Gin Kings itinabla sa 2-2 ang finals vs. Tropang Giga

ni Clyde Mariano @Sports | Nov. 4, 2024

Photo: Justin Brownlee / PBA PH

Makalipas ang dalawang araw matapos ang All Saints Day at All Souls Day, bumalik ang Barangay Ginebra sa Smart Araneta Coliseum at tinalo muli ang defending champion Talk ‘N Text sa Game 4, 106-92, at itabla ang serye sa 2-all.

Limang Ginebra players ang gumawa ng double figures sa pangunguna ni Justin Brownlee nang tumipa ng game high 34 points, nine sa three-point area at dalawang four points, six rebounds at four assists. Nagtala sina Stephen Jeffrey Holt, Maverick Ahanmisi at Japeth Aguilar ng tig 18 points, at Earl Scottie Thompson ng 12 points.

Tinanghal si Holt bilang best player of the Game. Tulad sa Game 3, dinomina ng Kings ang laro at hindi pinagbigyan ang TNT na makalapit at maagaw ang lamang at na-outrebounded ang defending champion 32-27 at gumawa ng 23 assists kumpara sa TNT 17.

Dala nang kanilang hangarin na manalo at mataas ang morale at fighting spirit mula sa Game 3, 85-73, ipinakita ng Kings ang kanilang pamosong “never-say-die” character para itabla ang serye at napunta sa kanila ang momentum na tiyak gagamitin ni coach Tim Cone bilang “jumping board” na kunin ang bentahe.

Sabay-sabay sumisigaw ang mga die-hard Ginebra fans ng “Ginebra, Ginebra!" sa tuwing nakakaiskor ang Kings. Tulad sa Game 3, muling pinagtulungan nina Stephen Jeffrey Holt, Maverick Ahanmisi at Japeth Aguilar na bantayan si Jefferson at nilimita ang points production ng best import of the conference sa 28 points at 4 points sa fourth quarter.

Pinamunuan ni Justin Brownlee mainit na opensiba kasama sina Holt, Ahanmisi, Aguilar at Scottie Thompson. “We played well-balanced game both offensively and defensively. Justin was all over the court connecting from all corners,” sabi ni coach Tim Cone. Sa dalawang sunod na panalo, nasa Barangay Ginebra ang momentum at tiyak sasamantalahin ni Cone na makuha ang 3-2 lead.

Umarangkada agad ang Barangay Ginebra 36-25 on the way to 54-42 halftime lead, tumipa si Brownlee ng 18 points, 15 sa first quarter, at ang tubong Davao del Sur na si Thompson na kumamada ng 12 points.

Lamang ang Barangay Ginebra, 95-85, sa tres ni Ahanmisi 4 na minuto ang natitira sa crucial fourth quarter. Umiskor si Holt ng tres sa pasa ni Aguilar 104-92, 1:04 natitira.

Samantala, itinanghal si June Mar Fajardo ng SMB bilang best player of the conference at sa pangalawang sunod na Governor’s Cup ay tinanghal si Jefferson bilang best import.

Game 3 Final: Gin Kings inutas ang TNT sa Undas

ni Clyde Mariano @Sports | Nov. 2, 2024

Photo: Rondae Hollis-Jefferson at Justin Brownlee - PBA PH

Siniguro ni coach Tim Cone na hindi ma-sweep ng Talk ’N Text ang final playoff at matapos matalo sa unang dalawang laro ay binawian ng Barangay Ginebra Kings ang Tropang Giga, 85-73, sa Game 3 ng PBA 49th Season Governor’s Cup araw ng All Saints Day sa harap ng partisan crowd sa Smart Araneta Coliseum.

Sumandal ang Kings sa 13-2 attack sa pinagsanib puwersa nina Justin Brownlee, Scottie Thompson at Maverick Ahanmisi sa huling apat na minuto at iposte ang impresibong panalo at biglang nabuhay at lumakas ang hangarin ng Barangay Ginebra na mabawi ang koronang naagaw sa kanila ng TNT noong nakaraang taon.

Umiskor si Brownlee ng team high 18 points on 8 of 25 sa field at humablot ng 13 rebounds at apat na assists sa Ginebra na gumawa 33 of 66 sa field goal, limang tres sa 16 tries, 46 rebounds, 21 assists at 9 steals.

Nag-ambag si Ahanmisi ng 16, Thompson ng 15 at sina Stephen Jeffrey Holt at Japeth Aguilar ay tig-10 points. T

inanghal si Thompson bilang best player of the game sa kanyang magandang nilaro sa second half.

“I reminded my players to play their best out there if they want to continue playing and have the chance to regain the crown,” sabi ni Cone.

Naglaro na parang sugatang tigre, matapang na lumaban ang "never-say-die” spirit at kumpletong nanaig sa biglang nanlamig na Tropang Giga at pigilin ang mga bata ni coach Chot Reyes sa pangatlong sunod na beses na panalo na maalalang tinalo ang Ginebra sa 4-2 sa playoffs ng 2023 season.

Lamang ng 59-52 sa third period, na outgunned ng Ginebra ang TNT sa fourth period. Nalimita ni Ahanmisi si Rondae Hollis-Jefferson sa bisa ng solidong depensa sa fourth period. Maagang umarangkada ang Ginebra at lumamang sa 40-33 on the way 42-39 halftime lead nang umiskor sina Brownlee at Ahanmisi ng tig-eight points.

Lamang ang Barangay Ginebra 71-67, sa tres ni Brownlee matapos umiskor si RHJ sa gitna ng fourth quarter. Agad tumawag si coach Chot para ikasa ang kanyang strategy. Subalit ang kanyang plano ay hindi umubra at lumaki ang lamang ng Ginebra tungo sa impresibong panalo.

Sabay-sabay sumisigaw ang mga supporters ng “Ginebra, Ginebra!” tuwing makaka-shoot ang Kings. Muling maghaharap ang TNT at Ginebra sa Game 4 Sunday, November 3 sa Big Dome.

TNT ibinaon sa pangalawang hukay ang Kings sa Game 2 Finals

ni Clyde Mariano @Sports | Oct. 31, 2024

Photo: Rondae Hollis-Jefferson at Justin Brownlee - PBA PH

Dalawang panalo na lang ang kailangan ng Talk ‘N Text para mapanatili ang korona sa Governor’s Cup na napanalunan noong nakaraang taon sa ilalim ni coach Jojo Lastimosa at import Rondae Hollis-Jefferson kontra Barangay Ginebra sa 4-2 kasama ang title-clinching Game 6, 97-93, umiskor si Filipino-American Californian native Mikey Williams ng 38 points kasama ang siyam na tres.

Sa masusing gabay ni returning coach Chot Reyes katuwang sina assistant coach Jojo Lastimosa at Bong Ravena, muling tinalo ng Tropang Giga ang mababang morale na Kings sa Game 2, 96-84, sa loob ng dalawang araw matapos ang face off at umabante ng dalawa pang panalong laro sa harap ng partisan crowd sa muling pagbabalik ng liga sa Smart Araneta Coliseum.

Sa 2-0 lamang tiyak sasamantalahin ng TNT ang bentahe at hindi na pagbibigyan ang Barangay Ginebra na makabangon pa sa malalim na hukay. “2-0 lead is big investment,” sabi ni coach Chot. “The 2-0 advantage is not assurance nor guarantee we can retain the title. We have to play hard, double our efforts, consolidate our efforts and pull our resources to full use in the next two games and achieve the goal we are longing for,” sabi ni Reyes.

Muling gumawa si Rondae Hollis-Jefferson ng double-double 37 points at 13 rebounds, 11 defensive, bukod sa pitong assists. Tinalo ni RHJ si Justin Brownlee sa kanilang match-up at umiskor lanh ang resident Barangay import ng 19 points at nine rebounds. Nag-ambag sina Calvin Oftana at Glenn Khobuntin ng tig- 13 points, William Jayson Castro at Roger Pogoy ng tig-9 points sa TNT.

Rondae Hollis-Jefferson - PBA PH

Sa kabila ng paghabol, hindi pa rin nawawalan ng pag-asa si coach Tim Cone at kumpiyansa ang American mentor na makakaahon sila sa malalim na hukay at makakabalik sa winning form. “We are down but not out. The playoff is not over yet. Many things happen along the way in the playoff. We’ll get back into the grove,” sabi ni Cone.

Dikit ang laro bago lumamang ang TNT, 78-71, sa 2 minutong nalalabi sa fourth quarter ay nagtarak ng 8-0 blast kasama ang tres ni Roger Pogoy. Napanatili ng Tropang Giga ang lamang, 83-75, sa bisa ng basket shot ni John Paul Erram sa 8 minuto ang natitira sa payoff period.

“I stepped up and gave the needed points. I’m happy, I made it,” sabi ng 26 years old American na si RHJ na taga-Pennsylvania state. “If we sustain this kind of performance and play cohesively, there’s a good chance we can sweep the playoff. Hopefully, we make it,” wika ni Hollis-Jefferson. Muling lalabanan ng TNT ang Barangay Ginebra sa Game 3 November 1 All Souls Day sa Big Dome.