan, hindi po sila pasahero. Kasama po sila sa ground doon sa lugar kung saan nangyari ang crash.”

Samantala, ayon sa inisyal na ulat, umalis sa Lumbia Airport sa Cagayan de Oro City ang C-130 noong Linggo patungo sa Jolo, Sulu at pagkalapag ng eroplano sa runway ay biglang nawalan ng control at alas-11:30 nang umaga nang mag-crash ito.

Chopper ng PAF, sumabog sa Tarlac, lahat ng sakay, patay

ni Ronalyn Seminiano Reonico | June 24, 2021

Nag-crash ang Black Hawk military helicopter ng Philippine Air Force (PAF) sa isinagawang night flight training sa Tarlac noong Miyerkules.

Saad ni PAF Spokesperson Lt. Col. Maynard Mariano, "Last night, June 23, 2021, an S-70i Black Hawk Utility helicopter of the 205th Tactical Helicopter Wing on a night flight training figured in a mishap a few miles from Colonel Ernesto Rabina Air Base in Capas, Tarlac.”

Ayon kay Mariano, nilisan ng helicopter ang Clark Air Base bandang alas-8 nang gabi para sa naturang flight training.

Nabahala umano ang iba pang PAF personnel nang mawalan ng contact sa helicopter at sa mga crew bandang alas-10 nang gabi.

Saad pa ni Mariano ngayong Huwebes, "As of this writing, PAF search, retrieval, and recovery teams are diligently at work.”

Aniya pa, “So far, no survivors have been found. The identities of the aircrew members will be provided as soon as the members of their families are properly notified.”

Saad pa ng PAF, “We grieve for the loss. The PAF will conduct a thorough inquiry to determine the circumstances of this unfortunate incident.”

Patuloy na nagsasagawa ng search, retrieval and recovery operations ang awtoridad at dahil sa insidente, hindi muna umano gagamitin ang iba pang Black Hawk combat helicopters.

Saad pa ng PAF, "For the meantime, all the other Black Hawks will not be flown until the conclusion of the investigation.”

Piloto ng PAF, patay sa pagbagsak ng chopper

ni Lolet Abania | April 27, 2021

Isang piloto ng Philippine Air Force ang namatay matapos na bumagsak ang kanilang chopper sa Jetafe, Bohol ngayong Martes nang umaga.

“The men and women of the Philippine Air Force, led by the Commanding General, Lieutenant General Allen T. Paredes, deeply grieves the loss of an aircrew who offered his life in the line of duty,” ayon sa isang pahayag ng PAF.

Sa ulat, ang MD520MG No. 410 na helicopter mula sa 15th Strike Wing ay bumagsak bandang alas-9:30 ng umaga ngayong Martes habang nagsasagawa sila ng engineering flight.

Ang mga rescuers, kabilang na ang mga miyembro ng 505th Search and Rescue Group ay agad na nagtungo sa pinangyarihan ng insidente upang masagip ang mga aircrew ng chopper, kung saan naisugod sila sa pinakamalapit na ospital.

Tatlo sa mga aircrew ang nakaligtas sa pagbagsak ng helicopter, ayon sa PAF.

Agad namang ipinabatid sa pamilya ng mga nasabing aircrew, maging sa naiwang pamilya ng pilotong nasawi, ang insidente.

Sasagutin ng ahensiya ang lahat ng kinakailangang assistance at financial aid para sa mga biktima.

Samantala, ayon sa PAF, ang chopper ay nakalapag sa lupa ng MD520 fleet.

Tiniyak din ng Air Force sa publiko na ang lahat ng kanilang air assets ay sumailalim sa istrikto, regular at paulit-ulit na maintenance inspections bago at matapos ang mga flight missions.