Ex-PNP chief Eleazar, tatakbong senador

ni Jasmin Joy Evangelista | November 13, 2021

Kinumpirma ni Presidential aspirant Sen. Panfilo Lacson na tatakbo bilang senador sa ilalim ng Partido Reporma si Former PNP chief Guillermo Lorenzo Eleazar.

Hahalili si Eleazar kay Paolo Capino na hindi na umano tatakbo sa senatorial race.

“Yes, I confirm that he will run under Partido Reporma to substitute for Paolo Capino who has announced his intention to withdraw from the senatorial race yesterday,” ani Lacson.

Kahapon lamang ay bumaba sa puwesto si Eleazar bilang PNP Chief kung saan ang pumalit sa kanya ay si newly installed PNP Chief Dinardo Carlos.

Bagong COVID, hayaan lang kumalat — Duque... "Galit ba sa Pilipino ang taong ito?" — Lacson

ni Ronalyn Seminiano Reonico | December 27, 2020

Mabilis na nagpatutsada sa Twitter si Senator Panfilo Lacson na tila pasaring sa naging pahayag ni Department of Health Secretary Francisco Duque III na ikonsidera lamang ang travel ban kung nasa lebel na ng community transmission ang new variant ng COVID-19 mula sa United Kingdom.

Sa isinagawang pulong ni Pangulong Rodrigo Duterte kasama ang ilang miyembro ng Cabinet, saad ni Duque, “Ikonsidera lamang ang travel ban, Mr. President kung nasa lebel na ng community transmission ang new variant sa naturang bansa (UK).”

Tweet naman ni Lacson, “Hayaan daw munang kumalat sa Pilipinas ang COVID-19 variant mula sa UK bago mag-travel ban. Galit ba sa Pilipino ang taong ito?”

Sa ngayon ay wala pang sagot si Sec. Duque sa naging pasaring ni Sen. Lacson.

Duque, nagpaliwanang sa pagkaantala ng pagdating ng COVID vaccine

ni Ronalyn Seminiano Reonico | December 24, 2020

Inamin ni Department of Health Secretary Francisco Duque III na nasaktan siya matapos masisi ng publiko sa pagkakaantala ng maaga sanang pagdating sa bansa ng 10 million doses ng COVID-19 vaccine mula sa Pfizer.

Pahayag ni Duque, “Masakit lang sa akin kasi nga, eh, sana hindi ganoon. Sana napag-usapan, nagbigay ng sulat, formal, may documentation lahat, because to me that’s how professional governance works.”

Ibinulgar ni Senator Panfilo Lacson kamakailan na sa January 2021, nakatakdang dumating sa Pilipinas ang 10 million doses ng COVID-19 vaccine mula sa Pfizer kung naging mabilis lamang sana ang pagpirma sa Confidential Disclosure Agreement.

Pinabulaanan naman ni Duque ang akusasyon sa diumano’y mabagal niyang pag-aksiyon upang malagdaan ang CDA.

Aniya, “I have already said this over and over again. There was no dropping the ball. Ang ginawa natin dito is due diligence. We cannot be reckless. We cannot be signing documents without legal clearance.

“The problem is if people talk and yet they do not have the competence to comprehend the complexities of the vaccine selection, scientific evaluation, procurement, distribution, production, storage, logistical requirements, the actual immunization program. These are all the imperatives of our vaccine roadmap and we must understand the process.”

Mensahe rin ni Duque sa publiko, “Ako as a professional, trabaho na lang tayo, we move forward, we explain to the people. We leave it at that. “We have too much on our plate. We cannot spend our time bickering and trying to say something to counter somebody’s statement. So we just move on kasi ang bigat-bigat ng ating hamon.”