Nambatac hiniya ang dating team, nakatulong sa panalo ng TNT

ni Rey Joble @Sports News | Oct. 10, 2024

Nagpakitang-gilas si Rey Nambatac sa dati niyang koponang Rain or Shine at gabayan ang TNT tungo sa 90-81 panalo sa pagbubukas ng kanilang PBA Governors’ Cup best-of-seven semifinals series sa Philsports Arena nitong Miyerkules ng gabi.

Bumomba ng 11 sa kanyang natipong 14 na puntos si Nambatac sa third quarter kung saan tuluyang lumayo ang Tropang Giga matapos magbuhos ng 36 puntos, mas marami ng 13 kontra sa Elasto Painters.

Pitong taong naglaro si Nambatac sa Elasto Painters kung saan umusbong ang kanyang career, pero na-trade siya ng koponan noong nakaraang komperensiya at dumaan siya sa Blackwater bago tuluyang naisadlak sa TNT bago magsimula ang simula ng 49th season.

Panigurado sa basket ang pinakawalan ni Talk N Text Tropang Giga point guard Jayson Castro at hindi alintana ang depensa ng katunggaling si Gabe Norwood ng Rain or Shine Elasto Painters sa kanilang sagupaan para sa season 49th PBA Governors cup semifinals game 1 best of 7 series sa PhilSports Arena, Pasig City kung saan nanaig ang Tropang Giga sa Elasto Painters 90 - 81. (Reymundo Nillama)

Pero bukod sa gigil na makapagpakita kontra kanyang dating koponan, mas nanaig ang determinasyon ni Nambatac na tulungan ang nagtatanggol na kampeong Tropang Giga na umabante sa semifinal round.

“He started kinda over excited,” ang sabi ni TNT coach Chot Reyes. “I had to tell him to calm down, relax and pick his spots. Medyo nanggigigil siya nu'ng start that’s why we replaced him right away with Jayson (Castro).”

“So when we brought him back, he already have a clear mind. I cannot speak for him, but more than the desire to do well against his former team, it’s really his desire also to do well in the semifinal series.”

Nagdagdag din ng 9 na rebounds si Nambatac. Halos triple-double ang nilaro ni dating Best Import na si Rondae Hollis-Jefferson na nagtala ng 26 puntos at sumikwat ng 13 rebounds. May nakumpleto rin siyang siyam na assists at may nalikom na limang agaw at apat na supalpal.

Beermen muling nagbalik sa semifinals, Converge inilaglag

ni Clyde Mariano @Sports News | Oct. 7, 2024

Wala nang bukas matapos matalo sa Game 3 at Game 4, masigasig at malakas na bumalik ang San Miguel Beer at tulad sa sinabi ni gunner CJ Perez tatapusin nila ang quarterfinals nang sibakin ang ambisyosong Converge sa “win or go home” there’s no tomorrow, 109-105 para umabanse sa semifinal ng PBA 49th Season Governors Cup sa Ynares Center sa Antipolo.

Masama ang loob sa back-to-back loses matapos manalo sa first two games sa best-of-five quarterfinals, naglaro nang husto ang Beermen na animo nakataya ang korona at hindi na pinagbigyan ang FiberXers na makaahon sa malalim na hukay at tuluyan nang binaon at wakasan ang pakay ng Converge na pumasok sa semifinals mula nang sumali sa PBA noong 2022 matapos bilhin ang franchise ng Alaska Aces.

Nagtulong sina June Mar Fajardo, CJ Perez, Terrence Romeo, Marcio Lassiter at si American-Nigerian reinforcement Ejimofor Anosike sa pagpapatalsik sa Converge. Lumamang ang SMB ng dalawang beses sa 11 points at pinalobo sa 19 points, 49-30, sa shot ni June Mar Fajardo mula sa pasa ni CJ Perez tungo sa 58-42 halftime lead.

Tinalo ng Converge ang SMB, 114-112 sa Game 3 at 114-100, sa Game 4 para ipilit ang sudden death Game 5. Ito ang pangalawang beses na tinalo ng SMB ang Converge sa quarterfinals na ang una ay sa ilalim ni coach Alden Ayo.

Hindi na pinagbigyan ng SMB ang Converge na makabangon tungo sa semis at harapin ang sister team Barangay Ginebra habang lalabanan ng Talk ‘N Text ang Rain or Shine sa best-of-five semis. “Our offense and defense complimented each other unlike in Game 4. My players played one hell of a game. They connected from all corners and defended well,” sabi ni coach Jorge Gallent.

Mahigpit na binantayan at nilimita ng SMB sa defensive wall ang top gunners ng Converge na sina Alex June Stockton, Deschon Winston, Justin Arana at import Jalen Jones. “They beat us in Game 3 and Games. I told my players to limit their output with rock solid defense.

The only way to win is to neutralize them. That’s what they did,” sabi ni Gallent. Panay ang balasa at palit nang kanyang mga players si coach Franco Atienza na hangad mapigil ang pananalasa ng SMB. Subalit nabigo ang Converge coach nang bumalik sa dugout na malungkot.

Fiberxers hindi sumuko, humirit ng Game 5 vs. SMB

ni Clyde Mariano @Sports News | Oct. 5, 2024

Hindi pa tapos ang playoff at siniguro ng Converge Fiberxers magkakaroon ng do-or-die Game 5 at sa pangalawang sunod na beses ay tinalo ang outstanding favorite San Miguel Beer, 114-100, sa PBA 49th Season Governors Cup sa Ninoy Aquino Stadium.

Kinontrol ng FiberXers ang laro lumamang, 94-84 sa tres ni King Danille Caralipio mula sa pasa ni Jalen Jones sa gitna ng deciding fourth quarter. “They played hard and determined to win and extend the playoff to sudden-death Game 5,” sabi ni coach Franco Atienza. “I reminded them SMB is strong and the only to beat them is to play as a team and with big fighting heart,” wika ni Atienza.

Muling maghaharap ang SMB at Converge sa do-or-die Game 5 ngayong Linggo ng 7:30 p.m. sa Ynares Center sa Antipolo City at ang mananalo ay lalabanan ang Barangay Ginebra sa best-of-five semifinals. Sa hindi inaasahan ay tuluyang nanaig ang Converge sa SMB sa 48 minutong engkuwentro.

Panay ang balasa ni coach Jorge Gallent subalit hindi makahulma ng epektibong formula para pigilan ang rumaragasang FiberXers sa pangunguna ni Deschon Winston na itinanghal na baest player of the game sa iskor na 25 points, 16 sa third period.

Tumipa si Justin Arana ng 25, Jalen Jones 22, Alec June Stockton 15, at King Danielle ng 10 points. Malungkot na bumalik si coach Jorge Gallent sa dugout kasama ang mga talunan niyang players at si dating head coach at team consultant Leo Austria. “We labored and made lots of hardwork before we won the game. My players stubbornly refused to fold up down the stretch,” ani na Atienza target ang unang PBA title.

Ang pagkatalo ng SMB sa Korean team sa home and away East Asia Super League ay nakaapekto at nakapagpababa sa morale ng SMB. Maglalaban ang Magnolia at Rain or Shine sa sudden death Game 5 ngayong Sabado ng gabi 7:30 sa Ynares Center sa Antipolo City at ang mananalo ay lalabanan ang Talk ‘N Text sa best-of-five semifinals.