Tropang Giga humalimaw sa Game 1 Finals vs. Gin Kings

ni Clyde Mariano @Sports | Oct. 27, 2024

Coach Chot Reyes ng TNT at Coach Tim Cone ng Ginebra - PBA PH

Brownlee ng Ginebra - PBA PH

Nasa larawan sina Coach Chot Reyes ng TNT at Coach Tim Cone at Justin Brownlee ng Ginebra. Photo: PBA PH

Nakauna agad at maagang nakuha ang momentum at initiative ng defending champion Talk ‘N Text at tinalo ang challenger at dating champion Barangay Ginebra sa Game 1 sa malaking agwat, 104-88, sa Governor’s Cup sa PBA 49th season sa dinumog na Ynares Center sa Antipolo City na pinanood ng mga PBA diehard fans sa lalawigan ng Rizal.

Kinontrol ng Tropang Giga ang laro at lumamang ng 20 points, 89-69, sa drive ni Roger Pogoy matapos umiskor si Rey Nambatac sa return play at iposte ang walang kahirap-hirap na panalo. Umiskor si Nambatac ng 18 points at 10 rebounds at seven assists sa una niyang final appearance at tinanghal na best player of the game.

“We played well-coordinated game. Our offense and defense are on the right track,” sabi ni coach Chot Reyes. “Game 1 pa lang marami pang mangyayari along the way sa playoff. We’ll prepare because Barangay Ginebra will get back at us in Game 2,” wika ng 60 years old TNT coach.

Nilabas ni coach Tim Cone si Justin Browlee sa huling dalawang minuto bagamat malapit nang.sumurender ang tropa. Maagang umarangkada ang Tropang Giga at sinamantala ang malamig na simula ng Kings na lumamang ng three points thrice, ang huli 27-15, at umabante ng 15 points, 34-19 sa pinagsanib puwersa nina Rondae Hollis-Jefferson, Roger Pogoy at dating NLEX Road Warriors Calvin Oftana.

Biglang nabuhayan nang loob ang Barangay Ginebra nang rumatsada ng 10-2 five minutes run lima kay Justin Brownlee at lumapit sa 33-38. Subalit hindi natinag at nasiraan nang loob ang TNT tinapos ang first half lamang 43-37.

Para kay coach Chot malaking bagay at puhunan na manalo sa initial game sa best-of-seven playoffs dahil tataas ang morale at fighting spirit at kumpiyansa sa sarili ng kanyang players.

“Winning Game 1 is a big factor and very important because it gives the players the needed morale boost and confidence,” sabi ni Reyes matapos talunin ang mga bata ni coach Tim Cone.

“We’ll try and go for second win. Kailangan maglaro kami nang husto both offensively and defensively and Rondae Hollis-Jefferson and the rest of the players play well,” wika ni Reyes target ang pang- 11 PBA title.

“It’s a long way to go. Game 1 pa lang. There are quirks or unexpected things happening along the way in the playoff. Kailangan laging handa kami sa lahat nang oras sa darating na mga laro,” dagdag ni Reyes.

Panay ang balasa ni coach Tim Cone ng kanyang mga players. Subalit hindi makahulma ng epektibong formula paa pigilin at talunin ang humahalimaw na Tropang Texters na hindi nagpasuko sa Kings

Gin Kings vs. Tropang Giga uli sa finals ng Governor's Cup

ni Clyde Mariano @Sports | Oct. 22, 2024

Unang inangkin ng Tropang Giga ang final seat, maghaharap na ang TNT at Barangay Ginebra. Photo: PBA PH

Sa pangalawang sunod na taon muling maghaharap ang defending champion Talk 'N Text at challenger Barangay Ginebra sa best-of-seven title showdown ng PBA 49th Season Governor’s Cup.

Lamang sa seryeng 3-2 at kailangan ng isa pang panalo para umabanse sa finals at huwag nang paabutin ang playoffs sa sudden death Game 7, tuluyan nang tinapos ng Kings ang semis series at sinibak ang sister team at mahigpit na karibal na San Miguel Beermen sa Game 6, 102-99 na pinanood ng partisan crowd kasama si dating PBA import Sean Chambers sa Smart Araneta Coliseum.

May pag-asa pa sana ang SMB na tumabla at ipilit ang Game 7. Subalit sumablay ang tres ni Ejimofor Anosike at nakuha ang offensive rebound at sumablay din ang 3 ni Jericho Cruz sa left wing kaya inangkin ng Kings ang panalo at muling labanan ang TNT sa finals.

“It’s another one hell of a game. SMB pushed us to the limit. My players refused to fold up,” sabi ni coach Tim Cone. “The semis is over. Our next move is the finals against Talk ‘N Text. It’s another tough task for us playing against a tough team TNT,” wika ni Cone na target ang pang-26th PBA title.

Umiskor si Maverick Ahanmisi ng team high 25 points at muling itinanghal ang dating Rain or Shine gunner na Best Player of the Game. Nag-ambag si Justin Brownlee ng 21 points at 7 rebounds, Japeth Aguilar 20, Rhon Jay Abarrientos 16 at Scottie Thompson 10.

Maghaharap ang TNT at Barangay Ginebra sa Oct. 27 sa Big Dome. Unang inangkin ng Tropang Giga ang final seat sa kartadang 4-1 kasama ang game-clinching Game 5, 113-95, laban sa Rain or Shine.

Matapos ang first half, pinulong ni Commissioner Willie Marcial ang kapulisan ng Antipolo tungkol sa magandang samahan at ugnayan ng PBA at police at maging sa kaligtasan ng liga sa mga lalawigan.

“Bibigyan ang PBA ng ambulance sa mga out-of-town games at magsasagawa ng PBA clinic sa mga lalawigan at hikayatin ang mga kabataan na mas mahirati sa basketball at mailayo sa masamang bisyo at drugs. As we all know PBA players are role model ng mga kabataan. This is a give and take affair,” sabi ni Marcial. (Clyde Mariano)

Isa na lang para sa Ginebra, rematch sa TNT inaasinta

ni Rey Joble @Sports | Oct. 19, 2024

Ipinamalas ng rookie guard ng Ginebra na si Rhon Jay Abarrientos ang 28 puntos sa laro ng Barangay Ginebra at San Miguel Beer sa Ynares Center. Photo: PBA PH

Muling dinomina ng Barangay Ginebra ang San Miguel Beer at kunin ang Game 5, 121-92, at lumapit sa minimithing pagbabalik sa finals ng PBA Governors Cup nitong Biyernes ng gabi sa Ynares Center sa Antipolo.

Isa na namamg dominanteng laro ang ipinamalas ng rookie guard ng Ginebra na si Rhon Jay Abarrientos na nagbuhos ng 28 puntos habang nagdagdag ng 22 si dating Most Valuable Player Scottie Thompson para pangunahan ang atake ng Gin Kings.

Dahil sa panalo ng Ginebra, abot kamay na ng pinakapopular na koponan sa liga ang inaasam na pagbabalik sa championship roubd kung saan naghihintay ang karibal nilang TNT Tropang Giga, na magaang na idinispatsa ang Rain or Shine sa limang laro.

Dating tinalo ng Tropang Giga ang Gin Kings dalawang season na ang nakakaraan at gigil ang koponan ni coach Tim Cone na rumesbak sa team na ngayon ay hinahawakan nang muli ni Chot Reyes. Pero para kay Cone, hindi pa tapos ang laban.

“The battle has been won in Game 5, but the war isn’t over yet and we expect San Miguel to get back like they’ve normally done the past two wins,” ang sabi ni Cone.

“We’ve been trading wins and with their backs against the wall, we expect them to come firing in all cylinders.” “As for us, we expect a grind it out game as just like old times, closing out the series is the toughest thing to do.”