Sakripisyo at paghihirap ang pinagdaanan ng TNT bago nag-champ sa Governor's Cup

ni Clyde Mariano @Sports | Nov. 9, 2024

Photo: Ang pagtaas ng Governor's Cup trophy ng Talk 'N Text Tropang Giga nang magkampeon sa PBA sa tuwa ni coach Chot Reyes. (Reymundo Nillama)

Ang matagumpay na title retention ng Talk 'N Text Tropang Giga sa PBA 49th Governor's Cup ayon kay coach Chot Reyes laban sa mortal na karibal na Barangay Ginebra Gin Kings ay bunga ng sipag, tiyaga, pagtitiis, sakripisyo, at determinasyon. “Hindi namin magagawa kung wala ang mga ito,” ani Reyes sa panayam ng reporter na ito matapos sagutin ang lahat ng mga katanungan ng mga reporters sa post-game 6 interview matapos mapanatili ang korona sa Governor’s Cup na pinanood ni team owner Manny V. Pangilinan.

“We patiently worked hard for 4 months, rain or shine sharpening our offense and solidify our defense because our goal is to keep the crown, and we made it despite undergoing trials, hardship and difficulties.” “Sa wakas lahat ng paghihirap na pinagdaanan namin ay nagbunga at nagkaroon ng katuparan. Matagumpay na naipagtanggol namin ang korona. I couldn’t ask for more,” nakangiting sinabi ni Reyes.

“Bawat tagumpay sa sports at sa ibang field of endeavors always associated with sacrifice. There is no victory without sacrifice. I am believer of this. All my success in the PBA were born out of sacrifice,” wika ni Reyes.

Ang titulo ang pang-11 ng 60-year old veteran TNT bench tactician at ang kanyang tinalo ay ang kanyang dating mentor. Nagsilbi si Reyes na assistant coach ni Cone sa Alaska noong 1990s. Binigo ni Reyes si Cone na target ang pang 26th title mula 1994 kasama ang dalawang grandslam 1996 at 2014.

“Nagdaan kami lahat sa pagsubok from Day 1 up to the finals. Naging roller-coaster ride ang laro namin. We confronted challenges tangible and intangible coming our way. We successfully hurdled and overcame obstacles and hindrances,” sabi ni Reyes.

Pinuri ni Reyes ang tagumpay ng kanyang players lalo na sa kanilang magandang nilaro sa Game 6 na muling nagdala sa TNT sa tugatog nang tagumpay at binigo si coach Tim Cone at ang Kings sa korona.

“I praised them for a job well done. All of them contributed to the victory, Matapang at walang takot na hinarap ang lahat ng mga pagsubok confronted along the way and at the end of the day emerged victorious. They showed the heart of a champion,” giit ni Reyes.

Tinalo ng TNT ang Barangay sa Game 6 sa jampacked na Smart Araneta Coliseum. Pinuri rin ni Reyes si import Rondae Hollis-Jefferson sa kanyang magandang nilaro. Tumipa ang 26-anyos na enforcer na taga-Pennsylvania state ng 31 points, 18 rebounds at eight assists sa 47 minuto sa court.

“Rondae once again proved himself to our legion of fans and doubters he can carry TNT to the podium liked he did last year. He proved himself he is a better import,” sabi ni Reyes. Nanaig si RHJ sa nanlamig na Justin Brownlee na gumawa lamang ng 16 points at 6 rebounds. “Justin played great against San Miguel. He tumbled against TNT. He is no superman,” sabi ni coach Tim Cone.

Sinabi ni Reyes na maglalaro uli si RHJ sa TNT sa 2025 Governor’s Cup. “Nangako siya na babalik sa bansa at maglalaro uli sa TNT sa Governor’s Cup next year,” sabi ni Reyes. Itinanghal si RHJ bilang best import at si Jayson Castro bilang best player of the game at finals MVP.

Tropang Giga inagaw sa Gin Kings ang korona

ni Clyde Mariano @Sports | Nov. 9, 2024

Photo: TNT Champ Gov. Cup 2024 / PBA PH

Ilatag ang red carpet at daraan ang nagbabalik sa podium na Talk ‘N Text bilang undisputed champion ng PBA 49th Governor’s Cup na pinanood ni team owner Manny V. Pangilinan.

Matapos ang isang taon, muling umakyat ang Tropang Giga sa victory stand at tanggapin ang handcrafted gold-plated trophy kay PBA Chairman Ricky Vargas at PBA Commissioner Willie Marcial na sinaksihan ng mga die-hard PBA fans na nagtiyaga ng mahigit dalawang oras sa Smart Araneta Coliseum.

Matagumpay na napanatili ng TNT ang korona na inagaw sa Barangay Ginebra noong nakaraang taon na tinalo ang Kings, 95-85, sa Game 6 . Rumatsada ang TNT 10-0 sa unang 4 minuto kasama ang tres ni Roger Pogoy at sinira ang huling tie 85-all matapos tumawag ng timeout si coach Tim Cone. Tinanghal si Jason Castro bilang best player of the game. Hindi madali ang panalo ng TNT.

Dumanas ng hirap at naghabol ang Tropang Giga. “We did a lot of sacrifice before we retain the title. They played hard and worked hard to win. They refused to wilt down under tremendous pressure. They showed their true character,” sabi ni coach Chot Reyes. “I can say our success is a product of sacrifice. There is no victory without sacrifice. My players sacrificed for four months rain or shine for just one cause. We finally achieved the dream all of us longing for. The sacrifice we passed through finally gave good dividends. I couldn’t ask for more,” wika ni Reyes.

Muling pinamunuan ni Rondae Hollis-Jefferson ang demolition squad ng TNT kasama sina Castro, Roger Pogoy, Kelly Williams at dating Rain or Shine gunner at NCAA star Rey Nambatac. Tumipa si best import Hollis-Jefferson ng 31 points at 16 rebounds, at walong assists.

Nag-ambag sina Castro at Pogoy ng tig- 13 points at Nambatac ng 12 points at humakot ng 43 rebounds at 27 assists. Napakalungkot ang sinapit ng Barangay Ginebra na hindi nakontrol ang laro at bumigay sa huli sa lungkot ni coach Tim Cone na bumalik sa dugout na nakayuko kasama ang talunang Kings .

Umiskor si rookie Rhon Jay Abarrientos ng limitadong 16 points sa mahigpit na bantay ng TNT. Malamig ang simula ng Barangay Ginebra na naghabol sa first quarter pero nabuhayan at inagaw ang lamang sa first half, 43-42. Subalit nabigo ang Gin Kings na masustena ang lamang nang makontrol na ng TNT ang laro.

Gin Kings itinabla sa 2-2 ang finals vs. Tropang Giga

ni Clyde Mariano @Sports | Nov. 4, 2024

Photo: Justin Brownlee / PBA PH

Makalipas ang dalawang araw matapos ang All Saints Day at All Souls Day, bumalik ang Barangay Ginebra sa Smart Araneta Coliseum at tinalo muli ang defending champion Talk ‘N Text sa Game 4, 106-92, at itabla ang serye sa 2-all.

Limang Ginebra players ang gumawa ng double figures sa pangunguna ni Justin Brownlee nang tumipa ng game high 34 points, nine sa three-point area at dalawang four points, six rebounds at four assists. Nagtala sina Stephen Jeffrey Holt, Maverick Ahanmisi at Japeth Aguilar ng tig 18 points, at Earl Scottie Thompson ng 12 points.

Tinanghal si Holt bilang best player of the Game. Tulad sa Game 3, dinomina ng Kings ang laro at hindi pinagbigyan ang TNT na makalapit at maagaw ang lamang at na-outrebounded ang defending champion 32-27 at gumawa ng 23 assists kumpara sa TNT 17.

Dala nang kanilang hangarin na manalo at mataas ang morale at fighting spirit mula sa Game 3, 85-73, ipinakita ng Kings ang kanilang pamosong “never-say-die” character para itabla ang serye at napunta sa kanila ang momentum na tiyak gagamitin ni coach Tim Cone bilang “jumping board” na kunin ang bentahe.

Sabay-sabay sumisigaw ang mga die-hard Ginebra fans ng “Ginebra, Ginebra!" sa tuwing nakakaiskor ang Kings. Tulad sa Game 3, muling pinagtulungan nina Stephen Jeffrey Holt, Maverick Ahanmisi at Japeth Aguilar na bantayan si Jefferson at nilimita ang points production ng best import of the conference sa 28 points at 4 points sa fourth quarter.

Pinamunuan ni Justin Brownlee mainit na opensiba kasama sina Holt, Ahanmisi, Aguilar at Scottie Thompson. “We played well-balanced game both offensively and defensively. Justin was all over the court connecting from all corners,” sabi ni coach Tim Cone. Sa dalawang sunod na panalo, nasa Barangay Ginebra ang momentum at tiyak sasamantalahin ni Cone na makuha ang 3-2 lead.

Umarangkada agad ang Barangay Ginebra 36-25 on the way to 54-42 halftime lead, tumipa si Brownlee ng 18 points, 15 sa first quarter, at ang tubong Davao del Sur na si Thompson na kumamada ng 12 points.

Lamang ang Barangay Ginebra, 95-85, sa tres ni Ahanmisi 4 na minuto ang natitira sa crucial fourth quarter. Umiskor si Holt ng tres sa pasa ni Aguilar 104-92, 1:04 natitira.

Samantala, itinanghal si June Mar Fajardo ng SMB bilang best player of the conference at sa pangalawang sunod na Governor’s Cup ay tinanghal si Jefferson bilang best import.