Free annual medical check-up, aprub sa Kamara

ni Ronalyn Seminiano Reonico | June 1, 2021

Inaprubahan na ng House of Representatives ang House Bill 9072 o ang proposed Free Annual Medical Check-up Act ngayong Martes sa ikatlo at huling pagbasa nito.

Nakakuha ng 245-0 votes ang naturang bill na naglalayong gawing libre ang medical check-up sa mga Pilipino sa mga pampublikong ospital at institusyon.

Kabilang sa medical check-up ay ang blood sugar at cholesterol tests at mga laboratory at diagnostic tests.

Saklaw ng naturang panukala ang mga miyembro ng Philippine Health Insurance Corp. (PhilHealth) sa ilalim ng Republic Act No. 11223 o ang Universal Health Care Law.

PhilHealth ID number, 'di kailangan para mabakunahan — DOH

ni Ronalyn Seminiano Reonico | March 30, 2021

Nilinaw ng Department of Health (DOH) na hindi required ang Philippine Health Insurance Corp. (PhilHealth) Identification Number (PIN) para makapagpa-register para sa COVID-19 vaccination.

Naglabas ng pahayag ang DOH kaugnay ng social media post ng health insurer kung saan pinaalalahanan ang mga miyembro na nais magpabakuna na tandaan ang kanilang PIN para maka-avail ng PhilHealth benefits.

Pahayag ng DOH, “The Department of Health (DOH) clarifies that PIN is not a requirement to register for and receive the COVID-19 vaccine, and is only required when claiming PhilHealth benefits in cases of adverse events following immunization (AEFI).”

Saad pa ng DOH, “To ensure Philhealth coverage of Filipinos who are not yet registered to Philhealth in cases of AEFI that need hospitalization, the government will set up registration booths at official vaccination sites to facilitate onsite PhilHealth registration.”

Ayon din sa DOH, sa ilalim ng Universal Health Care (UHC) Law, ang lahat ng Pilipino, “whether direct or indirect contributors” pati ang mga dependents ng contributors, indigent members, senior citizens at persons with disabilities ay “automatic members of PhilHealth.”

Utang ng PhilHealth sa mga ospital, hindi pa rin bayad

ni Mary Gutierrez Almirañez | March 28, 2021

Hindi pa rin nakakapagbayad ng utang ang Philippine Health Insurance Corporation (PhilHealth) sa mga ospital magmula nang mag-umpisa ang pandemya sa bansa, ayon sa Philippine Hospital Association (PHA) ngayong araw, Marso 28.

Giit pa ni PHA President Dr. Jaime Almora, "Wala na silang pera, kahit 'yung malalaking hospital. Kausap ko medical directors, nag-iisip humiram ng pera kasi mula noong magsimula ang COVID-19, marami sa kanila ang hindi pa nakakolekta ng bayad sa PhilHealth.”

Nilinaw din ni Senator Dick Gordon na hindi pa nare-reimburse ng PhilHealth hanggang ngayon ang ginastos ng Philippine Red Cross (PRC) sa saliva test ng COVID-19, kung saan kailangan muna umano 'yung mapaaprubahan sa Health Technology Assistance Council (HTAC) bago bayaran ng PhilHealth.

Aniya, "Kailangan ang HTAC para bayaran ng PhilHealth. ‘Yan ang batas. Puwede namin ibigay sa mga tao, pero hindi babayaran ng PhilHealth. Hindi ko maintindihan."

Nauna nang nagbabala si Gordon na maaaring matigil ang pagsasagawa ng COVID-19 saliva testing dahil sa malaking utang sa kanila ng PhilHealth na umabot sa P822 million.

Paliwanag pa niya, "Hindi naman ako naniningil basta-basta, kailangan lang talaga makapagpatuloy at ma-keep up natin ang ginagastos ng Red Cross sa mga medtechs at sa lahat. 'Yung gobyerno, kusang-loob nilang tulungan kami."